Author Archives: कुवेतनेपाल एडमिन

प्रतिनिधिमा युवाको बाहुल्य : देउवा र पौडेललाई चुनौती


प्रतिनिधिसभा निर्वाचन क्षेत्रीय अधिवेशनबाट ६५ प्रतिशतसम्म युवा आउने अनुमान
कुलचन्द्र न्यौपाने
Sher Bahadur Deuba Ram Chandra Paudel Krishna Prasad Sitaulaकाठमाडौँ — कांग्रेसको महाधिवेशन प्रतिनिधिमा युवा संख्या बढ्ने भएपछि नेतृत्व लिन प्रतिस्पर्धा गरिरहेका पहिलो पुस्तालाई चुनौती थपिएको छ । क्रियाशील सदस्यता शतप्रतिशत बढाउँदा देशैभरबाट निर्वाचित भएर आउने महाधिवेशन प्रतिनिधिमा युवाको संख्या बढ्ने भएको हो । प्रतिनिधिसभा निर्वाचन क्षेत्रीय अधिवेशनबाट निर्वाचित हुने करिब ४२ सय प्रतिनिधिमा ६० देखि ६५ प्रतिशत युवा आउने अनुमान छ । १ सय ६५ प्रतिनिधिसभा निर्वाचन क्षेत्रमध्ये सोमबार भएको १ सय २५ क्षेत्रको अधिवेशनमा युवा उम्मेदवारको संख्या उल्लेखनीय छ । निर्वाचन परिणाम आउन समय लाग्ने भए पनि युवा प्रतिनिधित्व ६० देखि ६५ प्रतिशत हाराहारीमा हुने अनुमान छ । क्रियाशील सदस्यताको विवादले ढिलो सुरु भएको प्रदेश २ को ८ जिल्लाका ३२ निर्वाचन क्षेत्रमा भने गाउँ र नगरपालिका तहकै अधिवेशन जारी छ । पढ्नेक्रम जारी राख्नुहोस्

चितवन महाधिवेशनले दिन खोजेको ५ सन्देश


महाधिवेशनका लागि वडादेखि केन्द्रसम्म हुने अधिवेशनमा नेता–कार्यकर्तामात्र होइन, आमजनतालाई सहभागी गराएर एमालेले आफ्नो राजनीतिक सन्देश तल्लो तहसम्म पुर्‍याउन खोजेको छ
गंगा बीसी
thumbकाठमाडौँ — सत्ता बहिर्गमन र पार्टी विभाजनपछि हुन लागेको एमालेको १० औं महाधिवेशनले मुख्य रूपमा पाँच वटा सन्देश दिन खोजेको छ । महाधिवेशनको मुख्य काम नेतृत्व चयन भए पनि विभाजन भएको पार्टीलाई गति दिँदै राष्ट्रिय चुनौती सामना गर्न सक्षम रहेको सन्देश उसले दिन खोजेको छ । चितवन नारायणी किनारमा हुन लागेको महाधिवेशनले एमाले कमजोर भएको छैन भन्ने पहिलो सन्देश दिने प्रयास गर्नेछ । उद्घाटन सत्रका लागि एमालेले पाँच लाख व्यक्ति चितवनमा उतार्ने दाबी गरेको छ । यसको तयारीका लागि उसले महाधिवेशन उद्घाटनमा सहभागी हुन चितवनमा घरघरै निम्ता पठाएको छ । पार्टी समर्थकबाहेक अरूलाई पनि उद्घाटन सत्रमा सहभागी हुन आग्रह गरेको उसले जनाएको छ । एमालेबाट माधवकुमार नेपाल समूहबिना यो महाधिवेशनमा नारायणी किनारमा ‘जनसागर’ उराल्ने एमालेको तयारी छ । पढ्नेक्रम जारी राख्नुहोस्

सर्वोच्चभित्र तैनाथ सशस्त्र र दंगा प्रहरी हटाउन बारको माग


thumbकाठमाडौँ — नेपाल बार एसोसिएसनले सर्वोच्च अदालतभित्र तैनाथ गरिएका सशस्त्र र दंगा प्रहरी हटाउन माग गरेको छ । बारका अध्यक्ष चण्डेश्वर श्रेष्ठले कानुन व्यवसायीमाथि दमन गर्नका लागि अदालतभित्र सशस्त्र र प्रहरी राखिनु निन्दनीय भएको बताए । आइतबार बारको कार्यालयमा आयोजित विरोध सभामा बोल्दै अध्यक्ष श्रेष्ठले भने, ‘कानुन व्यवसायीमाथि दमन गर्नका लागि सर्वोच्च अदालतभित्र सशस्त्र र दंगा प्रहरी राखिएको छ । यो निन्दनीय छ । यसको अन्त्यका लागि हामीले सम्बन्धित निकायलाई अनुगमन गर्न आह्वान गर्छौं ।’ पढ्नेक्रम जारी राख्नुहोस्

तमू समाज कुवेतले तमू ल्होसार डिसेम्बर ३१ तारिक मनाउने।


Screenshot-2021-11-20-195911कुबेत सिटी – कुवेतमा तमू (गुरुङ) हरुको साझा संस्था तमू समाज कुबेतले तमू (गुरुङ) हरुको राष्ट्रिय चाँड तमू ल्होछार/ल्होसार एक भब्य कार्यक्रमको आयोजना गरी हर्सोल्लासका साथ मनाउने भएको छ । संसारभरी छरिएका तमू (गुरुङ)हरुले तमू ल्होछार/ल्होसार (पौष १५)लाई राष्ट्रिय तथा सास्कृतिक चाडको रुपमा मनाउने गर्दछ। यसलाई बर्षभरीको मुख्य चाडको रुपमा मनाइन्छ । पौष १५ को रात सबै भन्दा लामो हुने र यस पछीको रातहरु क्रमश छोटिदै जाने भएकोले पनि तमू (गुरुङ) समुदायमा यस चाडको बिशेष महत्व छ । तमू (गुरुङ) हरुको पारम्परिक ल्हो कोर (बर्ग चक्र) अनुसार पौष १५ का दिन पुरानो ‘ल्हो’ को समय अवधी सकिने र नयाँ अर्को ‘ल्हो’ को पालो आउने भएकोले पुरानो ‘ल्हो’ लाई बिदाइ गरी नयाँ ‘ल्हो’ लाई भब्य स्वागत गर्ने गरिन्छ, यस बर्ष ‘ल्वो ल्हो’ (गाई बर्ग) को बिदाइ र ‘तो ल्हो’ (बाघ बर्ग) को स्वागत गरिन्छ । पढ्नेक्रम जारी राख्नुहोस्

माउण्ट एभरेष्ट स्पोर्टिङ क्लबको नवौं अधिवेशन सम्पन्न, अध्यक्षमा आनन्द श्रेष्ठ


mesc 2021कुवेत सिटी- कुवेतको नेपाली समाजमा २१ बर्षको इतिहास बोकेको संस्था माउण्ट एभरेष्ट स्पोर्टिङ क्लब, काठमाण्डौ-कुवेतको नवौं ऐतिहासिक अधिवेशन तथा २१ वर्षिक उत्सब हिजो १९ नोवेम्बर २०२१ शुक्रबारको दिन कुबेतको फरवानिया स्थित सेफ नौशद्स रेस्टुरेन्टमा सम्पन्न भएको छ । पढ्नेक्रम जारी राख्नुहोस्

अदालतमा आगो लागिरहँदा दलहरू भाग्न पाउँदैनन्


मुलुकको सर्वोच्च न्यायालय इतिहासकै सर्वोच्च संकटमा छ, इजलासहरू तीन सातादेखि ठप्पप्रायः छन्, पदासीन प्रधानन्यायाधीशमा चरम विचलन देखिएको भन्दै स्वयं न्यायाधीशहरू र बार आन्दोलित छन्, तापनि निकास निस्कने चाँदीको घेरासमेत देखिएको छैन । लोकतान्त्रिक राज्यका तीन स्तम्भ कार्यपालिका, व्यवस्थापिका र न्यायपालिकाबीच शक्तिपृथकीकरण र शक्ति सन्तुलनको सम्बन्ध हुन्छ । कुनै पनि स्तम्भमा संकट उत्पन्न भए अरू स्तम्भले भूमिका खेल्नुपर्छ भन्ने सिद्धान्त र अभ्यास पनि छ । त्यसैले कार्यपालिका र न्यायपालिका प्रमुखको चयन तथा उनीहरूमाथिको कारबाहीमा व्यवस्थापिकाको प्रत्यक्ष भूमिका हुन्छ । व्यवस्थापिका भनेको कुनै अमूर्त बिम्ब होइन, जनताबाट निर्वाचित प्रतिनिधिहरूको मूर्त संरचना हो, जसको परिचालन दलहरूले गर्छन् । त्यस्तै कार्यपालिका प्रमुख पनि दलका नेता नै हुन्, जसले संवैधानिक परिषद्को अध्यक्षता गरेका हुन्छन् । पढ्नेक्रम जारी राख्नुहोस्