Daily Archives: 24/02/2010

ग्वालियर फागुन १२  भारतीय ब्याट्सम्यान सचिन तेन्दुलकर एकदिवसीय क्रिकेटमा दोहोरो सतक बनाउने पहिलो खेलाडी बनेका छन् । दक्षिण अफ्रिकाबिरुद्ध ग्वालियरमा भएको खेलमा उनले १ सय ४७ वलमा अविजित २ सय रन बनाएका हुन् । टेष्ट र वान डेमा सर्वाधिक सतक र कुल रनको कीर्तिमान पनि सचिनको नाममा रहेको छ । सचिन अघि एक दिवसीय खेलका सबैभन्दा बढी रनको कीर्तिमान जिम्बाब्बेको चाल्स कभेर्न्टी र पाकिस्तानका सइद अनवरको नाममा रहेको थियो । कभेर्न्टीले बंगलादेशबिरुद्ध अविजित १ सय ९४ र अनवरले भारतबिरुद्ध १ सय ९४ रन बनाएका थिए ।

पवित्रा सुनार,

  तीन महिनाअघि साउदी पुगेकी बाराकी ४५ वर्षीया अरुणा खातुन (नाम परिवर्तन) शारीरिक र मानसिक सन्तुलन गुमाएर फर्केकी छन्। उनको शरीरको तल्लो भाग नचल्ने, दुवै खुट्टा भाँचिएको र शरीरको पछिल्लो भागमा गहिरो चोट लागेको छ। उनी हिँडडुल गर्न नसक्ने र सही कुरा बोल्न नसक्ने अवस्थामा छिन्। उनी साउदीकै चिकित्सकको सहयोगमा सोमबार नेपाल फर्केकी हुन्। पढ्नेक्रम जारी राख्नुहोस् →

संविधान निर्माणको समयसीमा साँघुरिंदै जाँदा एकीकृत माओवादी, एमाले र नेपाली काँग्रेस तीनै दलका केन्द्रीय समितिका बैठक बसेका छन् तर ती दलका बैठकहरूमा संविधान निर्माणका विषयले प्राथमिकता भने पाउन सकेनन्। संविधानसभाको सबैभन्दा ठूलो दल एकीकृत माओवादी बैठक पार्टीको केन्द्रीय समिति र पोलिटब्युरोमा क-कसलाई लैजाने भन्ने पदीय भागवण्डामा अल्झिएको छ। पार्टीको १ सय ३७ सदस्यीय केन्द्रीय समितिलाई बढाएर १ सय ७५ बनाउने र पोलिटब्युरोमा १३ जना सदस्य थपेर ५८ सम्म पुर्‍याउने’bout माओवादी बैठक केन्द्रित छ। १० दिनभित्र संविधानसभाबाट निर्देशन र सुझावसहित पारित गरी संवैधानिक समितिमा पठाइसक्नुपर्ने समयसीमा रहे पनि अरु दलका अडानमा माओवादी कतिसम्म लचिलो हुनसक्ने भन्ने विषयमा कुनै छलफल भएको छैन। पढ्नेक्रम जारी राख्नुहोस् →

नेपाली काङ्ग्रेसका बरिष्ठ नेता शेरबहादुर देउवाले मुलुकको शान्ती सुरक्षाको लागि युथफोर्स र वाइसिएल दुवै विघटन गर्नुपर्ने बताएका छन् । युवा दस्ता दर्ताको पक्षमा आफू नरहेको बताउँदै उनले युवालाई आक्रमक शैलीमा भन्दा पनि विकासका लागि लगाउनु पर्ने तर्क सारेका छन् । पढ्नेक्रम जारी राख्नुहोस् →

सङ्घीयताको बिरोध र हिन्दु राष्ट्रको माग गर्दै राष्ट्रिय प्रजातन्त्र पार्टी नेपालले मंगलबार सिंहदरबार धर्ना तथा घेराउ गरेको छ । सिंहदरबारमा धर्ना दिने क्रममा प्रहरीसँग भएको झडपमा राप्रपा नेपालका उपाध्यक्षसहित करिब ५० नेता तथा कार्यकर्ता घाइते भएका छन् । घाइते हुनेहरुमा पार्टी उपाध्यक्ष किशोरी महतो, युवा मोर्चाका उपाध्यक्ष किशोर गुरुङ, सभासद चन्द्रबहदुर गुरुङलगायत छन् । पढ्नेक्रम जारी राख्नुहोस् →

 पर्वतको दुर्लुङमा आज दिउसो एक युवाले गोली चलाउदा दुई युवा घाइते भएका छन । पर्वतको बनौ ६ का महेन्द्र फकामी पुनले इटालियन पेस्तोलबाट दुर्लुङ गाबिस वडा नं. १ स्थित भुजेलथानमा गोली हान्दा दुर्लुङ-३ का लक्ष्मण बस्याल र रमेश सार्की घाइते भएका हुन । उनीहरुलाई तत्काल उपचारका लागि जिल्ला अस्पताल पर्वतमा ल्याइएपनि लक्ष्मण बस्यालको उपचार हुन नसकेपछि पोखरास्थित मणिपाल अस्पताल पठाइएको जिल्ला प्रहरी कार्यालय पर्वतका प्रहरी निरिक्षक केदार पन्तले जानकारी दिनुभयो । घटनालगत्तै घटनास्थल पुगेको प्रहरी टोलीले गोली चलाउने महेन्द्र फकामी पुनलाई इटालियन पेस्तोलसहित पक्राउ गरेको पनि प्रहरी निरिक्षक पन्तले जानकारी दिनुभयो ।