जापानको विकिरणका कारण हङकङमा नुन अभाव / चिनी भन्दा नुनको भाउ दोब्बर बढी


निर्मल श्रेष्ठ
हङकङ, चैत्र ४ – सम्भवतः खाद्यपदार्थहरुमध्ये सबैभन्दा सस्तोमा पाइने नुन चिनीभन्दा दोब्बर बढी मुल्यमा विक्री भइरहेको तपाई पत्याउनुहुन्छ ? नपत्याएर के गर्नु कुरा सत्य हो । हङकङमा नुन चिनीभन्दा दोब्बर  बढी मुल्यमा विक्री भइरहेको छ जापानमा हालै आएको भुकम्प र सुनामी सँगै परमाणु भट्टी विस्फोटनबाट निस्किएको विकिरण फैलिएको प्रमाणित भएपछि यहाँ एकाएक नुनको अभाव भएको हो । नुनमा रहेको आयोडिनले हानिकारक विकिरणबाट जोगाउने हल्लाले सामान्यभन्दा अत्यधिक भण्डारण गर्न थालिएपछि बजारमा आपुर्ति कम भएको हो ।

विकिरण समुद्रको पानीमा समेत फैलिएकाले अब उत्पादन हुने नुनले स्वास्थ्य विग्राने कुराले समेत अधिकांश त्रसित छन् । यसलै पनि महिनौ दिनलाई पुग्ने नुन एकैपटक खरीद गरिएको हो । अहिले तीन हङकङ डलर (करिब तीस रुपैयाँ) पर्ने आधा किलोग्राम नुन बीस डलरसम्ममा विक्री भइरहेका छन् । जबकी उत्तिकै तौलको चिनीको मुल्य सात डलर मात्र छ । वेलकम, पार्क एण्ड सप जस्ता जहिलेसुकै उपलब्ध हुने चल्तीका सुपरमार्केटमा महंगो मुल्य तिर्न तयार रहेपनि नुन छैन ।

दसक लामो हङकङ बसाइमा भैरहवाकी पारु गुरुङले पहिलोपटक लाइन लागेर नुन किनेको सुनाइन् । ‘हङकङमा नुनको अभाव होला भन्ने कल्पनै गरेकी थिइन,’ भैरहवाकी उनले भनिन, ‘जापानमा सुनामी जादाँ यहाँसम्म सास्ती हुदोरहेछ ।’ काम्तिनका रमेश थापा मगरले दिउँसो टेलिभिजनमा नुनको अभावसम्बन्धी समाचार सुन्नासाथ बजार पुगेपनि नुन नपाएको बताए । देबी थापा र बालकुमारी राईको समेत उस्तै गुनासो थियो । ‘दिउँसो काममा भएकाले निस्कन पाएनौ छुट्टीपछि दर्जनौ पसल चाहरे पनि कतै पाइएन,’ दुबैले एकैसासमा बोले, ‘यस्तो दिन आउला भन्ने त चिताएकै थिएनौ ।’ सपना गुरुङले भने तीन हङकङ डलरमा पाइने आधा केजीको एक प्याकेट नुन बिस डलर तिरेर किनेको बताइन । रेष्टुरेन्ट व्यावसायी कमल पौडेलले असी हङकङ डलरमा किन्ने गरेको पच्चीस किलोग्राम नुनको प्याकेट तीनसय भनेपछि नकिनी आएको सुनाए ।

बजारमा नुनको अभाव भएपछि स्थानीय सरकारका तर्फबाट स्वास्थ्य विभागले विहिबार साँझ एक विज्ञप्ति जारी गरेको छ । विज्ञप्तिमा विभाग प्रमुख डाक्टर योर्क चाउले नुनमा रहेको आयोडिनले विकिरण रोक्ने कुरा भ्रम मात्र भएको उल्लेख गरेका छन् । यस्ता भ्रममा आवश्यकता भन्दा बढी भण्डारण गरी बजारमा अभाव सिर्जना नगर्न समेत उनले आहृवान गरेका छन् । समुद्रको पानीमा विकिरण फैलिएका भएपनि त्यो केही दिनमै हराएर जाने भएकाले यसबाट आतंकित हुनु नपर्ने बताइएको छ । जापानको परमाणु भट्टी विस्फोटनबाट निस्किएको विकिरण हङकङसम्म पुग्ने अत्यन्तै न्युन सम्भावना रहेको समेत विज्ञप्तिमा जनाइएको छ । चीनबाट नुन आयात गरिन लागेकाले अभावको समस्या केही दिनमै हटने व्यावसायीहरु बताएका छन् ।

Posted by: Shiva Paudel

Source: ekantipuronline

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.