आफ्नो गन्तव्यमा छिटो पुग्न रिक्सा चढ्न चाहने सर्वसाधारणलाई ध्यानमा राखी नेपालगन्जमा पहिलो पटक ब्याट्रीबाट चल्ने रिक्सा ल्याइएको छ । नेपालगन्ज–१४ का असरद जयसवालले भारतको लखनउबाट आफ्नै व्यवसायका लागि २४ हजार भारतीय रुपैयाँमा खरिद गरी सो रिक्सा नेपालगन्ज ल्याएका हुन् । उनले सो रिक्सा ल्याउन १० हजार भन्सार तिरेको बताए । ब्याट्रीबाट चल्ने रिक्सा अन्य रिक्साभन्दा छिटो दौडने र चालकलाई परिश्रम गर्नु नपर्ने भएकाले सहज र आम्दानीको राम्रो स्रोत बन्ने जायसवालको विश्वास छ । पढ्नेक्रम जारी राख्नुहोस्
Advertisements
काठमाडौं, चैत १०- कुबेत फण्डको हालै बसेको २०११ आ.व. को पहिलो बैठकले नेपाललाई सीतापाइला-धार्के (सडकको प्राविधिक र आर्थिक सम्भाव्यता अध्ययन एवम् प्रारम्भिक डिजाइन तयार गर्नका लागि कुवेती दिनार २ लाख अर्थात् ५ करोड २० लाख रुपियाँको रकम प्राविधिक सहायतास्वरुप उपलब्ध गराउने निर्णय गरेको छ। 
पाल्पाको एक परीक्षा केन्द्रमा एसएलसी परीक्षार्थी। यस वर्ष नियमिततर्फ देशभर ४ लाख ३६ हजार ४ सय ११ परीक्षार्थी सहभागी हुँदैछन्। तस्बिरः टेकनारायण भट्टराई
लस एन्जलस, चैत १०- (एजेन्सी) – हलिउड अभिनेत्री एलिजाबेथ टेलरको ७९ वर्षको उमेरमा बुधबार निधन भएको छ। हलिउडको स्वर्णकालकी एक प्रमुख अभिनेत्री एलिजाबेथ करीब पाँच दशक फिल्ममा सक्रिय रहिन्। लस एन्जलसको सेडार्स सिनाइ अस्पतालमा उनको निधन हुँदा नाति नातिनी सँगै थिए। उनी १० नाति/नातिनी र चार पनाति/पनातिनीको रेखदेखमा थिइन्। 
