बाटो खर्च दिएर अयोग्य लडाकूलाई बिदा गरिने


२० पुस, माओवादी शिविरमा रहेका अयोग्य लडाकूलाई बस भाडा र बाटो खर्च दिएर आगामी बिहिबारबाट बिदाई गरिने भएको छ । अयोग्य लडाकू बहिर्गमन तथा पुनःस्थापनासम्बन्धी निर्देशक समितिको आज बसेको बैठकले अयोग्य लडाकूको बहिर्गमन प्रक्रिया सिन्धुलीको शिविरबाट गर्ने निर्णय गरेको छ । समितिका संयोजकसमेत रहनुभएका शान्ति तथा पुनः निर्माणमन्त्री रकम चेम्जोङले बैठकपछि सञ्चारकर्मीसंग कुरा गर्दै यसअघि भएको त्रिपक्षीय सहमति अनुसार नै उनीहरुको बिदाई प्रकृया सुरु गर्न लागिएको बताउनुभयो । माओवादी पक्षले समय मागेपछि यसअघि निर्धारण गरिएको समयमा एक हप्ता ढिला गरिएको हो ।

अयोग्य लडाकूलाई कक्षा १२ सम्मको शिक्षा र व्यावसायिक तालिमको व्यवस्था गरिने उहाँले जानकारी दिनुभयो । बाहिर गइसकेपछि अयोग्य लडाकूको अनुगमन संयुक्त राष्ट्रसङ्घले एक वर्षसम्म गर्नेछ । शान्तिमन्त्रीको अध्यक्षतामा सोमबार अपरान्ह बसेको वैठक बहिर्गमन हुने लडाकूलाई परिचयपत्र दिने र त्यो परिचयपत्रको आधारमा एक वर्षसम्म उनीहरूले चाहेको बेला व्यावसायिक तालिम लिन सक्ने व्यवस्था गरिएको छ । लडाकूको व्यक्तिगत इच्छामा पुनःस्थापना गरिने मन्त्री चेम्जोङले बताउनुभयो ।

समितिका सदस्यसमेत रहनुभएका एकीकृत नेकपा -माओवादी)का सभासद् डा. इन्द्रजित राईले शिविरबाट बहिर्गमन हुने लडाकूको पार्टीले व्यवस्थापन गर्ने बताउनुभयो । अनमिनले चार हजार आठजना माओवादी लडाकूलाई अयोग्य प्रमाणित गरेको थियो । जसमा सिन्धुलीको शिविरमा ३७१ अयोग्य लडाकू रहेका छन् । बहिर्गमन प्रक्रिया सिन्धुली, चितवन, नवलपरासी, इलाम, सुर्खेत हुँदै रोल्पामा पुगेर आगामी माघ २४ गते सकिने बताइएको छ ।

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदल्नुहोस )

Google photo

You are commenting using your Google account. Log Out /  बदल्नुहोस )

Twitter picture

You are commenting using your Twitter account. Log Out /  बदल्नुहोस )

Facebook photo

You are commenting using your Facebook account. Log Out /  बदल्नुहोस )

This site uses Akismet to reduce spam. Learn how your comment data is processed.