पाँच सय दिएर काठमाडौं जेलबाट भागेका अपराधी काभ्रेबाट पक्राउ


राजधानीको भद्रगोल जेलबाट अस्पताल जाने बहानामा प्रहरीलाई समेत बेवकुफ बनाएर भाग्न सफल २९ वर्षीय टेन्सन भन्ने डेनी लामा काभ्रेपलान्चोकको ठूलो पर्सेलबाट पक्राउ परेकाछन । काठमाडौंबाट खोजी गर्दै गएको प्रहरीको टोलीले १६ घन्टामा उनलाई नियन्त्रणमा लिएर पुन: काठमाडौं ल्याएको छ । हातहतियार खरखजना मुद्दा साँढे तीन बर्षको कैदा सजाया भोगी रहेका टेन्सन कर्तब्य ज्यानको पनि अनुसन्धानमा थिए । 

भाग्ने क्रममा टेन्सनको हातमा लगाएको हतकडी उसैले लगेको बयान भगाउने हवल्दार हरिकृष्ण वस्तीले दिएका थिए । तर, त्यो बयान झुटा सावित भएको छ । टेन्सनसंग बयान लिएपछि दुवै हातमा लगाएका स्टीलका हत्कडी हवल्दार वस्तीको कोठामा रहेको फिल्टर भित्र आइतवार भेटिएको छ ।  

वीर अस्पताल जाने बहानामा जेलबाट निस्किएर ट्याक्सी चढे लगत्तै टेन्सन प्रहरीलाई हतकडी फुकाल्न लगाएर उनीहरुसँगै डल्लुस्थित श्रीमती रहेको कोठामा पुगेको थाहा भएको छ । टेन्सनलाई जेलबाट हवल्दार हरिकृष्ण वस्ती र प्रहरी जवान तिर्थबहादुर ओलीले जिम्मा लिई लगेका थिए । 

त्यसपछि प्रहरीलाई आफ्नो कोठामै छाडेर टेन्सन एक्लै दाईको चमतीस्थित कोठामा पुगेका थिए । पक्राउ पछि उनले दिएको बयान अनुसार टेन्सन त्यसपछि डल्लु पुलपारी भगवान पाउ गएका थिए । त्यहाँबाट फर्केर उनी पुन: प्रहरीहरु बसेकै आफ्नो कोठामा पुगेका थिए । 

टेन्सनले आफनो कोठामा बसेका दुई प्रहरी मध्ये एक जवानलाई रु. पाँच सय दिएर पुन एउटा कागज छुट्यो लिएर आउछु भन्दै दाईको चमतीस्थित कोठामा जाने बहानामा उनी भागेका थिए । भाग्नु अघि उनले आफनो श्रीमतीबाट पाँच हजार पाँचसय खर्च समेत लिएको थिए । 

त्यसक्रममा उनले कुनै स्थानमा रक्सी सेवन गर्न समेत भ्याएको थाहाभएको छ । टेन्सनले दिएको बयान अनुसार डल्लुस्थित कोठा बाहिरैबाट ट्याक्सी चढी भक्तपुरको कौशलटार पुगेका थिए । कौशलटारबाट भने टेन्सन ठूला सार्वजनिक बस चढी काभ्रेस्थित आफनो गाउँ पुगेका थिए । 

गाउँ पुगे लगत्तै पाएको सूचनाका आधारमा सईको कमाण्डमा प्रहरीको छ सदस्यीय टोली उनलाई पक्राउ गर्न खटिएको थियो । काठमाडौबाट सई माता प्रसाद थापाको कमाण्डमा खटिएको टोलीमा सई रमेश बुढाथोकी, असई राजु भण्डारी, प्रहरी हवल्दार सुरज थापा, प्रहरी जवानहरु इन्द्रबहादुर थापा र भगवान उप्रेती थिए ।  

खटिएको टोलीले टेन्सन बसेको स्थान पत्ता लगाएर डेढ किलोमिटर वरै गाडी रोकर पैदल खोज्दै जाने क्रममा डाँडा माथीको भट्टीबाट टेन्सन दुई प्रहरीलाइ लडाएर भागेका थिए । हाम फालेर भाग्ने क्रममा अर्का प्रहरीले उनकै जीउमा हाम फालेपछि टेन्सन पक्राउ परेका थिए । 

त्यसक्रममा सई थापाको हात भाँचिएको छ भने भाग्ने क्रममा टेन्सनको एउटा आखा, बायाँ गाला र खुट्टामा चोट लागेको छ ।  

यसअघि ठमेलको प्रभु मनी एक्सचेन्स लुटिएको घटनामा पनि टेन्सन जेल परेको अपराधी हुन् । भाग्नु अघि पनि उनी अस्पताल जाने बहानामा तिनै प्रहरीलाई साथै लिएर टेन्सन विभिन्न स्थानमा धुम्ने गरेको खुल्न आएको छ । हवल्दार वस्ती र जवान ओली निलम्बनमा परिसकेको छन भने हाल कारागार नियमावली अनुसार कारवाहीका लागि हिरासतमा राखिएको छ । 

अपराधी टेन्सनले हतकडी खोलेर बाहिर स्वन्तन्त्र रुपमा धुम्न दिए वापत हेरक पटक हवल्दार र जवानलाई ४/५ हजार दिने गरेको समेत बताएकाछन । पैसा लिएवापत जेलबाट निस्केर ट्याक्सीभित्र पस्ने बित्तिकै पैसा लिने प्रहरीले दुवै हातको हतकडी खोलीदिने गरेका थिए । 

टेन्सन भागे लगत्तै प्रहरीले डल्लुमा बस्ने उनको श्रीमतीलाई अनुसन्धानका लागी नियन्त्रणमा राखेको थियो । त्यसक्रममा प्रहरीले कोरियन, चन्द्र भन्ने राकेश लामा र आशिष भन्ने ग्याजेन तामाङ्गलाइ पनि क्षेत्रपाटीबाट अनुसन्धानका लागी नियन्त्रणमा राखेको थियो ।   

हातहतियार खरखजनामा बोकेको अभियोगमा ३ वर्ष ६ महिनाका लागी जेल परेका टेन्सन एक साताअघि भागेका थिए । 

उनी बिरुद्ध कर्तव्य ज्यान र डा“का मुद्धाका आरोप समेत रहेको छ । टेन्सन यसअघि पनि जेल बसेका पटेक अपराधी हुन ।  

Posted by: Dambar Rimal                                                      Source: ekantipur

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.