भन्सार नबढाए चैतदेखि सुन संकट


  सुनको भन्सारदर तत्काल वृद्धि नगरिए चैतदेखि उपभोक्ताले सुन खरिद गर्न नपाउने सम्भावना देखिएको छ नेपाल राष्ट्र बैंकले सुन आयातमा रोक लगाएको र व्यवसायीसँग रहेको सुन फागुनसम्म मात्र कारोबार गर्न पुग्ने हुँदा चैतदेखि अभाव हुने सुनचाँदी व्यवसायी संघका अध्यक्ष तेजरत्न शाक्यले बताएका हुन् ।१८ फागुनअघि सात सय किलो सुन ह्याण्डक्यारीमार्फत आयात भए पनि यो महिनामा सबै रित्तिने अध्यक्ष शाक्यको दाबी छ । ‘२ हजार व्यापारी छन्, दैनिक सरदर १२/१३ किलो कारोबार भैरहेको छ, यो क्रमले फागुन महिनामा सबै सुन सकिन्छ,’ उनले भने ।सरकारले अध्यादेश ल्याएर भए पनि भारतमा जति नै भन्सारदर कायम नगरेमा चैतदेखि बजारमा कारोबार गर्न सुन नहुने उनको भनाइ छ ।गहना बनाउनेभन्दा पनि ढिक्का सुन खरिद गर्नेको संख्या र भारत निर्यात गर्न खरिद गर्नेको संख्या वृद्धि भएको कारण उपभोगका लागि सुन अभाव हुने उनले दाबी गरे । ‘पहिलेपहिले सुन भारततर्फ निर्यात हुन्थ्यो भन्दा विश्वास गरिँदैनथ्यो, अहिले दैनिक सुनको अवैध कारोबार भैरहेको प्रमाणित भएको छ,’ शाक्यले भने, ‘सुनको भन्सारदर प्रति १० ग्राममा कम्तीमा ४ सय रुपैयाँले बढाउनुपर्छ ।’भर्खरै घोषणा भएको भारतीय बजेटमा सुनको भन्सारदरमा प्रति १० ग्राम २ सय भारु बढेको छ, जसले गर्दा नेपालभन्दा भारतमा महँगो भएको छ । अहिले सुन निर्यात गर्नेले प्रति १० ग्राममा ४ सय रुपैयाँ मुनाफा कमाइरहेका छन् ।
सरकारले भन्सारदर वृद्धि नगरे सुनको मूल्य पुनः वृद्धि हुने तथा चैत महिनामा सुन भारतबाट नेपाल र्फकने र कालोबजारी भएर सुनको मूल्य अत्यधिक वृद्धि हुने शाक्यको अनुमान छ ।
नेपाली बजारमा सुन गतसाताको तुलनामा तोलामा ७ सय ५० रुपैयाँ वृद्धि भई ३२ हजार ७ सय ५० रुपैयाँ पुगेको छ ।

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.