Daily Archives: 21/04/2010

बंगलादेशी ट्याक्सी ड्राईभरको अपहरणमा परेकी नेपाली युवती अपहरण मुक्त, अपहरणकारी पक्राउ


जय आले, कुवेत

कुवेत सिटी, २० अप्रिल : कुवेतको सुलैबिखातस्थित घरेलु कामदारमा कार्यरत, नाम र स्रोत नखुलाईएकी एक नेपाली युवती ड्युटी सकेर ट्याक्सी बोलाई आफ्नो श्रीमानलाई भेट्न जाने क्रममा गत बिहीवार, १६ अप्रिलको दिन सोही ट्याक्सी ड्राइभरको अपहरणमा परेकी थिईन र ट्याक्सी ड्राइभर बंगलादेशी नागरिक भएको स्रोतले खुलाएको छ । उक्त ट्याक्सी ड्राइभरले अपहरण गरेपश्चात उनको श्रीमानसँग ३५० के. डि. उनलाई मुक्त गराउन फिरौती माग गरेको तर पछी उसले ति युवतिलाई जिलिव अल-शुवैखस्थित वेश्यालय संचालन गर्ने दलाललाई बेचिदिएको र उनलाई जबर्जस्ती उक्त दलालले ३ दिन सम्म देह ब्यापारमा संलग्न गराएको खुल्न आएको छ । उनी अपहरणमा परेको ३ दिन पश्चात आईतवार कुवेत पुलिसको सहारामा अपहरण मुक्त भएकी छिन् र उनको साथमा ६ जना अरु अपहरित एसियन मुलका महिलाहरु पनि सो नरकबाट मुक्त भएका छन । पढ्नेक्रम जारी राख्नुहोस्

साँच्चैको माया


बालकृष्ण 

balkrishanachaju@hotmail.com

आज सबेरैदेखि झलमल्ल घाम लागेको छ । तीन दिन देखिको अन्धकार आजदेखि हराएको छ । अब बाहिर निस्कन पाइने भयो भनेर म ढुक्क भएको छु । तर फेरि कहाँ पो जानेर आफ्नो आइ।डी कार्ड बनिएको छैन । पुलिसले सोधपुछ गर् यो भने के भन्ने भाषाको पनि समस्या छ । समातेर लग्यो भने नभएको टेन्सन बेहोर्नु पर्छ । जेलको अनुभव त छैन तर मेरो विचारमा निकै ठूलो सजाय हुन पर्छ । बिहान सहजले उठ्ने अनि ब्रेक फास्ट केही गफगाफ फेरि टी.भी. अनि खाने बेला हुन्छ । खानु अनि उठ्नु । कुनै समय हतारहतारमा केही समय दौडधूप फेरि केही छैन । पढ्नेक्रम जारी राख्नुहोस्

कहिले सम्म चुस्नेहुन नेपालका सरकारी उडुसहरुले गरीब जनताहरुलाई ?


आस बहादुर गुरुङ,बालकृष्ण घिमिरे,केशब प्रसाद घोरासाइने र उत्तम कुमार न्यौपाने केजिएल कुबेत

 देशमा तानाशाही भनिएको राजतन्त्र समाप्त भएको पनि झन्डै दुई बर्ष बिती सकेको छ | नेपाली जनताहरुले गणतन्त्रको स्थापना पश्चात देशमा शान्ती सुरक्षाको  ग्यारन्टी,हत्या हिङ्साको अन्ते,रोजगारिको ग्यारन्टी लगाएत भ्रस्टचार उनमुलन गरी स्वतन्त्र र निस्पक्ष कर्मचारी तन्त्रको स्थापनाहुने ठुलो आशा लिएका थिय |तर भएको छ ट्याकै उल्टो,राजतन्त्र र बहुदलिय प्रजातन्त्रमा कुर्सिमुनी बाट घुस खाने सरकारी (कमचारी) उडुसहरु गणतन्त्र आएपछी सिधै र बार्गेनिङ गरी,गरी आफ्ना माउ राजनीतिक पार्ट्रिहरुको सम्रक्षेणमा गरिव नेपाली जनताहरु सित मोटो रकम असुली जनतालाई उडुसले चुसे झै चुसिरहेका छन | पढ्नेक्रम जारी राख्नुहोस्

आइसल्यान्ड ज्वालामुखीको असर / नेपालले ३ हजार पर्यटक गुमायो / २ हजार नेपालमै अड्किए


काठमाडौं, आइसल्यान्डमा ज्वालामुखी विस्फोटपछि युरोप र्फकनुपर्ने झन्डै २ हजार पर्यटक नेपालमा नै अड्किएका छन् भने दैनिक रूपमा नेपालले ४ सय युरोपेली पर्यटक गुमाएको छ। त्रिभुवन विमानस्थल अध्यागमन विभागका प्रमुख खडानन्द ढकालका अनुसार सामान्य दिनमा दैनिक ५ सय भिसा लाग्ने गरेकोमा एक हप्तायता दैनिक डेढ सय मात्र भिसा लाग्ने गरेको छ। यसबाट करिब ३ हजार पर्यटक नेपालले गुमाउनुपरेको छ।
पढ्नेक्रम जारी राख्नुहोस्

कञ्चनपुरका पाँच हजार युवायुवतीलाई सैन्य तालिम


 तालिम गणतान्त्रिक खेलकुद संघ र वाइसियल नेताहरूले दिइरहेका छन्
महेन्द्रनगर, माओवादीले ‘अन्तिम विद्रोह’ भन्दै सुरु गरेको प्रशिक्षणमा कञ्चनपुरका पाँच हजार युवायुवती सहभागी भएका छन् । उनीहरूलाई गणतान्त्रिक खेलकुद संघ र वाइसियल नेताले प्रशिक्षण दिइरहेका छन् । केन्द्रीय सर्कुलरमा सुरु भएको प्रशिक्षण बिहानबेलुका दुईपटक दिने गरिएको माओवादी कञ्चनपुरले जनाएको छ । सो प्रशिक्षणलाई माओवादीले ‘मिलिटे्रन्ड’नाम दिएको छ ।कञ्चनपुरका १९ वटा गाविस र भीमदत्त नगरपालिकामा माओवादीले प्रशिक्षण थालेको छ । प्रशिक्षणमा विशेषगरी माओवादी कार्यकर्ता तथा समर्थक युवायुवतीलाई सहभागी गराइएको छ । पढ्नेक्रम जारी राख्नुहोस्

स्टार खेलाडीको जोडी संकटमा


 लन्डन/ फुटबलर एस्ले कोल तथा गल्फर टाइगर उडको दाम्पत्य जीवन संकटमा परेको छ दुवै खेलाडीका श्रीमती ‘डिभोर्स’को अन्तिम तयारीमा पुगेपछि उनीहरूको दाम्पत्य जीवन संकटमा परेको हो ।कोलकी श्रीमती चार्ली तथा उडकी श्रीमती एलिन नोड्रेग्रेनले आ-आफना श्रीमान्सित आत्मसम्मान तथा व्यक्तित्व रक्षाको कारण देखाउँदै सम्बन्धविच्छेद गर्न लागेको विभिन्न एजेन्सीले जनाएका छन् ।
केही महिनाअघि उडको दाम्पत्य जीवन अन्त्य हुने एजेन्सीले उल्लेख गर्दा सो समाचारले निकै स्थान पाएको थियो । पढ्नेक्रम जारी राख्नुहोस्

क्रान्तिकारीले पर्वतका सबै शिक्षण संस्था बन्द गराए


पर्वत, पर्वतका सम्पूर्ण शिक्षण संस्था अखिल नेपाल स्वतन्त्र विद्यार्थी युनियन क्रान्तिकारीले आज बन्द गराएको छ। पृथ्वीनारायण क्याम्पस पोखराका इकाई अध्यक्ष दिनेश पौडेललाई प्रहरीले गिरफतार गरेको भन्दै अखिल क्रान्तिकारी पर्वतले उनको रिहाइको माग गर्दै आज जिल्लाका सम्पूर्ण शिक्षण संस्था बन्दको आह्वान गरेको हो। विद्यार्थी नेता पक्राउ गरेको विरोधमा तमुवान राज्य समिति अन्तर्गतका पर्वत, कास्की, स्याङजा, तनहु, लम्जुङ, गोरखा, मनाङ र मुस्ताङ गरी आठ जिल्लाका शिक्षण संस्थामा बन्द आह्वान गर्ने तमुवान राज्यसमितिको निर्णय अनुसार पर्वतका शिक्षणसंस्थामा पनि बन्द आब्हान गरिएको अखिल क्रान्तिकारी पर्वतका अध्यक्ष बिदुर नेपालीले बताए।
बन्दका कारण आज जिल्लाका बिहानी सत्रमा सञ्चालन हुने क्याम्पस बन्द रहे। अन्य निजी तथा सामुदायिक विद्यालयसमेत बन्द हुने भएका छन। ‘बन्द भनेपछि सुरक्षाको हिसाबले पनि बन्द गर्नु नै पर्ने भयो’ प्याब्सन पर्वतका अध्यक्ष हिमबहादुर पौडेलले भने-‘क्षति ब्यहोर्नु भन्दा विद्यालय नखोल्नु नै राम्रो।’

जेठ १४ भित्रै संविधान जारी गर्न माओवादीले पहल गर्ने


काठमाडौं एकीकृत नेकपा माओवादी स्थायी समितिको बैठकले जेठ १४ गतेभित्रै संविधान ल्याउने प्रस्ताब आजको उच्चस्तरीय राजनीतिक संयन्त्रको बैठकमा लैजाने निर्णय गरेको छ। स्थायी समितिको वैठकमा अध्यक्ष पुष्पकमल दाहालले आज विहान अमेरिकी राजदूतसँग भएको कुराकानी’bout जानकारी समेत गराए। उनले नवनियुक्त अमेरिकी राजदूतले माओवादीलाई आतंककारीको सूचीबाट हटाउने प्रक्रिया अघि बढिरहेको बताएको जानकारी गराए। माओवादी प्रति अमेरिका सकारात्मक भएको भन्दै उनले सत्ताशीन दलले नै शर्त राखेकोमा राजदूतले टिप्पणी गरेको जनाए।
वैठकले नवलपरासीको कुटपिटका कारण मारिएका माओवादी कार्यकर्ता वुद्धिराम महतोलाई एमालेका नेताहरुले आक्रमण गरेको समेत ठहर गरेको छ। महतोको हिजो न्युरो अस्पतालमा उपचार हुँदाहुँदै मृत्यु भएको थियो।