अपहरित बालकको गोली हानी हत्या


शिव पुरी
रौतहट — कटहरिया नगरपालिकाका–१२ वर्षीय बालकको अपहरण पछि हत्या भएको छ । अपहरणकारीले उनलाई गोली हानी हत्या गरी बाग्मती नदी किनारमा फालेका थिए । घटनामा संलग्न रहेको आरोपमा प्रहरीले ५ जनालाई पक्राउ गरेको छ । बालक शनिबार राति घरबाटै अपहरणमा परेका थिए । कटहरिया नगरपालिका–९ डुमरियाका अहेब दिलिप साहका १२ वर्षीय छोरा शनिदेवल भनिने युवराज साहको अपहरणकारीले गोली प्रहार गरी हत्या गरेको हो। उनको शव बाग्मती नदी किनारमा सोमबार बिहान फेला परेको हो। बालकलाई घरबाट १५ किलोमिटर पर गढीमाई नगरपालिका–५ बाग्मती किनारमा लगेर कञ्चटमा गोली प्रहार गरी हत्या गरेको प्रहरी निरीक्षक चतुर्भज ओझाले बताए।

अपहरण पछि जिल्ला प्रहरीले सिमावर्तीलगायत क्षेत्रमा चेकजाँच र सर्च अभियान चलाएको थियो। ‘शनिबार राति अपहरण गरी आइतबार नै हत्या गरेको हुनाले अपहरणकारीको मार्ने उदेश्य नै भएको देखिन्छ,’ प्रहरी निरीक्षक ओझाले भने, ‘घट्नामा संलग्न पक्राउ परे पछि मात्र हत्या भएको खुलेको हो।’
घटना लगत्तै जिल्ला प्रहरी कार्यालयबाट प्रहरी निरीक्षक मनोज यादव र इलाका प्रहरी कार्यालय गरुडाबाट निरीक्षक ओझा नेतृत्वको टोलीले कटहरिया–९ डुमरियाका शक्तिराय यादव, प्रविन राय यादव, सुनिल कुमार यादव र बृन्दावन नगरपालिका आखरपाथरका विनोदकुमार पटेल, रविकुमार पटेललाई पक्राउ गरेको थियो। उनीहरुले अपहरण पछि बालकको हत्या गरेको स्वीकारेका छन्। उनीहरुले घटना ’bout प्रहरी समक्ष बयान दिए पछि हत्या गरी फालिएको स्थानमा पुगेर शव बरामद गरेको थियो।

राति दुई छोरीको बीचमा सुतिरहेका बालक युवराजलाई अपहरणकारीले लगेका थिए। उनीहरुले छतबाट तल कोठामा प्रवेश गरी बालकलाई अपहरण गरेका हुन्। छोरा अपहरणमा परेको अभिभावकले बिहान मात्र थाहा पाएका थिए। त्यस पछि अपहरणकारीले १ करोड फिरौती रकम माग गरेको प्रहरीले जनायो।

घटना पछि डुमरिया गाउँ शोकमग्न बनेको छ। अहेब दिलिपका युवराज एक्लो छोरा थिए। अपहरित बालकको खोजीमा जुटेका गाँउले शव भेटिएपछि शोकमग्न भएको दिलिपका आफन्त बैजु साहले बताए। (कान्तिपुर )

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google+ photo

You are commenting using your Google+ account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )