लोकमानविरुद्धको महाअभियोग प्रस्ताव संसदमा पेश, मंगलबारदेखि छलफल हुने


नरेन्द्र साउद
काठमाडौंः अख्तियार दुरुपयोग अनुसन्धान आयोगका प्रमुख लोकमानसिंह कार्कीविरुद्ध संसदमा दर्ता भएको महाअभियोग प्रस्तावमाथि मंगलबारबाट छलफल हुने भएको छ। आइतबार बसेको संसद बैठकमा सभामुख ओनसरी घर्ती मगरले कार्कीविरुद्ध संसदमा दर्ता भएको महाअभियोग प्रस्तावमाथिको छलफलका लागि मंगलबार दिउँसो ३ बजेका लागि समय निर्धारण गरेकी हुन्।
संसद बैठकको सुरुमै सभामुख घर्तीले कार्कीविरुद्ध संसदमा महाअभियोग दर्ता भएको सूचना पढेर सुनाएकी थिइन्। त्यसपछि सभामुखले महाअभियोग प्रस्तावमाथि छलफलका लागि समय निर्धारण गरिएको जानकारी दिइन्।
यसअघि कार्कीविरुद्ध नेकपा माओवादी केन्द्र र एमालेका एक सय ५७ सांसदले गत बुधवार संसदमा महाअभियोग प्रस्ताव दर्ता गरेका थिए।
कार्कीविरुद्धको महाअभियोग प्रस्ताव संसदमा छलफल भएपछि महाअभियोग सिफारिस समितिमा पठाइने छ। महाअभियोग सिफारिस समितिले प्रतिवेदन तयार पारेर संसदमा पेश गरेपछि महाअभियोग प्रस्तावबारे संसदमा मतदान हुनेछ।(अन्नपूर्ण पोस्ट )

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )