Daily Archives: 10/04/2010

अन्तरविभाग भलिबल प्रतियोगिता सम्पन्न


मनधोज कार्की, काठमाडौं

चैत्र २८, नेपाल राष्ट्र बैंकको ५५ औं वार्षिकोत्सवको उपलक्ष्यमा आयोजित अन्तरविभागीय भलिबल प्रतियोगितामा नेपाल राष्ट्र बैंकको बैंकिङ कार्यालय विजयी भएको छ । शुक्रवार भएको फाइनल खेलमा बैंकिङ कार्यालयले वित्तीय सँस्था सुपरिवेक्षण विभागलाई २५-२१, २५-२० र २५-२२ को सेटमा पराजित गरी विजयी बन्न सफल भएको हो । फाइनल खेलमा विजयी टीमका खेलाडी प्रल्हाद गिरीलाई ‘म्यान अफ द म्याच’ घोषित गरिएको थियो । विजयी टीम र खेलाडी गिरीलाई राष्ट्र बैंकका कार्यकारी निर्देशक लोकबहादुर खड्काले शील्ड कप सहित बधाई ज्ञापन गर्नुभएको थियो । पढ्नेक्रम जारी राख्नुहोस्

गिरिजाप्रसादको अस्तु र सगरमाथा


जाङ्वु शेर्पा, क्यालिफोर्निया

अधिकांशको कीर्ति रेखाको धरोहर सगरमाथा फेरि अस्तु रेखाले चर्चामा छाउने प्रयासमा छन् । अनेकथरी गरे, गरिरहेका छन् तर पनि विचरा सगरमाथा सहिरहेकै छन । प्रसंग हिलारी र गिरिजाबाबुको अस्तुको हो । पेशागत हिसावले म पर्वतारोही त होइन तथापी एक सञ्चारकर्मीको हैसियतले विश्लेषण गर्नुपर्दा सगरमाथामा कसैको अस्तुको बिसर्जनको थलो होइन र दिन हुन्न चाहे हिलारी हुन वा गिरिजा । सदियौंदेखि शेर्पाहरुले सगरमाथालाई मातृदेवको रुपमा पूज्दै आएका छन् । आमाको काखमा कोही जलेर भष्म भइसकेको खरानी छर्कनु भनेको आमाको अस्मितामाथि प्रहार गर्नु हो । पढ्नेक्रम जारी राख्नुहोस्

राडार मर्मतले त्रिभुवन विमानस्थलका सबै उडान प्रभावित


३० प्रतिशत उडान कटौति, दुई घण्टासम्म ढिलाइ-

काठमाडौं, त्रिभुवन अन्तर्राष्ट्रिय विमानस्थलमा रहेको राडार मर्मत सुरु भएपछि आन्तरिक र अन्तर्राष्ट्रिय उडान प्रभावित भएका छन्। वायुसेवा सञ्चालकहरूका अनुसार आन्तरिक उडान ३० प्रतिशतसम्म कटौती गरिएको छ। तोकिएको समयमा उड्नुपर्ने जहाज दुई घन्टासम्म ढिला भएका छन्। यसबाट यात्रु सबभन्दा बढी समस्यामा परेका छन्।विमानस्थल व्यवस्थापनले राडार मर्मत गर्नुपर्ने कारण देखाउँदै आन्तरिक वायुसेवा कम्पनीलाई ५० प्रतिशतसम्म उडान कटौती वा लामो समय ढिला हुनसक्ने पत्राचार गरेको छ।

पढ्नेक्रम जारी राख्नुहोस्

घरजग्गा कर्जा सीमा खारेजीको माग


काठमाडौं,घरजग्गा व्यवसायीले रियल इस्टेट र तथा आवासीय घर कर्जामा तोकिएको सीमा खारेज गर्न राष्ट्र बैंकसँग माग गरेका छन्। केन्द्रीय बैंकले आफनो कूल कर्जामध्ये घरजग्गा कर्जा दुई वर्षभित्र २५ प्रतिशतमा झार्न बैंकहरूलाई हालै निर्देशन दिएको थियो। निर्देशनपछि बैंकहरूले घरजग्गामा लगानी रोकेका छन् भने पुरानो कर्जाको ब्याज बढाउँदै असुली तीब्र पारेका छन्। पढ्नेक्रम जारी राख्नुहोस्

एमआरपी प्रकरण : भारतसँगको सम्झौता रद्द गर्न निर्देशन


काठमाडौं,  संसदीय सार्वजनिक लेखासमितिले भारतसँग भएको मेसिन रिडेबल पासपोर्ट -एमआरपी) छपाइ सम्झौता रद्द गर्न सरकारलाई निर्देशन दिएको छ । शुक्रबार बसेको समितिको बैठकले प्रचलित कानुन र सार्वजनिक खरिद ऐनबमोजिम प्रतिस्पर्धाका आधारमा एमआरपी छपाइ तथा खरिद प्रक्रिया अघि बढाउन शुक्रबार सरकारलाई पुनः निर्देशन दिएको हो । पढ्नेक्रम जारी राख्नुहोस्

प्रहरीले दुर्व्यवहार गरेको भन्दै बन्दीद्वारा नाराबाजी


तनहुँ,  प्रहरीले दुर्व्यवहार गरेको भन्दै तनहुँ कारगारका बन्दीले नाराबाजी गरेका छन्। गएराति बन्दी गन्तीका क्रममा प्रहरीले अपशब्द प्रयोग गरेको भन्दै उनीहरुले प्रहरीविरुद्ध नाराबाजी गरेका हुन्। प्रहरीले अपशब्द प्रयोग गरेपछि उनीहरुले शनिबार दिउसो आधा घण्टा प्रहरीविरुद्ध नाराबाजी गरेको तनहुँ कारागारका जेलर दामोदर शर्माले बताए। बन्दीले प्रहरीलाई कारबाही गर, मानवअधिकार रक्षा गरलगायतका नारा लगाउँदै नाराबाजी गरेका थिए।जेलर शर्मासँग सहमति लिएर कारागार शाखा पुगेका संवाददातालाई कारगारका सुरक्षा इन्चार्ज विष्णु दवाडीले समाचार सङ्कलनमा रोक लगाएका थिए।

 

नेपाल ९५ रनले फाईनलमा अफगानिस्तान सँग पराजित


जय आले, कुवेत

०९ अप्रिल २०१० शुक्रवारको दिन, बिहानको ८ बजेदेखी कुवेतको अहमादीस्थित हुबारा ग्राउण्डमा नेपाल र अफगानिस्तानबीच भएको एसिसि एलाइट ट्रफी कुवेत २०१० को फाईनल खेलमा नेपाल, अफगानिस्तानसँग ९५ रनको भारी अन्तरले पराजित भएको छ । टस जितेर फिल्डिङ्ग रोजेको नेपाललाई अफगानिस्तानले पुरै ओभर खेली अल-आउट हुँदै २२४ रन जोड्न सफल भई २२५ रनको चुनौती दिएको थियो ।

तर फाईनल चरणमा आउनु पूर्व हरेक राष्ट्रसँगको खेलहरुमा लगातार अपराजित खेलको यात्रा तय गर्दै आएको नेपाली टिमले फाईनल खेलमा भनें ९५ रनको भारी अन्तरले एक अनपेक्षित हारको सामना गर्नु परेको छ । अफगानी तेज बलरको बलिङ्गको सामु नेपाली व्याट्समेनहरुको केही चलेन र उनिहरु रन जोड्नु भन्दा पनि रक्षात्मक शैलिमा मात्र खेलेको देखियो । पढ्नेक्रम जारी राख्नुहोस्

एसीसी एलाइट ट्रफी कुवेत-२०१० (मार्च/अप्रिल २०१०)


“एसीसी एलाइट ट्रफी कुवेत-२०१०” कुवेतमा ३० मार्च देखी सञ्चालन भई ०९ अप्रिल २०१० मा सम्पन्न भएको छ । अत्यन्तै उत्कृष्ट खेलहरु प्रदर्शन गर्दै फाईनल चरणसम्मको यात्रा तय गरेको नेपाली टिम फाईनलमा भनें अफगानिस्तानसँग ९५ रनको भारी अन्तरले पराजित भएको छ । टुर्नामेण्ट अवधिभरका प्रमुख झलकहरु फोटोमा…   पढ्नेक्रम जारी राख्नुहोस्