नेपाली क्रिकेटर मेहबुव आलम गिनिज बुकमा


सञ्चार यात्रा नेपालले गिनिज बुकमा नाम लेखाउन सफल सप्तरीका महबुब आलमलाई आज सम्मानित गरेको छ । संस्थाद्वारा राजविराजमा आयोजित सम्मान समारोहमा यसै साता मात्र गिनिज बुकमा नाम लेखाउन सफल क्रिकेट खेलाडी आलमलाई प्रशंसा पत्र र उपहारसहित दोसल्ला ओढाई सम्मान गरियो ।
नेपाली क्रिकेट टोलीका अलराउण्डर खेलाडी आलमले आईसीसी विश्व क्रिकेट लिग डिभिजन फाईभ अन्तर्गत मोजाम्बिक बिरुद्धको खेलमा सबै १० विकेट लिएर विश्व किर्तिमान कायम गरेका हुन् ।
सम्मान समारोहमा आलमले नेपालमा जन्मिएर मुलुकको नाम गिनिज बुकमा लेखाउन सकेकोमा गौरवान्वित महसुस भएको बताउनु भयो ।
पत्रपत्रिकामा प्रकाशित समाचारहरुले आफुलाई सदैव अगाडि बढिरहन प्रेरित गरिरहेकोमा धन्यवाद व्यक्त गर्दै आफ्नो खेल नेपाल र नेपालीका लागि सदा समर्पित रहने बताउनुभयो ।
बुवा नसिर अहमद र आमा सायरा बानोका जेठा छोराका रुपमा १९८१ अगस्त ३१ मा राजविराजमा जन्मिएका महबुब आलमले पहिलो अन्तराष्ट्रिय स्तरको खेल १८ बर्षो उमेरमा अन्डर १९ युथ क्रिकेट प्रतियोगिताबाट सुरु गरेका थिए ।
यसैगरी संस्थाले सोही अवसरमा नेपाल पत्रकार महासंघ सप्तरीका नवनिर्वाचित पदाधिकारीहरुलाई पनि कलम र डायरी उपहार दिएर शुभकामना प्रदान गरेको छ ।
संस्थाका अध्यक्ष करुणा झाको अध्यक्षतामा भएको कार्यक्रममा संचारकर्मी, खेलाडी, समाजसेवीलगायतको उपस्थिति रहेको थियो ।

Posted by: Raju Gurung

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.