Daily Archives: 25/04/2022

सशस्त्रमा सेवा अवधि ३२ वर्ष पुर्‍याउन ‘गुपचुप खेल’


नियमावली संशोधन प्रस्ताव वैशाख १८ अगावै मन्त्रिपरिषद्बाट स्वीकृत भए सशस्त्र प्रहरीको भावी नेतृत्वको समीकरण बदलिने
नियमावली संशोधन प्रस्ताव गृहबाट अर्थमा, निर्वाचन आयोगलाई भने जानकारी छैन
मातृका दाहाल
काठमाडौँ — गृह मन्त्रालयले संगठनभित्र छलफल र अध्ययन नगरी सशस्त्र प्रहरी कर्मचारीको सेवा अवधि ३० वर्षबाट ३२ वर्ष पुर्‍याउने गृहकार्य अघि बढाएको छ । सेवा अवधि ३२ वर्ष कायम हुने गरी सशस्त्र प्रहरी नियमावलीको संशोधन मस्यौदा तयार गरेर गृहले सैद्धान्तिक सहमतिका लागि अर्थ मन्त्रालयमा पठाइसकेको छ । संगठनमा कुनै दीर्घकालीन र रणनीतिक महत्त्वका विषयमा निर्णय लिन वा गृह मन्त्रालयमा सिफारिस प्रस्ताव गर्न डीआईजी र त्यसमाथिका अधिकृत सम्मिलित ‘प्रिन्सिपल स्टाफ कमिटी’ (पीएससी) को बैठक बस्छ । तर सेवा अवधि बढाउने प्रस्तावमा सशस्त्रमा कुनै छलफल नै नभएको स्रोतले जनाएको छ । सशस्त्र प्रहरी प्रवक्ता डीआईजी विदुर खड्काले पनि सेवा अवधि ३२ वर्षे पुर्‍याउने विषयमा अनभिज्ञता जनाए । ‘यस विषयमा हामीलाई कुनै जानकारी छैन,’ उनले संक्षिप्त प्रतिक्रिया दिए । पढ्नेक्रम जारी राख्नुहोस्