…त्यो प्राकृतिक देन हो धेरै सोँच्नु पर्ने आवश्यक्ता छैन’


पातलो शरीर । सामाजिक सञ्जालमा सक्रिय । मिठो बाल्ने । भावना गुरुङको विशेषता हो । उनले डेब्यु भने गुरुङ भाषाको फिल्मबाट गरेकी हुन् । फिल्म क्षेत्रका लागि उनको चर्चित नाम होइन । तर, उनी फिल्म र कलाक्षेत्र भनेपछि अगाडि आइहाल्छिन् । उनले पछिल्लो समय ‘स्वर्ग मेरो गाउँ’मा अभिनय गरेकी छिन् । भावना केही महिना अगाडि फिल्म खेल्नकै लागि भारतको मुम्बई पनि पगेकी थिइन् । बिडम्वना उनी छनौट भइनन् । लाइनमा बसेर अडिशन दिएकी भावनाले मुम्बईको फिल्मी क्षेत्रबाट आफू निकै प्रभावित भएको र सिक्नुपर्ने धेरै कुरा रहेको बताउँछिन् । खुलेर कुरा गर्नु उनको अर्को विशेषता पनि हो । उनै भावना गुरुङसँग हाम्रा सहकर्मी विमल योगीले गरेको कुराकानी :

कलाक्षेत्रमा लागेको कति भयो ?

कलाकारितामा लागेको ५/६ वर्ष भयो । मैले फेशन शोबाट मोडलिङ करियर शुरु गरेको हुँ । र्‍याम्पमा हिँड्न राम्रो लाग्छ । हाइटले र शरीरले मलाई साथ दिएको छ ।

तपाईको घर चाहिँ कहाँ हो ?

पुरानो घर चितवनमा हो । अहिले काठमडौंको सामाखुसी बस्छु ।

कला क्षेत्रमा कसरी लाग्नुभयो ?

सानैदेखिको सौख हो । शुरुमा र्‍याम्पमा मोडलिङ गरेको थिएँ । २/४ वटा र्‍याम्पमा हिँडे । त्यसपछि गुरुङ भाषाको फिल्ममा अभिनय गर्ने मौका मिल्यो । त्यसपछि कला क्षेत्रमा तानिएँ ।

कला क्षेत्रमा लाग्ने बेला घर परिवारको सहयोग थियो ?

शुरुमा त घर परिवारबाट केही समस्या थियो । तर, मेरो आफ्नै लगाव भएका कारण अहिले सहयोग भइरहेको छ । मेरी आमा गाउने र नाच्नका लागि सौख राख्ने व्यक्ति हुनुहुन्छ । आमाको सौखले गर्दा मलाई फिल्म क्षेत्रमा लाग्न सहयोग मिल्यो ।

तपाईलाई मन पराउने त धेरै होला नि ?

छन् । धेरैले मलाई मन पराउनु हुन्छ । मैले पनि शुभेच्छुकहरूलाई मन पराउने गरेकी छु ।

मैले त्यसो भनेको होइन । बिहे गर्ने गरेर मन पराउनेको कुरा गरेको नि ?

त्यो पनि हो । बिहेका प्रस्ताव आउँछन् । त्यसलाई अन्यथा लिनुपर्ने कुरा छैन ।

फिल्ममा अभिनय गर्ने महिला कलाकारहरूलाई समाजमा राम्रो रुपमा हेर्दैन भन्छन् किन होला ?

मलाई त्यस्तो लाग्दैन । हरेक क्षेत्रमा राम्रा र नराम्रा सबै गुण हुन्छन् । कलाकार सबै नराम्रो हुन्छन भन्ने होइन । त्यो आफूमा भर पर्ने कुरा हो । समाजले कसरी हेर्छ भन्दा पनि समाजलाई मैले कसरी प्रस्तुति दिइरहेकी छु भन्ने कुरा हेर्नुपर्छ । समाज नहुने हो भने कलाकार पनि त हुन सकिदैन नि ! यो विषयलाई सकारात्मक रुपमा लिएर जानुपर्छ ।

फिल्ममा लाग्ने कलाकारहरू छाडा हुन्छन् भन्ने आरोप पनि छ नि ?

खै मलाई त्यस्तो लागेको छैन । म त्यसरी छाडा भएर बोलेकी छैन । हिँडेको पनि छैन । साथीभाईहरूसँग राम्रो सम्बन्ध छ । कसले छाडा बोलेको हो त्यो त म भन्न सक्दिन । आफू भलो हुनुपर्छ । जगत नै भेलो हुन्छ । पहिला आफूले आफैलाई सुधार गर्नुपर्छ ।

फिल्म क्षेत्र महिलाका लागि राम्रो होइन रे नि ?

फिल्म क्षेत्रबाट नाम कमाएका थुप्रै कलाकार छन् । पुरुष मात्रै होइन महिला कलाकार पनि राम्रा छन् । के सबैलाई एउटै टोकरीभित्र राखेर हेर्न मिल्छ ? मैले शुरुमा पनि भने नि ! हरेक क्षेत्रमा राम्रा र नराम्रा मान्छे हुन्छन् । त्यो व्यक्तिमा भर पर्ने कुरा हो । कलाकारितामा पछिल्लो समय धेरै राम्रा कलाकारको प्रवेश भएको छ । विकृति पनि छैन भनेको होइन । विकृतिलाई व्यक्तिले कुन रुपमा लिएको छ त्यसमा भर पर्छ ।

तपाईलाई घमण्डी भनेर आलोचना गर्नेहरू पनि छन् नि ?

म आफूलाई त्यस्तो छु जस्तो लाग्दैन । सबैसँग सहज रुपमा कुरा गर्ने गरेको छु । मेरा कारण कसैलाई समस्यामा पारेको जस्तो लाग्दैन । खै केलाई हो घमण्डी भनेको ?

तपाई फिल्म, म्युजिक भिडियोमा धेरै देखिनु भएको छैन भन्नेहरू पनि छन् नि ?

म विगत एक वर्षदेखि म्युजिक भिडियो खेलेको छैन । पहिला खेल्थे । त्यो भएर पनि होला । अब राम्रा फिल्म खेल्ने योजना बनाएको छु । प्रस्ताव नआएका होइनन् । म आफैले पनि इच्छा देखाएको छैन । तर, भविष्यमा राम्रा फिल्म र म्युजिक भिडियो खेल्छु ।

तपाईको नाम विवादमा धेरै सुनिएको छैन । कुनै पुरुषसँग पनि जोडिएको सनिएको छैन । साँच्चै कुनै पुरुषसँग जोडिनु भएको छैन र ?

मैले विवादित हुने कुनै पनि काम गरेको छैन । विवादत हुने व्यक्ति पनि होइन । आफ्नो काम गर्ने हो अरुको कुरा गर्ने होइन । किन विवादमा आउनु पर्‍यो ? मैले जहिले पनि सकारात्मक सोँच्ने गरेको छु । कुनै पनि पुरुषसँग नाम जोडिएर आउनु पर्ने कुनै त्यस्तो गलत गरेको पनि छैन ।

तपाईलाई मन पराउने त होलान् नि ?

मन पराउने धेरै हुनुहुन्छ । विवाहको प्रस्ताव पनि गर्नु हुन्छ । शुरुमा पनि भनि सकेको छु । त्यो कुरा त भनि साध्य छैन । म खुला रुपमा बोल्ने व्यक्ति हो । लुकाएर बोल्न जान्दैन । सिधै बोल्ने हो ।

तपाईलाई मन पर्ने कुनै गीत याद गर्न सक्नु हुन्छ ?

गीतहरू सबै राम्रा छन् । यही गीत भन्ने छैन । अहिले आएका गीतहरू अलिक धेरै सुन्ने गरेको छु । हिन्दी पनि सुन्छु ।

सामाजिक काममा सक्रिय कति छ ?

त्यस्तो सक्रियता त छैन । आफ्नै संघसंस्था पनि छैन । तर, वृद्धवृद्धाको सेवा गर्न मनपर्छ ।

अभिनयमा शिक्षा लिनुभएको छ ?

कुनै औपचारिक शिक्षा लिएको छैन । तर, डान्स क्लास र क्याटवाकको शिक्षा लिएको छु । अभिनयको क्लास लिएको छैन ।

सेक्सको ’boutमा तपाईको धारणा के छ ?

सेक्स प्राकृतिक देन हो । हामीले बनाएको होइन । भगवानले दिएको कुरा हो । यस विषयमा धेरै सोँच्नु पर्ने वा परिभाषा दिनुपर्ने आवश्यक्ता छैन ।(दैनिक )

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google+ photo

You are commenting using your Google+ account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )