Daily Archives: 17/04/2010

मृत्युदण्ड तोकिएका २ नेपालीलाई माफी


होम कार्की

काठमाडौं, वैशाख ४ – साउदी अरबमा सहकर्मीको हत्या गरेको अभियोगमा मृत्युदण्ड तोकिएका दुई नेपाली कामदार मृत्युदण्डबाट भने जोगिएका छन् । वैदेशिक रोजगारीमा साउदी पुगेका रूपलाल बोहरा र विवेक दाहाललाई पीडित परिवारले निजी कानुन प्रयोग गरी माफी दिएपछि उनीहरू मृत्युदण्डबाट जोगिएका हुन् । ‘यहाँ निजी र सार्वजनिक दुई कानुन छन्,’ साउदीको रियादस्थित नेपाली दूतावासका प्रथम सचिव खड्गप्रसाद दाहालले भने, ‘पीडितहरूले निजी कानुन प्रयोग गरी बोहरा र दाहाललाई मृत्युदण्डको माफी दिएका छन् । पढ्नेक्रम जारी राख्नुहोस्

कुवेतमा साँस्कृतिक कार्यक्रम भव्यतका साथ सम्पन्न


रगत, वंशज र राष्ट्रियताको नाता जहाँ गएपनी प्रफुष्ट्न भएर रहन्छ । जहाँ अलग सिमाना अंकित गरी, अलग पहिचान स्वरुप- अलग संस्कृतिको बिकास भएको पूर्व इतिहाँसले प्रमाणित गरेका यथार्थ सर्वविदित छन । हामी नेपाली हौं, नेपाल हाम्रो विविध भेष-भूषाहरु, संस्कृति र अनगिन्ती पहिचानहरु सँग सजिएको छ ।

भौगोलिक आधारमा आफ्नो मुलुकबाट जो जती नै धेरै दुरीमा रहनु परेतापनी हामी जहाँ छौं आफ्नो संस्कृति, संस्कार र पहिचानका साथमा छौं । दुरीले प्रेमलाई वितोगान्तमा होइन संयोगान्तमा समायोजन गर्न मूर्तरुप दिने रहेछ भन्ने कुराको परमाणिकरण १६ अप्रिल २०१० को दिन नेपालकुवेत साँस्कृतिक मञ्च र युनिटी लाईफ जन जाग्रिती टिम कुवेतको सामुहिक आयोजनामा प्रस्तुत गरिएको नेपाली साँस्कृतिक कार्यक्रमले प्रष्ट पारीदिएको छ । पढ्नेक्रम जारी राख्नुहोस्

जाबो भोक


बालकृष्ण, कुवेत
ईमेल : kbb_99@yahoo.com 
 
आज अर्कै कुरा लेख्ने जमर्को गरेको छु; हावादारी ।
 
भन्न त भन्थे कसै कसैले- “हामी नेपालीलाई दुई छाक नखाइ हुँदैन हए जहाँ गए पनि” यो त भयो सुनेको कुरा । तर आज त भयो साँच्चिकै । यो जन्मेदेखि लागेको बानी कसरी छोड्न सकिन्छ वा बदल्न सकिन्छ र ! बिहान ८ देखि १० बजेको बीचमा र बेलुका ७ देखि ९ बजे प्रायः जसो आमनेपालीले खाना खाने समय हो जस्तो लाग्छ मलाई र मेरो पनि । आज मलाई यस्तो लाग्न थालेको छ; यो खाना खाने जुन समय छ त्यो पनि एउटा नशा रहेछ । त्यो समयमा भएन भने छट्पटी हुन्छ । ढीलो भयो भनें भोक नै मरेर जान्छ । जसरी एउटा गाँजा, भाङ्, चरेस खाने मान्छेलाई निश्चित समयमा आवश्यक डोजको आवश्यकता हुन्छ । त्यो भएन भने ऊ बहुलाउन थाल्छ । त्यो पाउनको लागि जे पनि गर्न तयार हुन्छ । तर त्यस्तो साह्रो त होइन होला जस्तो लागेको थियो एकछिन खप्न सक्यो भनें त त्यो भागी हाल्छ नि भन्ने सम्झेको थिएँ । होइन रहेछ । साँच्चकीकै दुःख दियो यो भोकले त ! पढ्नेक्रम जारी राख्नुहोस्

विदेश जाने कामदार ४० प्रतिशतले घटे


जिल्लाबाट राहदानी वितरण रोकिएपछि यसको प्रभाव वैदेशिक रोजगारमा पर्न गएको छ । वैदेशिक रोजगारीका लागि विभिन्न मुलुकबाट माग बढिरहेका बेला कामदारहरूको दरखास्त करिब ४० प्रतिशत घटेको व्यवसायीहरूले बताएका छन् । सरकारले ‘मेसिन रिडेबल पासपोर्ट जारी नहुन्जेल परराष्ट्र मन्त्रालयमार्फत राहदानी वितरण थालेपछि लामो प्रक्रिया लाग्ने भएकाले वैदेशिक रोजगार व्यवसायीले कामदार पठाउन सकेका छैनन् । अहिले जिल्लाबाट राहदानीका लागि सिफारिस दिई परराष्ट्र मन्त्रालयमार्फत लिनुपर्ने व्यवस्था गरिएको छ । पढ्नेक्रम जारी राख्नुहोस्

कलेजमा खुकुरी हानाहान हुँदा डेढ दर्जन विद्यार्थी घाइते


भक्तपुर, वैशाख ३ – नेपाल इन्जिनियरिङ कलेज चाँगुनारायणमा शुक्रबार परीक्षा संचालनको विषयलाई लिएर विद्यार्थी संगठनहरुबीच झडप हुँदा डेढ दर्जन विद्यार्थी घाइते भएका छन्  । झडपमा खुकुरी प्रहार गर्ने र कुटपिट गर्ने पाँच जनालाई पक्राउ गरिएको महानगरीय प्रहरी वृत्त ठिमीका प्रहरी निरीक्षक बलराम विष्टले जानकारी दिए । कलेजको स्नातक तहको गणित विषयको परीक्षा कोर्ष पूरा गरेपछि लिनु पर्ने नेविसंघ र अनेरास्ववियूले अडान राखेका थिए भने अखिल क्रान्तिकारीले परीक्षा शुक्रबार नै गर्नु पर्ने अडान राख्दा भएको विवादमा खुकुरी हानाहान भएको बिष्टले बताए । पढ्नेक्रम जारी राख्नुहोस्