स्याङजा लामडाँडा अग्नि पीडितलाई हङकङवासीको १२ लाख ४० हजार सहयोग


मुककाजी गुरुङ, हङकङ

13407061_1190182877680011_4473493766448964693_n१७ जुन २०१६ का दिन आगोलागीबाट गाँउ नै धस्त भएको स्याङजा मनकामना ७ लामडाँडा गाँउ पुर्ननिर्माणका निमित्त हङकङवासी नेपालीले ठुलो रकम सहयोग गरेका छन्।

हङकङवासी नेपालीहरुले लामडाँडा अग्नि पिडितहरुका निमित्त नगद १२ लाख ४० हजार रुपैयाँ प्रदान गरेका छन। स्याङजा माझकोट सिंगारकोट घर भई हाल हङकङको बिभिन्न संघसंस्थामा रहेर सामाजिक कार्यमा अग्रसर तथा संचारकर्मी मुककाजी गुरुङको बिशेष पहलमा ५ लाख ६० हजार रुपैयां संकलन भएको हो। जस मध्ये तमु प्ये ल्हु संघ हङकङ, तमु समाज हङकङ लगायत हङकङ, मकाउ र नेपालका विभिन्न ब्यक्तित्वहरुबाट संकलित रकम रहेको छ। यसैगरी भिरकोट आठथर तमु समाज, स्याङ्जा हङकङको तर्फबाट नेपाली ६ लाख ८० हजार रुपैयां गरी जम्मा नगद १२ लाख ४० हजार रुपैयां बितरण गरेका हुन्।

13406702_1190183571013275_4349197912493231910_nहङकङबाट संकलित उक्त रकम “गोर्खा वेल्फेयर स्कीम, एरिया वेल्फेयर सेन्टर, स्याङ्जाका वेल्फेयर अफिसर क्याप्टेन पिम गुरुङले अग्नि पीडितहरुलाई वितरण गर्नु भएको थियो। एकद्धवार प्रणालीबाट राहत वितरण गरिने सरकारी नियम अनुसार राहत रकमको चेक लामडाँडा दैविक प्रकोप समितिका संयोजक एवम गाविस सचिव डिल्लीराम चापागाँईलाई हस्तान्तरण गरिएको छ। कार्यक्रममा क्याप्टेन पिम गुरुङले राहत संकलन पहलकर्मी मुककाजी गुरुङले हङकङ्गबाट पठाउनु भएको सन्देश समेत पढेर सुनाउनु भएको थियो।रकम वितरण गर्दै गुरुङले राहत रकम सहि सदुपयोग हुनुपर्नेमा जोड दिनुभयो। उहाँले हङकङबाट संकलित रकमले अग्नि पीडितहरुको घाउमा मलम लगाउन टेवा पुग्ने दावी समेत गर्नुभयो साथै पुनर्निर्माणमा खर्चिने पनि बताए।

त्यसैगरी स्थानिय समाजसेवी एवम लेफ्टिनेन्ट चौ बहादुर गुरुङले अग्नीपिडितका नाममा आएको रकमलाई दुरुपयोग हुन नदिने प्रतिवद्धता जनाउंनु भयो। उहाँले आगालागीबाट ध्वस्त बनेका घरहरु छिट्टै पुर्ननिर्माण हुने बताउदै यसका लागि प्राविधिक तयारी भइरहेको जानकारी दिनुभयो। राहत वितरण कार्यक्रममा बोल्दै

13494770_1190183601013272_688392326026616149_nलामडाँडा दैविक प्रकोप समितिका संयोजक एवम गाविस सचिव डिल्लीराम चापागाँईले गाँउलाई नमुना गाँउको रुपमा पुर्ननिर्माण गरिने बताउनुभयो। उहाँले हाल बर्खायाम भएकाले भदौँ दोस्रो सातादेखि घर निर्माण गर्न शुरु गर्ने योजना रहेको जिकिर गर्नुभयो साथै समाजसेवी तथा सञ्चारकर्मी भाई मुककाजी गुरुङको बिशेष पहलमा लामडांडा अग्नि पीडितहरुलाई भिरकोट आठथर तमु समाज, (स्याङ्जा हङकङ), तमु प्ये ल्हु संघ हङकङ, तमु समाज हङकङ लगायत हङकङ, मकाउ र नेपालका बिभिन्न ब्यक्तित्वहरुले जुन किसिमको आर्थिक सहयोग गर्नुभएको छ। उक्त सहयोगप्रति सिंगो लामडांडा अग्नि पीडितहरुको तर्फबाट
सम्पूर्ण सहयोगी संघसंस्था तथा ब्यक्तित्वहरुप्रती हार्दिक आभार ब्यक्त गरे। पत्रकारहरु समेत उपस्थित कार्यक्रम लामडाँडा दैविक प्रकोप समितिका सचिव धन बहादुर थापाले सञ्चालन गर्नुभएको थियो।

गत बैशाख १८ गते आगोलागीबाट २० घर पूर्ण रुपमा नष्ट भएको थियो। आगालागीबाट नष्ट भएका घर निर्माणका लागि करिव १ करोड १५ लाख लाग्ने अनुमान गरिएको छ। हालसम्म विभिन्न व्यक्तिहरु, संघसंस्था र देशविदेशबाट गरि करिव ५१ लाख संकलन भईसकेको समितिले जनाएको छ।

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )