नयाँ शक्तिबाट सांसद बन्न स्नातक हुनुपर्ने


बसन्त बस्नेत, काठमाडौं
नयाँ शक्ति छलफल सत्रमा प्रस्ताव
14062016101705Naya_shakti_Nepal_Party_Annnounce_Program-(5)-1000x0जेष्ठ ३२, २०७३- नयाँ शक्ति नेपालले प्रत्यक्ष निर्वाचित हुन चाहने सांसदले कम्तीमा स्नातक उत्तीर्ण हुनुपर्ने प्रस्ताव गरेको छ । प्रज्ञा प्रतिष्ठान कमलादीमा सोमबार सुरु छलफल सत्रमा संयोजक बाबुराम भट्टराईको राजनीतिक प्रतिवेदन ‘नयाँ शक्तिको आधारतत्त्व’, नेता देवेन्द्र पौडेलको ‘संगठन विधान प्रतिवेदन’ र रामेश्वर खनालको ‘आर्थिक विकास र समृद्धिको प्रारूप’ माथि १२ समूहमा बाँडिएर बहस गर्दै प्रतिनिधिले यस्तो माग गरेका हुन् । समानुपातिकतर्फ भने शैक्षिक योग्यतासम्बन्धी प्रावधान नराखिने गरी छलफल सत्रमा बहस भएको हो ।

भट्टराईले वाम–लोकतान्त्रिक धारको पार्टी निर्माण गर्न प्रस्ताव गरे पनि कतिपय सहभागीले भने वाम भनिरहनुनपर्ने, लोकतान्त्रिक भने पुग्ने जिकिर गरे । आफूलाई वामपन्थी भन्ने पार्टीहरू राजनीतिक कार्यक्रममा वाम दिशा तय गर्न चुकेको भन्दै ती सहभागीले नयाँ शक्ति वैकल्पिक लोकतान्त्रिक शक्ति बन्नुपर्ने टिप्पणी गरे ।

नयाँ शक्तिले पार्टीका सबै तहका नेता अनिवार्य चुनिएर आउनुपर्ने व्यवस्था गरेको छ । निर्वाचित प्रतिनिधि पूर्वप्रतिबद्धताबाट च्युत भए उसलाई प्रत्याहवान (फिर्ता बोलाउन सकिने) व्यवस्था राख्न प्रतिनिधिले माग गरेका छन् ।

पार्टी छाडिजानेलाई फूलमाला लगाएर बिदा गर्ने प्रस्तावसमेत अधिकांश समूहबाट आएको छ ।

१ सय ५१ सदस्यीय केन्द्रीय समिति बने पनि हाललाई ९९ सदस्यीय केन्द्रीय समिति घोषणा गर्ने, छलफलपछि त्यसमा नेता थप्दै जाने, केन्द्रीय समितिलाई अर्को वर्षभित्र महाधिवेशन गरिसक्ने गरी आयोजक समितिमा परिणत गर्ने केन्द्रीय नेतृत्वको तयारी छ । केन्द्रीय समिति सदस्य मंगलबार चयन हुनेछन् ।

बन्द सत्रको सट्टा छलफल सत्र नाम दिइएको उक्त सभामा १५ सय प्रतिनिधि कायम गरिए पनि तीन दिनअघि जोडिएको संघीय जनमुक्ति पार्टीका १ सय ७५ प्रतिनिधि थपिएपछि अरू कार्यकर्ताले समेत प्रतिनिधि हुन पाउनुपर्ने माग गरे । नयाँ शक्तिमा विलय हुन पुगेको उक्त समूहलाई १ सय १५ प्रतिनिधि छुट्याइएपछि नेताहरूले असन्तुष्टि जनाएका थिए ।

त्यसपछि बढाएर १ सय ७५ बनाउँदा अरू कार्यकर्ताले चर्को प्रतिवाद गर्दा छलफल सत्र निर्धारित समयभन्दा डेढ घण्टा पछि धकेलियो ।

‘तनावै त होइन, छलफलसम्म भएको हो । त्यसपछि अरू प्रतिनिधि पनि थपिएका छन्,’ प्रवक्ता खिमलाल देवकोटाले कान्तिपुरसँग भने । सबै समूहबाट आएका सुझावलाई निर्णयार्थ पेस गर्न मंगलबार बिहान पार्टी कार्यदल बैठक बस्ने उनको भनाइ थियो ।

समूहगत छलफलका क्रममा प्रदेश र केन्द्रको क्षेत्राधिकार’bout सन्तुलन नमिलेको भन्दै कतिपय प्रतिनिधिले असहमति जनाएको नेता निर्मल भट्टराईले बताए ।

सबै समूहका तर्फबाट टोली नेताहरूले धारणा राखिसकेपछि तीनै प्रतिवेदन पारित गरिने र त्यसलाई जनताको स्तरमा छलफल चलाउन पठाइने पार्टी स्रोतले बताएको छ । आइतबार पार्टी स्थापना घोषणा गरेको नयाँ शक्तिले राष्ट्रिय भेला मंगलबार सकिने जनाएको छ ।

(कान्तिपुर )

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )