कोरियाका राजदूत भन्छन्- नेपालीको कामै बोरा उचाल्ने


kamansingh-lama1इपीएस परीक्षामा सय किलोको बोरा राख्न सुझाव
१७ वैशाख, काठमाडौं – वैदेशिक रोजगारीका लागि नेपालीहरुको महत्वपूर्ण गन्तव्यका रुपमा रहेको दक्षिण कोरियाका लागि नेपाली राजदूत कमानसिंह लामाले कोरियामा काम गर्ने अवैधानिक नेपाली कामदारहरु त्यहाँको मुख्य समस्या समस्या रहेको बताउनुभएको छ ।कोरिया जाने नेपालीले ध्यान दिनुपर्ने कुरा के हो भनेर अनलाइनखबरले सोधेको प्रश्नमा राजदुत लामाको जवाफ छ- ‘मेरो प्रस्तावचाहिं के छ भने इपीएस परीक्षामा भाषामा राम्रो नम्बर हैन, एउटा सय किलोको बोरा राखियोस्, उठाउन सक्छ जावोस्, सक्दैन नजाओस् ।’

राजदूत भन्नुहुन्छ- ‘चाहे एमए गरोस् वा पीएचडी, नेपालीले गर्ने काम नै बोक्ने उचाल्ने र दुःखको हो । तपाईले मरेर काम नगरी सुख छैन । त्यो बुझेर कोरिया जानुस् ।”मुख्य कुरा त्यहाँ गएर थ्रीडी काम गर्ने हो, काम गर्न सक्छु, भिड्छु भन्ने मानसिकता बनाउनुपर्यो । उहाँबाट अदक्ष कामदार जान्छन त्यहाँ जरुरी छ दक्ष कामदारको ।’ नेपालीहरुलाई राजदूत लामाको थप सल्लाह छ- ‘यदि तपाई बिहे गर्नुहुन्छ, असली बिहे गर्नुस, नक्कली बिहे नर्गुनस् । २० बर्षकी तरुनी केटी ६० वर्षको बुढासँग बिहे गरेर जाने अनि एयरपोर्टबाटै भाग्न खोज्ने ?’

नेपालबाट विभिन्न व्यक्तिहरु कोरियामा गएर लुक्ने गरेको राजदूतको आरोप छ । कोरियामा आफूले लुकाएको भनिएका ३ नेपाली उद्योगी सुरज वैद्यको सिफारिसमा कोरिया पुगेको राजदूत लामाको आरोप छ । साथै पूर्वमन्त्री एकनाथ ढकालसँग कोरिया गएका तीन दर्जन नेपालीलाई सडकमा माग्नबसेका ठाउँबाट समातेर नेपाल पठाएको राजदूत लामाले बताउनुभयो । ‘एकनाथ ढकालजीले ३५ जना मान्छे लगेर जानुभयो, उनीहरुले त्यहाँको सडकमा बसेर माग्दै थिए, पक्रेर पठाइदिएँ ।’-राजदूतले भन्नुभयो ।

पूर्वएमाओवादी नेतासमेत रहनुभएका राजदूत लामाले आफूले राजनीतिको जुत्ता बाहिरै राखेको बताए पनि राजदूत पद छाडेर चुनाव लड्ने इच्छा देखाउनुभएको छ । स्पष्टवक्ता लामाले अनलाइनखबरलाई लामो अन्तरवार्ता दिँदै भन्नुभयो- ‘नेपालमा चुनावको माहौल बनिरहेको छ, चुनावमा उठौं उठौं लाग्या छ । मलाई राजदूत भएर बसिरहनु जरुरी छैन ।’

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.