मलाई हटाएर देखाउनुस् : प्रधानमन्त्री ओली


राधा खनाल
झापा : प्रधानमन्त्री केपी शर्मा ओलीले आफूलाई हटाएर देखाउन नेकपाको पुष्पकमल दाहाल र माधवकुमार नेपाल समूहलाई चुनौती दिएका छन्। ‘संसद् मुद्दा जितेर ल्याउनुभएको हो भने केपी ओलीलाई पनि हटाएर जितेर देखाउनुहोस्’, प्रधानमन्त्री ओलीले आइतबार झापामा भने, ‘केपी ओलीलाई हटाएर देखाउनुहोस्, फेरि ३ करोड जनताको मन र मत जितेर जनताको सेवा गर्न फर्किनेछु। मेरो टाउकामा जनताको हात आशीर्वादको रूपमा भइन्जेल म हार्दिनँ।’

चीन–नेपालमैत्री औद्योगिक पार्क शिलान्यासका लागि आइतबार झापाको दमक पुगेका प्रधानमन्त्री केपी शर्मा ओलीलाई स्वागत गर्दै स्थानीय बासिन्दा । प्रधानमन्त्री ओलीले आफूले कमै मात्र मुद्दा जितेको तर जनताको साथ भएपछि मुद्दा हारेर फरक नपर्ने बताए। ‘गल्ती गर्दिनँ तर मुद्दा हार्छु। आफू सही छु तर पनि मुद्दा हार्छु’, ओलीले भने, ‘त्यसैले अहिले सर्वोच्च अदालतमा हारेको मुद्दा पनि मेरा लागि अनौठो होइन।’

ओलीले दाहाल र कांग्रेस सभापति शेरबहादुर देउवालाई भेट्न गएकामा व्यंग्य गरे। ‘दुई भाइ चितवनबाट प्लेन चढेर लड्डु खाएर सुतेका बूढानीलकण्ठलाई पूजा गर्न गए भनेको त उठिरहेका बूढानीलकण्ठको पूजा गर्न गएका रहेछन्’, उनले भने।

उनले बलिदानपूर्ण संघर्ष गरेर ल्याएको लोकतन्त्रलाई मर्न नदिने अठोट सुनाए। ‘हामी अहिले पनि सही बाटोमा छौं। झुसे बारुलाले फुर्ती नलगाए हुन्छ’, उनले भने, ‘संघर्ष हाम्रो जीवन हो भन्ने हामीलाई राम्रो थाहा छ।’ जनताले ल्याएको परिवर्तनको रक्षा जनताले नै गर्ने उनको भनाइ थियो। ‘नेपाली जनताले ल्याएको यो परिवर्तन, नेपाली जनताले नै यसको रक्षा गर्छन्’, उनले भने।

उनले आइतबार चीन–नेपालमैत्री औद्योगिक पार्क शिलान्यास गरे। यस्तै, आइतबारै कमल गाउँपालिकाको तोपगाछी क्याम्पाबाट धरमपुर मंगल’bout जोड्ने पक्की पुल, दमक नगरपालिका–१० मा रहेको मावा खोलाको पुल, इलामको चुलाचुली जोड्ने पुल उद्घाटन गरे। दमकको बेलडाँगी र इलामको बुकुवाबीचको रतुवा खोलाको पुलको शिलान्यास पनि प्रधानमन्त्रीले गरे।

प्रधानमन्त्रीले मदन भण्डारी राजमार्गमा जोडिने ३१ वटा पुलको शिलान्यास एकसाथ गरे। उनले पुल शिलान्यास गर्दै, ‘अब जनताले पुल र बाटो भएन भन्ने गुनासो गर्नुपर्ने छैन। सरकार खोजी–खोजी निर्माण गर्ने अभियानमा छ।’ (अन्नपूर्ण )

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.