इराकमा महिला बिक्री गर्ने १० जना पक्राउ


image.phpअभियुक्तहरुले ती महिलालाई इराक जाने पासपोर्ट पेन्टीभित्र लुकाउन लगाएका थिए
काठमाडौ, वैशाख ५ – इराकमा महिला बिक्री गर्न सक्रिय गिरोहका १० जनालाई प्रहरीले पक्राउ गरी सार्वजनिक गरेको छ । महानगरीय प्रहरी अपराध महाशाखाले विभिन्न मितिमा पक्राउ गरेका उनीहरुलाई बिहीबार सार्वजनिक गरेको हो । लेवनान लैजाने भन्दै इराकमा बेचिएर फर्किएकी महिलाले गरेको उजूरीको आधारमा प्रहरीले अभियुक्तहरु पक्राउ गर्न सफल भएको हो । पक्राउ पर्नेमा मुख्य अभियुक्त ३३ बर्षीय कुमारी भन्ने फूलकुमारी महरा, ३८ बर्षकी दिलु भन्ने रामकुमारी राई, काभ्रेकी ४९ बर्षीय भुइसल लामा, २४ बर्षका अभिराज राई, २८ बर्षका हरि तामाङ, भोजपुरका ४२ बर्षीय कामी शेर्पा, ३३ बर्षीय डोमा शेर्पा, २४ बर्षका सोनम लामा, ५० बर्षीया आङ्गलम्बु शेर्पा र ४३ बर्षका बिक्रम राज श्रेष्ठ छन् ।

उनीहरुलाई प्रहरीले बिभिन्न मितिमा पक्राउ गरेको हो । पक्राउ परेकामाथि मानव ओसारपसार तथा बेचबिखन संगठित अपराधको मुद्दा दर्ता गरिएको प्रहरीले जनाएको छ ।

बेचबिखनमा संलग्न इराकी एजेन्टसहित ५ जना फारार रहेको प्रहरीले जनाएको छ । उनीहरुले महिलालाई लेबनान, कुवेत, ओमान लैजाने भन्दै इराकमा लगेर बिक्री गर्ने गरेको प्रहरी दाबी छ ।

महिलाहरुलाई त्रिभुवन बिमानस्थल हुँदै श्रम स्वीकृत प्राप्त मुलुकमा लगी त्यहीबाट इराक लगेर बिक्री गर्ने गरिएको अनुसन्धानबाट खुलेको प्रहरीले जनाएको छ । ओमान लाने भन्दै इराक पुर्‍याइएकी एक महिलाले गरेको उजूरी’bout अनुसन्धान गर्दा प्रहरीले यो तथ्य पत्ता लगाएको हो ।

अघिल्लो बर्ष पुस २६ गते यूएईको सारजहा पठाइएकी ती महिलालाई बेचिएको थाहा पाएर चैत १६ गते दाईको सहयोगमा नेपाल फर्किएकी थिइन् । उनलाई यूएईबाट इराक जाने पासपोर्ट अभियुक्तहरुले नेपालमै दिएका थिए । अभियुक्तहरुले ती महिलालाई इराक जाने पासपोर्ट पेन्टीभित्र लुकाउन लगाएका थिए ।

यही गिरोहले कीर्गिस्तान पठाउने भन्दै इराक लैजाने खोजेको चार महिलालाई प्रहरीले चैत २२ गते त्रिभुवन बिमानस्थलबाट उद्दार गरेको थियो । प्रहरीले योजना’bout थाहा पाएपछि मुख्य अभियुक्त कुमारी भनिने फूलकुमारीले चैत २५ र २९ गतेको उडान लागिएको १७ महिलाको टिकट रद्द गरेको प्रहरी अनुसन्धानबाट खुलेको छ ।

Source: Kantipuronline

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.