चैतभित्र सहमति नभए प्रक्रियाको विकल्प छैन : नेम्वाङ


Subash_Chandra_Nemwang_20150318090638सबै मिलेर दलहरुलाई दवाव दिन आह्वान
२७ चैत, काठमाडौं । संविधानसभा अध्यक्ष सुवास नेम्वाङले दलहरूबीच यही चैत ३० गतेभित्रमा सहमति नभएमा प्रक्रियाबाट संविधान बनाउनुको विकल्प नहुने बताएका छन् । अबका दुई तीन दिन भित्रमा संविधानका विवादित विषयमा वा प्रक्रियाका लागि दलहरूबीच सहमति नभए संविधानसभाको नियमअनुसार प्रक्रिया अगाडि बढ्ने उनको भनाइ छ ।
कोइराला सेवा समाज नेपालद्वारा शुक्रबार राजधानीमा आयोजित कार्यक्रममा अध्यक्ष नेम्वाङले सहमतिको लागि धेरै समय पर्खेर बस्न नसकिने बताए । दलहरु सहमतिमा पुग्न नचाहेको भन्दै उनले सबै मिलेर दबाब सिर्जना गर्नुपर्ने धारणा राखे ।
नेम्वाङले भने, ‘मुलुकको अहिलेको मूल अभियान भनेको संविधान निर्माण गर्नु हो, त्यसैले जतिसक्दो चाँडो संविधान जारी गर्न नागरिक समाज, वौद्धिक वर्गलगायत सबैले राजनीतिक दलका शीर्ष नेतालाई सकारात्मक दबाब दिनु आवश्यक छ ।’
कार्यक्रममा निर्वाचन आयोगका प्रमुख आयुक्त नीलकण्ठ उपे्रतीले संविधान निर्माणमा मात्र लामो समय लगाउँदा विकासका अन्य काम ओझेलमा परेको बताए । सहमतिको आधारमा जतिसक्दो चाँडो संविधान जारी गर्न उनले दलहरूलाई आग्रह गरे ।
कार्यक्रममा यस वर्षको ‘डिठ्ठा कुलप्रसाद कोइराला राष्ट्रिय पुरस्कार-२०७१’ भुवनेश्वर नमुना वृद्ध सेवाश्रम सर्लाहीलाई प्रदान गरियो । समाजले प्रदान गरेको २५ हजार राशिको पुरस्कार सेवाश्रमका संरक्षक वासुदेवशरण कोइरालालाई प्रदान गरिएको हो ।(अन्लाईन खबर )

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.