नाइजेरियामा सशस्‍त्र समूहको भीषण हमलाः ११० किसान मारिए


नाइजेरिया : नाइजेरियाको उत्तरपूर्वी क्षेत्रस्थित कोशोब र माइदुगुरी सहर नजिकैको ग्रामिण भेगमा बोको हरामले गरेका हमलाबाट कम्तिमा ११० जना किसान मारिएका छन् । संयुक्त राष्ट्रसंघलाई हवाला दिँदै अलजजीरा, एपी, बीबीसी लगायत अन्तर्राष्ट्रिय मिडियाले यस’bout समाचार बनाएका छन् । प्रारम्भिक चरणमा कोशोबस्थित खेतमा काम गरिरहेका ४३ किसान मारिएको समाचार थियो । पछि अन्य ग्रामिण भेगमा मारिएका ७० गरी जम्मा ११० किसान मारिएको समाचार अन्तर्राष्ट्रिय मिडियाले बनाएका हुन् ।

शनिबार दिउँसोका ती हमला बोको हरामले गरेको बताइएको छ । नाइजेरियाका ग्रामिण इलाकामा सशस्त्र समूह बोको हराम सक्रिय रहँदैआएको छ । नाइजेरियास्थित संयुक्त राष्ट्रसंघीय मानवीय संयोजक संस्थाले जनाए अनुसार सुरुमा मोटरसाइकलमा आएका मानिसले खेतमा काम गरिरहेका किसानलाई लक्षित गरी हमला गरेका थिए ।

‘आक्रमणबाट कम्तिमा ११० आम नागरिक मारिएका छन् र अरु धेरै घाइते छन्,’ संयुक्त राष्ट्रसंघले विज्ञप्तिमा जनाएको छ । साथै केही महिलाको अपहरण भएको पनि आशंका गरिएको स्थानीयले बताए ।

बोको हराम र इस्लामिक इस्टेट जस्ता समूह यस क्षेत्रमा पछिल्ला केही वर्षदेखि सक्रिय रहँदैआएका छन् । पछिल्लो दशकमा मात्रै ३० हजार मानिस यसै इलाकामा मारिएका छन् । साथै थुप्रै मानिस छिमेकी नाइजर, चाड र केमरुन लगायत देशमा विस्थापित भएका छन् । नाइजेरियन राष्ट्रपति मुहमदु बुहारीले भने यस घटनापछि सुरक्षा संकटलाई समाधान गर्ने प्रतिवद्धता व्यक्त गरेका छन् ।(अन्नपूर्ण )

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.