एक सेकेन्डमा २ लाख एसएमएस


योगेश खतिवडा                    
काठमाडौ, चैत्र १ – विश्वभरका मोबाइल प्रयोगकर्ताले एक सेकेन्डमा कति वटा एसएमएस पठाउलान् ? तपाईलाई लाग्ला केही हजार एसएमएस । तर संयुक्त राष्ट्रसंघ अन्तर्गतको अन्तर्राष्ट्रिय टेलिकम्युनिकेसन युनियन (आइटियु) को एक प्रतिवेदन अनुसार एक सेकेन्ड २ लाख मोबाइल सन्देश आदानप्रदान हुन्छ ।  आइटियुको २०१० को प्रतिवेदन अनुसार तीन वर्षको अवधिमा मोबाइलबाट पठाइने सन्देशको संख्या तीन गुणा बढेको छ । सन् २००७ मा एक सेकेन्डमा लगभग १ अर्ब ८० अर्ब एसएमएस पठाइन्थो । अहिले यो बढेर ६ खर्ब १० अर्ब पुगेको छ ।यस्तै प्रतिवेदनले सन् २०१० सम्म अहिले विश्वभर मोबाइल प्रयोगकर्ताको संख्या ५ अर्ब ३० करोड पुगेको जनाएको छ । जसमध्ये विकासोन्मुख देशमा ३ अर्ब ८० करोड मोबाइल प्रयोगकर्ता छन् । यस्तै इन्टरनेट प्रयोगकर्ताको संख्या २ अर्ब पुगेको छ । ‘विश्वका ९० प्रतिशतभन्दा बढी जनसंख्या मोबाइल नेटवर्कको पहुँचमा छ,’ प्रतिवेदनले भनेको

छ । आइटियुका अनुसार ९४ करोड मानिसको पहुँच तेस्रो जेनेरेसनको नेटवर्क -थि्रजी) मा छ । विकासोन्मुख मुलुकमा भएको मोबाइल नेटवर्क विस्तारले सन् २०१० मा ती मुलुकको औसत मोबाइल प्रयोगकर्ताको संख्या ७३ प्रतिशत पुगेको छ । सन् २००५ मा विकासोन्मुख मुलुकको मोबाइल घनत्व ५३ प्रतिशत पुगेको छ ।

भारत र चीनको सन् २०१० मा मात्र ३० करोड मोबाइल प्रयोगकर्ता थपिएका छन् । यस्तै अपि|mकामा मोबाइल प्रयोगकर्ताको संख्या ७६ प्रतिशत पुगेको छ । विकसित मुलुकमा भने एक वर्षको अवधिमा मोबाइल प्रयोगकर्ताको १ दशमलव ६ प्रतिशतले मात्र बढेको छ । ‘विकासोन्मुख मुलुकमा एक सय उपभोक्ताले १ सय १६ वटा मोबाइल सिम लिएका छन्,’ आइटियुले जनाएको छ । 

सन् २०१० मा अपि|mकामा इन्टरनेट प्रयोगकर्ताको संख्या वृद्धि भने अत्यधिक कम छ । दुई २ अर्ब उपभोक्ता इन्टरनेटको पहुँचमा पुगे पनि त्यसमध्ये १ अर्ब २० करोड विकसित मुलुकका उपभोक्ता हुन् । यस अवधिमा चीन विश्वको सबैभन्दा धेरै इन्टरनेट प्रयोगकर्ता भएको मुलुक बनेको छ । जसमा ४२ करोड इन्टरनेट उपभोक्ता

छन् । सन् २०१० मा इस्टोनिया, फिनल्यान्ड र स्पेनले आफ्ना नागरिकले कानुनी अधिकारमा इन्टरनेटको पहुँच भएको घोषणा गरेका छन् ।

आइटियुका अनुसार सन् २०१० मा २२ करोड ६० लाख अनलाइन प्रयोगकर्ता थप भएका छन् । जसमा १६ करोड २० लाख विकसित देशका छन् । तर विकासोन्मुख देशमा इन्टरनेट सम्पर्क २१ प्रतिशत जनता छन् । तर विकसित देशमा यो दर ७१ प्रतिशत छ ।

सन् २०१० मा आइपुग्दा विश्वका १ सय ४३ देशमा थि्रजी सेवाको व्यावसायिक सुरुवात भएको छ । स्विडेन, नर्वे, युक्रेन र अमेरिकाले थि्रजीभन्दा उच्च गतिको ब्रोडब्यान्ड सेवा एजिएन अर्थात फोरजी सुरु गरेका छन् । प्रतिवेदन अनुसार २०१० मा विश्वभरका १ अर्ब ६० करोड मानिस घरबाटै इन्टरनेटको पहुँचमा पुगेका छन् । 

Posted by: Shiva Paudel

Source: ekantipur

 

 

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.