Monthly Archives: जुलाई 2010

तयारीमा सुस्तता


                 
 काठमाडौ,  लामो समयको सुस्तता, त्यसपछि बाँकी रहने अवधिको व्यस्तता । प्रत्येक अन्तर्राष्ट्रिय प्रतियोगिता मुखैमा आइपुगेपछि हतारिने नेपाली खेलकुदको परम्परागत विशेषता देखिन्छ । जिम्मेवार संस्था राष्ट्रिय खेलकुद परिषद् (राखेप) र नेपाल ओलम्पिक कमिटी (एनओसी) पदाधिकारी पर्याप्त समय रहेसम्म कानमा तेल हालेर बस्ने गर्छन् । तीन महिनापछि चिनियाँ सहर गोन्जाउमा कात्तिक २६ देखि ११ मंसिरसम्म हुने १६ औं एसियाली खेलकुदको तयारीमा नेपाली परम्परा फेरि दोहोरिएको छ ।

सधैं खेलाडीलाई मात्र हतार हुने गर्छ । न्यून बजेटसँगै सीमित सुविधामा खेलाडीको प्रयास सधैं प्रशंसनीय हुने गर्छ । यस्तोमा कुनै प्रतिद्वन्द्वीलाई पराजित गरे पनि त्यो जित नेपाली खेलाडीका लागि पदकभन्दा कम हुने छैन । छनोट दिनदिनै रोकिने गरी भएको कराँते विवादले पक्कै पनि नेपालको गोन्जाउ यात्राको सुखद् संकेत गर्दैन । दशकौंपछि पनि खेलकुदमा अन्योलपूर्ण नेपाली राजनीतिको रङ हटेको छैन । पढ्नेक्रम जारी राख्नुहोस्

बुबाले मेरो नाम काटिदिनुभयो


   
 जुन कुरामा पनि आँखा चिम्लेर विश्वास गर्नहुन्छ, अनि पछि धोका पाउनुहुन्छ । यस्तो धेरैपटक भएको छ । मानिसले बुबाको त्यही स्वभावको बढी फाइदा उठाउने गरेका छन् ।

रेणु दाहाल
सभासद् एवं प्रचण्डपुत्री

मेरो बुबा प्रचण्ड आम पिताजस्तो हुनुहुन्न । राजनीतिक जिम्मेवारीले गर्दा उहाँले पारिवारिक भूमिका निर्वाह गर्न पाउनुभएन । त्यसैले म उहाँबाट नेपाली समाजका अरू आम-बुबाको जस्तो भूमिकाको अपेक्षा गर्न सक्दिनँ । म मात्रै किन ? मेरा भाइबहिनी र दिदीले पनि त्यो अपेक्षा कहिल्यै गरेनन् । त्यत्रो ठूलो पार्टीको जिम्मेवारी छ । पारिवारिक विषयमा अल्झने कुरा पनि भएन । राजनीतिबाहेकका विषयमा निकै कम बहस हुन्छ, हाम्रो घरमा । बुबा जति पनि कुरा गर्नुहुन्थ्यो, राजनीति र देशको ’boutमा गर्नुहुन्थ्यो । उहाँसगका हाम्रा अधिकांश कुरा राजनीतिमा हुन्थे । त्यसैले उहाँको र हाम्रो आम-बाबु र सन्तानको जस्तो सम्बन्ध हुन पाएन । पढ्नेक्रम जारी राख्नुहोस्

शोभराजलाई सर्वस्वसहित जन्मकैद


काठमाडौँ,  अन्तर्राष्ट्रिय अपराधीका रूपमा चर्चित फ्रन्सेली नागरिक चाल्र्स शोभराज गुरुमुखलाई एक अमेरिकी नागरिकको हत्या आरोपमा सर्वाच्च अदालतले सर्वस्वसहित जन्मकैदको फैसला गरेको छ । न्यायाधीशद्वय रामकुमारप्रसाद शाह र गौरी ढकालको संयुक्त इजलासले शुक्रबार परिस्थितिजन्य प्रमाणका आधारमा गुरुमुखले हत्या गरेको ठहर गर्दै सर्वस्वसहित जन्मकैदको फैसला सुनाएको हो । सर्वाच्चले गुरुमुखलाई जाली राहदानीसम्बन्धी छुट्टै मुद्दामा एक वर्ष कैद र दुई हजार जरिवानासमेत गरेको छ । प्रत्यक्ष प्रमाणको अभाव भए पनि विभिन्न परिस्थितिजन्य प्रमाणका आधारमा अपराधी ठहर गरिएको, अदालतसमक्ष गरिएको गुरुमुखको इन्कारी बयान सम्पूर्ण असत्य भएको र भारतको अदालतसमक्ष उनले नेपालमा दुई नागरिकको हत्या गरी आएको स्वीकारोक्ति बयान दिएकाले दुई विदेशी नागरिक हत्याको पुष्टि हुन आएको न्यायाधीश शाहले बताउनुभयो । पढ्नेक्रम जारी राख्नुहोस्

सभामुख-माओवादी अध्यक्ष भेट/ सोमबार नयाँ प्रधानमन्त्री चयन हुन्छः दाहाल


              
 काठमाडौ,  माओवादी अध्यक्ष पुष्पकमल दाहालले आगामी सोमबार मुलुकले नयाँ प्रधानमन्त्री पाउने दाबी गरेका छन् । सभामुख सुवास नेम्वाङलाई शनिबार बिहान भेटेपछि सञ्चारकर्मीसँग उनले भने, ‘व्यवस्थापिका-संसद्को साउन १७ गतेको बैठकले नयाँ प्रधानमन्त्री चयन गर्नेछ, बहुमत जुटाउन छलफल जारी राखेको छु ।’ अबको निर्वाचनमा आफ्नो पक्षमा बहुमत पुग्ने आशा व्यक्त गर्दै उनले उक्त दिन पनि प्रधानमन्त्री चयन नभए अन्य दलसँग सहमति कायम गरेर आफ्नो पार्टीले नै सरकार गठन गर्ने ठोकुवा गरे ।

 दाहाल र सभामुख नेम्वाङबीच नयाँ संविधानलेखन प्रक्रिया र शान्तिप्रक्रियाको ’boutमा पनि कुराकानी भएको थियो । ‘दलहरूबीचमा देखा परेका अप्ठ्यारालाई शीघ्र अन्त्य गरी संविधानलेखन प्रक्रियालाई अगाडि बढाउन अध्यक्ष दाहाललाई आग्रह गरे’भेटपछि सभामुख नेम्वाङले सञ्चारकर्मीसँग भने । पढ्नेक्रम जारी राख्नुहोस्

झाडापखालाले महामारीको रूप लिनसक्ने खतरा, स्वास्थ्यकर्मीको टोली नेपालगन्जमा


कोहलपुर,  नेपालगन्जमा फैलिएको झाडापखालाको अवस्था बुझ्न इपिडिमियोलोजी महाशाखाबाट प्रयोगशाला विज्ञसहितको चिकित्सक टोली शुक्रबार नेपालगन्ज पुगेको छ । दुई दिनदेखि अचानक फैलिएको झाडापखालाले महामारीको रूप लिनसक्ने अवस्था आएपछि स्वास्थ्यकर्मीको टोली नेपालगन्ज आइपुगेको हो । प्रयोगशाला विज्ञ सुमन ठाकुर र चिकित्सक प्रमोद खनालले शुक्रबार नेपालगन्जमा स्वास्थ्यका क्षेत्रमा कार्यरत सरकारी र गैरसरकारी निकायसँग भेटी अवस्थाका विषयमा जानकारी लिनुभएको छ । पढ्नेक्रम जारी राख्नुहोस्

जेल छाडेर संसार हेर्दा…


कृष्ण आचार्य

गोरखा, श्रावण १४ – जेलमै जन्मेका सविन मझकोटीले साढे चार वर्षपछि बुधबार पहिलोपटक बाहिरी संसार देखे । मध्याह्न १२ बजे कारागारबाहिर निस्केका सविन गाडी देख्नेबित्तिकै निकै कहालिए । सरिताको कोखबाट जेलमा जन्मेका उनी पहिलोपटक कारागारबाहिर निस्कन पाउँदा निकै खुसी पनि भए ।

सविनले बाहिर भेटेका अधिकांश पुरुषलाई मामाको साइनो लगाए । उनीसँगै रहेका कारागारका कर्मचारी कृष्णहरि ढकालका अनुसार सुरक्षाका लागि खटिएका प्रहरीलाई मामा भन्ने गरेकाले उनले यस्तो न्यानो साइनो लगाएका हुन् । पढ्नेक्रम जारी राख्नुहोस्