आयरल्यान्डमाथि नेपालको शानदार जित, नेपाल समूह विजेता बन्दै फाइनलमा


Nepal-U-19काठमाडौं, कार्तिक ४ । नेपालले मलेसियामा जारी आइसीसी यु–१९ विश्वकप क्रिकेट छनोट प्रतियोगिताको समूह चरणको खेलमा शतप्रतिशत नतिजा निकालेको छ । नेपालले समूहको अन्तिम खेलमा आयरल्यान्डमाथि ८ विकेटको जित दर्ता गर्‍यो । यो जितसँगै नेपाल समूह विजेता बन्दै फाइनलमा पुगेको छ । फाइनलमा नेपालले फेरि आयरल्यान्डकै सामना गर्नेछ । आयरल्यान्ड समूहमा दोस्रो भएको हो ।

बुधबार क्वालालम्पुरको किन्रारा ओभल मैदानमा आयरल्यान्डले दिएको १८५ रनको चुनौती नेपालले ४३ बल बाँकी छँदै २ विकेटको नोक्सानीमा पूरा गरेको हो । आयरल्यान्डविरुद्ध नेपालको ओपनिङ साझेदारी शानदार रह्यो ।

नेपालको जितमा सन्दीप सुनारले ८५ रनको उत्कृष्ट पारी खेले । सुनिल धमला ७५ रन बनाएर पवेलियन फर्कंदा नेपालको जितको आधार तय भइसकेको थियो । कप्तान राजु रिजाल १६ र योगेन्द्रसिंह कार्की ४ रनमा अविजित रहे ।

यसअघि, टस जितेर पहिले ब्याटिङ गरेको आयरल्यान्डले निर्धारित ५० ओभरमा ७ विकेट गुमाएर १ सय ८४ रन बनाएको थियो । कुनै समय १ सय १ रन जोड्दा ७ विकेट गुमाइसकेको आयरल्यान्डले आठौं विकेटका लागि अविजित ८३ रनको साझेदारी गरेको हो ।

नेपालका लागि प्रेम तामाङले सर्वाधिक ४ विकेट लिए ।

यसअघि नै दुबै टोलीले फाइनलमा स्थान सुरक्षित गरिसकेका थिए । नेपाल र आयरल्यान्डबीच नै विहीबार (भोलि) फाइनल खेल हुनेछ । उक्त फाइनल खेलले विश्वकपमा छानिने एक टोलीको टुंगो लगाउने छ ।

छनोट प्रतियोगिताको उपाधि जित्ने टोलीले आगामी जनवरीमा बंगलादेशमा हुने आइसीसी यु–१९ विश्वकप क्रिकेट खेल्न पाउने भएकाले विहीबारको फाइनल खेल दुबै टोलीको लागि निकै महत्वपूर्ण रहेको छ ।(इमेज )

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.