Daily Archives: 30/11/2008

वरदान नेपाल


                   वरदान नेपाल

समेटि आकाश झरेछ ब्रम्हाण्ड, पहिले यस धरतीमा
चौधै भुवन सुक्ष्म भै एक, विश्व भूगोल केन्द्रमा ॥
नेमुनी आवास, तपोवन, बुद्धवन, गुराँस फुल्ने वनमा
पहेंल्पुर तराई, पहाडी डाँफे, यती कबड्डी खेल्ने हिऊंमा ॥
चन्द्र र सूर्य त्रिकोण माथ है, रत्न भण्डार सगरमाथामा
शहिदको पहरा, स्वाधिन देश, छैन कतै अर्को विश्वमा ॥

गिर्जा र मस्जिद, मन्दिर, गुम्वा, पौवापाटी चौधैमा
शतक भाषा, जाति र धर्म, संस्कृति पचहत्तरैमा ॥
दौरा र सुरुवाल, ढाकाको टोपी, सिरुपाते पेटीमा
लोक र झ्याउरे, रोदी र सेलो, पन्चैबाजा चौतारीमा ॥
रुद्राक्ष, संजिवनी, मुगा र माणिक, शालिग्रामै गण्डकिमा
अतुलनीय मातृ, सुगन्धित भूमि, छैन कतै अर्को ईतिहासमा ॥

                                                                 किरण पौड्याल, कुवेत, २९ नोभेम्वर २००८ (६)