१० लाख डलर फर्काउन अमेरिकी राजदूतमार्फत पहल


माधव ढुङ्गेल, काठमाडौं, चैत १४- अमेरिकास्थित स्ट्यान्डर्ड चार्टर्ड बैंकमा रहेको नेपाल राष्ट्र बैंकको खाताबाट पूर्वस्वीकृतिबिना झिकिएको करिब साढे १० लाख अमेरिकी डलर फिर्ता गर्न सरकारले काठमाडौंस्थित अमेरिकी दूतावासमार्फत कूटनीतिक पहल थालेको छ।

नेपालको अदालतमा सम्पत्ति शुद्धीकरण मुद्दा चलिरहेको चिनियाँ नागरिक वु ली सिङ र उनलाई रकम पठाउने तरला इन्टरनेसनलका असिम खत्री क्षेत्रीलाई कानुनी कारबाही गर्न कूटनीतिक प्रयास अघि बढाइएको हो।

संयुक्त राज्य अमेरिकाका लागि नेपाली राजदूत शंकर शर्मालाई त्यसमा संलग्न कम्पनी र व्यक्तिहरूलाई कानुनी दायरामा ल्याउन पहल गर्न चैत १० गते नै पत्र लेखेको जानकारी दिँदै अर्थमन्त्री भरतमोहन अधिकारीले भने, ‘नेपालस्थित अमेरिकी दूतावाससँग पनि काम गरिरहेका छौं।’

अर्थ मन्त्रालय स्रोतका अनुसार अर्थसचिव रामेश्वर खनालले नेपालका लागि अमेरिकी राजदूत स्कट एच. डिलिसीसँग यस विषयमा कुरा गर्दा उनले सहयोग गर्ने जनाएका थिए।
न्युयोर्कस्थित स्ट्यार्न्ड चार्टर बैंकमा रहेको खाताबाट चैत १ गते १० लाख ५ सय ५७ डलर ८४ सेन्ट अमेरिकी मुद्रा अदालतको आदेश भनी कट्टा गरेको जानकारी ‘दू्रत सन्देश’ (स्विफ्ट म्यासेज) मार्फत राष्ट्र बैंकमा आएपछि घटना सार्वजनिक भएको हो।

‘सम्पत्ति शुद्धीकरणजस्तो गम्भीर अभियोगमा अनुसन्धान तहकिकात र अभियोजन भइरहेको विषयमा खास व्यक्ति वा संस्थाहरूबीच भएको व्यापारिक कामकारबाहीलाई आधार मानी अर्को देशको केन्द्रीय बैंकको खाताबाट रकम कट्टा हुनु अस्वाभाविक हो,’ बिनाजानकारी रकम झिकिएको ’bout आइतबार संसद्लाई जानकारी दिँदै अधिकारीले भने, ‘यसरी केन्द्रीय बैंकको अर्को देशमा रहेको खाताबाट रकम कट्टा हुँदै जाने हो भने कुनै पनि देशको वित्तीय अवस्थामै आँच पुग्ने देखिन्छ।’

अमेरिकाको कोलोराडोस्थित तरला इन्टरनेसनलका सञ्चालक खत्री र उनका व्यापारिक साझेदार चिनियाँ सिङले नेपालमा सामान आपूर्ति गर्दाको ढुवानी र अन्य खर्चको भुक्तानी गर्न भनी नेपाल बंगलादेश बैंक, भैंसेपाटीमा रकम जम्मा गरेका थिए। २०६५ साउन १२ गते खोलिएको ‘खाता नम्बर ०५९२८ आइडी’ मा सो रकम राखिएको थियो।
अर्थमन्त्री अधिकारीले भने, ‘अमेरिकास्थित नेपाल राष्ट्रबैंकको खाताबाट बिनाजानकारी कट्टा गरिएको रकम फिर्ता गर्न र सम्पत्ति शुद्धीकरण गर्ने व्यक्तिलाई कानुनी कारबाहीको दायरामा ल्याउन सरकार प्रतिबद्ध छ।’
अमेरिकाबाट वायर ट्रान्सफरमार्फत आएको १० लाख अमेरिकी डलर’bout बंगलादेश बैंकले राष्ट्रबैंकको वित्तीय जानकारी इकाइलाई त्यसलगत्तै जानकारी गराएको थियो। रकम शंकास्पद देखिएपछि इकाइले राजस्व अनुसन्धान विभाग विभागलाई छानबिनका लागि ०६५ भदौ २ गते लिखित आग्रह गरेको थियो। भदौ ११ गते विभागबाट आएको जानकारीका आधारमा इकाइले सो खाता रोक्का गरेको थियो।

विभागले अनुसन्धानपछि चिनियाँ नागरिक सिङमाथि सम्पत्ति शुद्धीकरण गरेको अभियोगमा ०६७ फागुन १३ गते मात्र विशेष अदालतमा मुद्दा दायर गरेको हो। सिङका नाममा विशेष अदालतले म्यादसमेत जारी गरिसकेको छ।

अर्थमन्त्री अधिकारीका अनुसार खत्रीसमेतले सिङलाई रकम भुक्तानी नदिई रोक्का गरेको विरुद्ध राष्ट्रबैंक, राजस्व अनुसन्धान विभाग र नेपाल बंगलादेश बैंकलाई विपक्षी बनाई अमेरिकाको ‘युनाइटेड स्टेट्स डिस्ट्रिक्ट कोर्ट, साउदर्न डिस्ट्रिक्ट अफ न्युयोर्क’ मा मुद्दा दायर गरेका थिए।

नेपाल सरकारका तर्फबाट मुद्दाको जवाफै नपठाइएपछि एकतर्फी फैसला गरी राष्ट्रबैंकको खाताबाट रकम झिकी असुल गरिएको थियो। उसले आफ्नो रकमसँगै जरिवानास्वरूप ५ सय ५७ डलर ८४ सेन्ट थप असुल गरेको थियो।

Posted by: Shiva Paudel

Source: Nagarik

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.