विमान चढेर हङकङ पुगेको मुसा अझै बेपत्ता


निगमलाई दैनिक लाखौं घाटा
२१ भदौ, काठमाडौं । वायुसेवा निगमको विमानबाट मलेसिया हुँदै हङकङ पुगेको मुसाले अझै हैरानी दिन छोडेको छैन । मंगलबार बेलुकीदेखि हङकङमै ग्राउन्डेड गरिएर विमानभित्र मुसा खोज्ने काम तीव्र रुपमा भैरहेपनि पत्ता लाग्न सकेको छैन । ‘हामीले हरसम्भव उपाय अपनाइरहेका छौं, तर मुसा भेटिएको छैन ।’

नेपाल वायुसेवा निगमका प्रवक्ता राजुबहादुर केसीले भन्नुभयो । उहाँले अनलाईन खबरलाई दिएको जानकारी अनुसार बुधबार दिनभर विमानभित्र पसेर मुसा खोज्दा समेत नभेटिएपछि अर्को विकल्प’bout छलफल भैरहेको छ । ‘विमानभित्र पसेको मुसा नियन्त्रण गर्न सामान्यतया विषादी राख्ने चलन छैन, तैपनि केही उपाय नभएपछि हामी विषादी नै राखेर भएपनि मुसा खोज्ने प्रयासमा छौं’ केसीले भन्नुभयो । विमानमा मुसा रहे नरहेको भने अझै यकिन गरेर भन्न नसकिने उहाँको भनाई छ ।

सोमबार काठमाडौंबाट थाइल्याण्डको बैंककका लागि उड्न लागेको विमानमा मुसा देखिएपछि त्यो उडान नै रद्द गरेर मुसा खोजियो । यात्रुलाई अर्कै विमानमा पठाएर मुसा खोजिएपनि मुसा फेला पर्न सकेन । मुसा फेला नपारी उडान गर्न नमिल्ने नियम अनुसार पाइलटले उडान भर्न मानेका थिएनन् । तर मुसा भेटियो भनेर निगम कर्मचारीहरुले ढाँटेपछि त्यही रात मलेसिया उडान भरिएको थियो ।

मंगलबार मलेसियाबाट काठमाडौं फर्किएको विमान फेरि दिउसो हङकङ पुग्यो । त्यहाँ पुगेपछि थाहा भयो, मुसा अझै विमानमै रहेछ । त्यसपछि विमानभित्र मुसा खोज्न थालियो । तर मजाले विमानमा शयर गरेर देशविदेश चाहार्न पाएको मुसो यति सजिलै बाहिर किन आउँथ्यो ? मंगलबार बिहान एकपटक गुरुरुरु कुदेको मुसो त्यसपछि कहाँ लुकेर बसेको छ भन्ने कसैले थाहा पाउन सकेका छैनन् ।

निगमलाई दैनिक लाखौंको खर्च

यसै त टाट पल्टेको निगमलाई मुसाको कारण आर्थिक व्यवभार झनै थपिएको छ । एक त विमान ग्राउन्डेड भएपछि घाटा हुने नै भयो । अर्कोतिर हङकङबाट काठमाडौं आउन लागेका यात्रुलाई उतै होटलमा राख्नुपर्ने बाध्यता छ । ‘यात्रुको खानपिन र बसाई खर्च समेत जोड्दा झण्डै २० लाख खर्च भैसकेको छ’ निगमका प्रवक्ता केसीले भन्नुभयो ।

Posted by: Shiva Paudel

Source: Nlinekhabar

 

One response to “विमान चढेर हङकङ पुगेको मुसा अझै बेपत्ता

  1. Musalai ajhai suraksya dewwwwwwwww

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.