Daily Archives: 06/12/2010

कान्तिपुर संवाददाता,

काठमाडौं , मंसिर २० – नेपालस्थित अमेरिकी राजदूतावासले विद्यार्थी भिसा आवेदनसम्बन्धी जिज्ञासा सम्बोधन गर्न मंसिर २३ गते वेबच्याट सञ्चालन गर्दैछ । बिहीबार दिउँसो ३ बजे अमेरिकी दूतावासका कन्सुलर अधिकृतले वेबच्याटबाट विद्यार्थीको जिज्ञासा समाधान गर्ने दूतावासको विज्ञप्तिमा जनाइएको छ । पढ्नेक्रम जारी राख्नुहोस् →

काठमाडौं, मंसिर २० । नेपाल आयल निगमले पेट्रोलियम पदार्थको मूल्य बृद्धि गरेको छ । निगमले खाना पकाउने ग्याँसमा सबैभन्दा बढी ७५ रुपैयाँ मूल्य बृद्धि गरेको छ भने पेट्रोल, डिजेल र मट्टीतेलमा प्रतिलिटर ३/३ रुपैयाँको दरले बृद्धि गरेको छ।

अन्तर्राष्ट्रिय बजारमा कच्चा तेलको मूल्य बढेर समस्या परेकोबेला सडक दस्तुर पनि बढेपछि थप घाटा भएकोले मूल्य बढाउनु परेको निगमले जनाएको छ ।बढेको मूल्य सोमबारदेखि नै लागू हुने नेपाल आयल निगमले जनाएको छ ।

Posted by : Narayan Nepal

न्युयोर्क – ५० करोड भन्दा बढीलाई एउटै सामाजिक संजालमा समेटेको फेसबुकको मुहार फेरिने भएको छ। यसका प्रयोगकर्ताको जीवनलाई अझ जिवन्तरुपमा प्रस्तुत गर्ने गरी यसको प्रोफाइल पेजको मुहार फेरिन लागेको हो। फेसबुकको मुहार फेर्दा बढी प्रयोग भएका फिचर र तस्बिरलाई विशेष प्राथमिकता दिइने छ। पढ्नेक्रम जारी राख्नुहोस् →

राजेन्द्र शर्मा “राजन” कुवैत,

विछोडको पीडाले छाती चर्केको बेला नुनचुक बनेर आउनु

म चिच्चाई रहनेछु पिडामा तिमी  डिस्को पार्टी  धाउनु

अतितको यादले जलेको बेला  तिमी आगो बनेर आउनु

जलेर म खरानी हुनेछु  तिमी  हावा बनेर  उडाई लैजानु 

तिर्खाएर ब्याकुल बनेको बेला प्रचण्ड गर्मी बनेर आउनु

 जाडोले कठ्यान्ग्रिएको बेला चिसो सिरेठो बनेर आउनु

गुलाफको फूल सोची चुम्न खोजे भने काडा बनेर आउनु

सधै म अभाब मा  बच्नेछु  तिमी  विलासितामा रमाउनु

आशुको सागरमा म पौडी रहेको बेला  विष बनेर आउनु

मृतु शैयामा जलिरहादा म, तिमीले स्वागरात मनाउनु

तिम्रो जवानीको रस चुसिसकर फ्याकेछन भने तिमीलाई

म  मृतु शैयामा जलिरहादा अन्तिमपटक भएपनि भेट्न आउनु

मेरो दिलको ढोका सधैको लागि  खुल्ला हुनेछ तिमीलाई

मेरै नामको दुई चिम्टी सिन्दुरले खाली सिउदो सजाउनु !

Posted by: Narayan Nepal

-उपासना पाण्डे

धादिङकी ६० वषीया मैया पाठकको पिसाब चुहिन थालेको एक वर्षजति भयो। उनको पिसाब हाँस्दा, खोक्दा, भारी उचाल्दा र कहिलेकाहीँ यत्तिकै पनि  चुहिन्छ। सुरुमा पाटन अस्पत्ालमा उपचार गर्न गएकी पाठकले प्रसूति गृह थापाथलीमा पिसाब चुहिने समस्याको उपचार हुने कुरा थाहा पाइन्। उनको पिसाबको थैली चाहिने भन्दा बढी सेन्सेटिभ भएकाले पिसाब चुहिएको उपचारका क्रममा पत्ता लाग्यो। थापाथलीमा २० महिनाअघि यो सेवा -युरोगाइनोकोलोजी) प्रारम्भ भएको प्रसूति गृहकी प्रोफेसर, प्रमुख डा पुष्पा चौधरी बताउँछिन्। युरोगाइनोकोलोजी अन्तर्गत पिसाब चुहिने समस्या, महिलाको आङ खस्ने, योनिसम्बन्धी त्था दिसा रोक्न नसक्ने समस्यालगायत भल्ट प्रोल्याप्स -पाठेघर निकालिसकेपछि योनिको माथिको भाग खस्ने) समस्याको पनि उपचार हुन्छ। पढ्नेक्रम जारी राख्नुहोस् →

ध्रुव दङ्गाल, हेलम्बू (सिन्धुपाल्चोक), मङ्सिर २०- विदेशमा रहेका आफन्तले पठाउने ‘रेमिटेन्स’ पर्यटकीय गाउँ हेलम्बूका बासिन्दाको आम्दानीको प्रमुख स्रोत बनेको छ। आफन्तले विदेशबाट कमाएर पठाउने रकमले पूरै गाउँ निर्भर बनेको छ। यो गाउँमा महिनामै ६ करोड जति रेमिटेन्स भित्रने गरेको छ। यहाँबाट करिब ६ सय विदेशिएका छन्।गाउँबाट ६ सयको हाराहारीमा वैदेशिक रोजगारीमा गएका शिक्षक तोया गौतमले बताए। ‘उनीहरुबाट महिनामै झण्डै ६ करोड रुपैयाँ रेमिटेन्स भित्रने अनुमान छ’, तीन दशकदेखि यहाँ कार्यरत् उनले भने। तार्केघ्याङको गोरखनाथ प्राविका प्रधानाध्यापक रहेका गौतमका अनुसार १२ वर्षयता सुरु भएको वैदेशिक रोजगारीमा जाने क्रम अझै बढ्दो छ। हिमाली जग्गाको आम्दानीले तीन महिनाभन्दा बढी खान नपुग्ने भएपछि गाउँलेमा विदेश मोह जागेको हो। ‘त्यसअघि भारत र खाडी मुलुकमा फाट्टफुट्ट मात्र जाने चलन थियो’- उनले भने। पढ्नेक्रम जारी राख्नुहोस् →