साउदी अरबमा निर्माण क्षेत्र र सप्लाई कम्पनीमा कामदार जान रोक लागाउने तयारी


कम्पनीको आर्थिक अवस्था हेरेर मात्रै स्वीकृती दिइने
हाेम कार्की, काठमाडौं
27112016064908kamdarमंसिर १३, २०७३- नेपाली कामदारका लागि प्रमुख गन्तव्य मानिएको साउदी अरबको निर्माण क्षेत्र र सप्लाई कम्पनीमा सरकारले कामदार पठाउने कार्य स्थगन गर्ने तयारी गरेको छ । साउदीमा काम र तलब नपाउने कामदारमा वृद्धि हुन थालेपछि श्रम तथा रोजगार मन्त्रालयले नेपाली दूतावासको सिफारिसमा श्रम स्वीकृतिमा कडाई गर्न लागेको हो । नेपाली दूतावासका अनुसार साउदीका ५० कम्पनीमा एक हजारभन्दा बढी कामदार बिचल्लीमा परेका छन् ।

‘साउदी जान प्रतिबन्ध गरिहाल्न मिल्दैन,’ श्रम मन्त्रालयका उच्च अधिकारीले भने, ‘गन्तव्य मुलुक जोगाउन र बिचल्ली पर्ने कामदारको अवस्थाबाट नियन्त्रण गर्न नेपाली दूतावासले दिएको सुझावअनुसार श्रम स्वीकृति दिने नीति अख्तियार गर्न लागिएको हो ।’

दूतावासले थप नेपालीलाई समस्यामा पर्नबाट जोगाउन सप्लाई कम्पनी र निर्माण क्षेत्रसँग सम्बन्धित काममा श्रमिकहरू पठाउन हाललाई स्थगित गर्न अनुरोध गरेको थियो । उसले कामदार पठाउनै परेमा कम्पनीको वित्तीय एवं कारोबारको अवस्था, विश्वसनीयता, कानुनी मान्यता बुझेर मात्रै श्रम स्वीकृति दिन, सप्लाई कम्पनीमा कामदार नपठाउन, दूतावासले प्रमाणीकरण गरेको मागपत्रअनुसार मात्रै श्रम स्वीकृति दिन र साउदीमा कामदार बिचल्ली पर्ने म्यानपावरलाई श्रम स्वीकृति नदिनका लागि परराष्ट्र र श्रम मन्त्रालयलाई सुझाव दिएको छ ।

साउदीमा विचल्लीमा परेका कामदारहरु ।

श्रम मन्त्रालयले मन्त्रीस्तरको निर्णय गरेर कार्यान्वयनका लागि वैदेशिक रोजगार विभागलाई निर्देशन दिने तयारी गरेको छ । ‘श्रममन्त्री र सचिव दुवैजना बाहिर जाँदै हुनुहुन्छ । त्योभन्दा अघि नै निर्णय लिने तयारी भएको छ,’ ती अधिकारीले भने, ‘नागरिकको हित नै प्रमुख विषय हो ।’

साउदीमा काम र तलब नपाएका कामदारहरू खानासमेत नपाएर कठिन अवस्थामा पुगेका छन् । ‘लाखौं तिरेर आएका कामदारहरू यहाँ आएकै हप्ता दिनदेखि खानासमेत नपाएका भनेर उजुरी दिन आइपुग्छन्,’ श्रम काउन्सेलर अम्बिकाप्रसाद अधिकारीले भने, ‘कामदारका अवस्थाहरू दिन प्रतिदिन दयनीय हुँदै गइरहेको छ ।’

अधिकारीले अलपत्र परेका कामदारलाई उद्धार गर्नका लागि कम्पनी र म्यानपावर दुवै जना संवेदनशील नभएको बताए ।

‘१३ महिनादेखि तलब पाएको छैन । हामी खानाका लागि मात्रै काम गरिरहेका छौं,’ कर्णाली म्यानपावरबाट पुगेका बर्दियाका राजेश चौधरीले कान्तिपुरलाई भने, ‘हामी यहाँबाट घर फिर्न चाहन्छौं । कम्पनीले पठाइरहेको छैन ।’

हाँडीखोला, मकवानपुरका सुरेश वाइबाले ६ महिनादेखि तलब नपाएर बसेको बताए । ‘हामी २० जना छौं । चन्द्रमा ओभरसिजबाट आइपुगेको हो,’ उनले भने, ‘अहिले हामीले काम गर्न पाइरहेका छैनौं ।’
दूतावासले साउदी आउने कामदारलाई जागरुक हुनुपर्ने बताए । ‘म्यानपावरले फाइदाका लागि पठाइहाल्छ । नयाँ आउनेले आफू कस्तो कम्पनीमा जाँदैछु भनेर सचेत हुन जरुरी छ,’ उनले भने ।

(कान्तिपुर )

Advertisements

One response to “साउदी अरबमा निर्माण क्षेत्र र सप्लाई कम्पनीमा कामदार जान रोक लागाउने तयारी

  1. Saudi matara haina gulfma kunai pani country ma jana banda garda hunxa supply companyma

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )