Daily Archives: 29/11/2008

माउन्ट एभरेष्ट क्लबका वोर्किङ कमिती का सद्स्य श्री बम बिष्ट ज्यु को दोस्रो पुत्र जन्मेको मा वहाँलाई हार्दिक शुभ कामना दिदै नयाँ बच्चाको सुख शान्ति तथा उज्जल भबिस्यको कामना गर्दछउ माउन्ट एभरेष्ट क्लब


bom-garg

नेपाल जनप्रगतिशिल मञ्च दोहा कतार द्वारा प्रधानमन्त्रीलाई ज्ञापन पत्र



 

अरबीको सामूहिक बलात्कारपछि साउदी अरबबाट गर्भ बोकेर फर्किएकी सुनसरीकी १९ वर्षिया युवतीलाई साउदी पुर्‍याउने दलालविरुद्ध जाहेरी दर्ता गर्न गएका पीडितलाई जिल्ला प्रहरी कार्यालयले त्यसै फर्काइदिएको छ ।


अरबीको सामूहिक बलात्कारपछि साउदी अरबबाट गर्भ बोकेर फर्किएकी सुनसरीकी १९ वर्षिया युवतीलाई साउदी पुर्‍याउने दलालविरुद्ध जाहेरी दर्ता गर्न गएका पीडितलाई जिल्ला प्रहरी कार्यालयले त्यसै फर्काइदिएको छ ।

दलालले किर्ते नागरिकता र राहदानी बनाएर ६ महिनाअघि साउदी पुर्‍याएकी अञ्जु अरबी घर-मालिकको गर्भ बोकेर पाँच दिनअघि मात्र घर र्फकेको समाचार नयाँ पत्रिकाले बिहीबार प्रकाशित गरेको थियो । बिहीबार मुद्दा दर्ता गर्न जिल्ला प्रहरी कार्यालय सुनसरी पुगेका पीडित युवतीका परिवारलाई समयाभाव भन्दै प्रहरीले जाहेरी दर्ता नगरी फर्काइदिएको हो । पढ्नेक्रम जारी राख्नुहोस्


ताज महल होटलको तेस्रो तलामा पहिलोपटक गोली चलेको आवाज सुन्दा सर गुलाम नुन आत्तिएनन् ।mayesaribache
बि्रटेनको ‘हाई प्रोफाइल’का एसियाली व्यापारीले सोही होटलको रेस्टुरेन्टमा रातको खानाका लागि टेबल ‘बुक’ गरिसकेका थिए । तर, अन्तिम समयमा उनले बिसन्चो अनुभव गरे । र, कोठामै रातको खाना लिने विचार गरे । कोठामा उनका भाइका साथै अन्य दुई व्यापारी साथी थिए । ‘योजना परिवर्तन गरेकाले मर्नबाट जोगिएको हुन सक्छु, किनकि आतंकवादी पहिले रेस्टुरेन्टमै छिरे होलान्,’ सर गुलाम भन्छन् ।

मुम्बई हमलालाई नजिकबाट निहालेका भारतीय मूलका ‘हाई प्रोफाइल’ ब्रिटिस व्यापारीको त्रासदीपूर्ण अनुभव

मुम्बईमा जन्मेका सर गुलाम ‘कुरे किङ’ उपनामबाट चिनिन्छन् । भारतीय तयारी खानाको बि्रटेनमा हुने उनको साप्ताहिक कारोबार एक दशमलब पाँच मिलियन डलरबराबर छ । ‘सुरुमा कसैको विवाहको आतिसबाजी भइरहेको हामीले अनुमान गर्‍यौँ, कुनै मूर्खले लबिमा नै पटाका पड्काएको हाम्रो सोचाइ थियो,’ उनी भन्छन् । आतिसबाजी हेर्न झ्यालबाट हेरे उनीहरूले । तर, आतिसबाजी थिएन, आतंक थियो बाहिर ।

‘कोही मानिस भवनभित्र दौडिरहेका र कोही आतंकित भई भागिरहेका देख्यौँ,’ उनी भन्छन्, ‘त्यति नै वेला बम विस्फोट भयो, भुइँचालो गए जसरी, सम्पूर्ण बिल्डिङ नै हल्लियो, त्यसपछि त लगातार विस्फोट भइरहे, म भन्डै बाहिर भागेको थिएँ, तर प्वालबाट चिहाएर हेर्दा एके ४७ बोकेको व्यक्ति कोरिडरमा आउँदै गरेको देखेँ ।’

उनले स्वागत कक्ष (रिसेप्सन) मा रहेका ड्युटी म्यानेजरलाई फोन गरे । ‘आश्चर्यजनक रूपमा उनी अझै त्यहाँ रहेछन्, उनले मलाई ढोका बन्द गरेर बस्न भने, हातमा बन्दुक बोकेका मानिस अमेरिकी र बि्रटिस नागरिकलाई खोज्दै रहेको जानकारी पनि उनैले दिए,’ उनी भन्छन् ।
अनि टेलिभिजन पनि चल्न छोड्यो । एयर कन्डिसन पनि बन्द भयो । कोठाको तापक्रम निकै बढ्यो । तर, उनको मोबाइल अझै चलिरहेको थियो ।

उनको परिवारले होटलको माथिल्लो तलामा आगो लागेको जानकारी फोनबाट दियो । ‘कोरिडोरमा धुवाँ आइरहेको म देख्न सक्थेँ, म्यानेजरले ढोकाको प्वालमा चिसो तौलिया राख्न भने, तर पनि धुवाँ आइरहेको थियो, सेना अचम्मका थिए, उनीहरू आतंकवादीलाई खोज्दै तल र माथि गरिरहेका थिए । तर, होटलका पाहुनाप्रति कुनै चासो दिइरहेका थिएनन् ।’ ७२ वषर्ीय सर गुलाम राति साढे नौ बजेदेखि बिहान ६ बजेसम्म कोठाभित्रै थुनिए ।

‘रातभरि गोली चल्यो, झुक्किएर कमान्डोले गोली हान्न सक्ने भएकाले हामीलाई कोठाबाहिर नआउन भनिएको थियो, आफ्नै तलामा रहेका दुई आतंकवादी हामीले देख्यौँ । हाम्रै कोठाबाहिर गोली चलिरहेको पनि सुन्यौँ । निकै डरलाग्दो अनुभूति थियो त्यो, कुनै पनि वेला ढोकामा गोली प्रहार गर्दै आतंकवादी भित्र छिर्न सक्ने डर लागिरह्यो । कतिवेला ढोका चहार्दै विदेशी खोज्नतिर लाग्ने हुन् भन्ने डर भइरह्यो ।

पुत्पुताइरहेको धुवाँको सामना गर्ने कि होटलमा जारी रगतको लडाइँको सामना गर्ने ? कुनै एक निर्णय गर्नु थियो उनलाई । ‘कोरिडरमा जान सक्दिनँ भन्ने मलाई थाहा थियो, त्यसैले झ्यालबाट हेर्दै कोठामै बसिरह्यौँ, तल एम्बुलेन्स आएको, त्यसमा लास राखिएको हामी माथिबाटै हेरिरहेका थियौँ । केही घन्टापछि दमकलका मान्छेले झ्याल फुटालेर क्रेनको सहयोगले हामीलाई तल झारे । तल बसेका होटलका म्यानेजरले बाँचेकोमा हामीलाई शुभकामना दिए, होटलका कर्मचारी आफ्नो ज्यानको बाजी थाप्दै रातभरि बसेछन्,’ उनी अनुभव सुनाउँछन् ।
होटलबाट भाग्दा यी व्यापारीले केही पनि बोक्न भ्याएनन् । ‘पासपोर्ट, आवश्यक औषधी र लुगा लिने समय पनि पाइनँ मैले,’ उनी भन्छन् ।
आतंककारीको हमलाबाट जोगिएपछि उनले बिहीबार सर्ट, पाइन्ट र औषधी किने । अनि नयाँ पासपोर्ट बनाउन बि्रटिस हाई कमिसनकहाँ पनि पुगे उनी ।

टोनी ब्लेयर, गोर्डन ब्राउन र पि्रन्स अफ वेल्सका साथी सर गुलाम बम्बईमा जन्मे र भारत स्वतन्त्र हुँदासमेत त्यहीँ थिए । ब्रिटेनमा बस्ने भए पनि उनी हरेक वर्ष मुम्बई आइरहेका हुन्छन् । १९९३ को बम विस्फोटका वेला पनि उनी मुम्बईको ताज होटलमै थिए । त्यतिवेला उनको ड्राइभरलाई चोट लागेको थियो ।
‘मुम्बईका मानिस बहादुर छन्, आज बम विस्फोट भए पनि भोलिदेखि काममा जानेहरूको भीड रेलमा उत्तिकै हुन्छ । यस्तो हमलाबाट डराए आतंकवादी आफ्नो जित भएको ठान्छन्,’ उनी भन्छन् ।
सो हमलामा इस्लाम अतिवादीको संलग्नता रहेको सुन्दा तर्सिएको बताउँछन् गुलाम, ‘म मुस्लिम हुँ, त्यसैले हमलामा उनीहरूको संलग्नता छ भन्दा सहन गाह्रो हुन्छ, यो वास्तविक इस्लामको काम होइन, त्यस्तो कुनै धर्म छैन जसले मानिसलाई आतंकित बनाउने काम गर्छ । उनीहरू बि्रटिस र अमेरिकनलाई खोजिरहेका थिए, अफगानिस्तान र इराक युद्धमा हामीले अमेरिकालाई साथ दिएकाले त्यसो गरेको हुन सक्छ ।’

नेपालमा विदेशीको बढ्दो चासो


पछिल्लो एक महिनामा नेपालमा शक्तिराष्ट्रको चासो बढेको छ । भारत, चीन र बेलायतका उच्च अधिकारीहरुको नेपाल भ्रमण भइसकेको छ ।

बेलायती अन्तराष्ट्रिय विकासमन्त्री नेपला भ्रमणबाट फर्किएको भोलिपल्ट बेलायती सेना प्रमुख रिचार्ड दान्नात नेपाल आउदैछन् । १३ मंसिरमा नेपाल आउनलागेका उनले प्रधानमन्त्री प्रचण्ड, सेनाप्रमुख रुक्माङगत कटवाललगायतलाई भेट्ने कार्यक्रम तय भएको छ ।

संविधान लेखन शुरु भएलगत्तै नेपालमा विदेशीको दौडधूप बढेर गएको छ । भारतीय विदेशमन्त्री प्रणव मुखर्जी र बेलायती अन्तराष्ट्रिय विकासमन्त्री माइक फोस्टर ९ मंसिरमै काठमाडौं आइपुगे भने डेनमार्कका विदेशमन्त्री नेपाल आउदैछन् ।

नेपाली राजनीतिमा अप्रत्यक्ष भूमिका खोज्ने उद्येश्यबाट प्रेरित भ्रमणलाई उच्च महत्व दिइएको छ । भारतीय विदेशमन्त्री प्रणव मुखर्जीले त राजनीतिक दलहरुलाई सहमति बनाउन भने । उनले सेना समायोजनका लागि दलहरुबीच सहमति निर्माण बनाउन सुझाव दिएर गएका छन् । ११ मंसिरमा नेपालको तीन दिने भ्रमण पूरा गरी नयां दिल्ली र्फकनुअघि पत्रकार सम्मेलनमा बोल्दै उनले विगतमा भएको पूव सहमतिलाई आधार बनाएर सेना समायोजन गर्न सुझाव दिएका छन् ।

यसअघि चिनियां उच्च सैनिक अधिकारीहरु नेपाल आएका थिए । उनीहरुले सुरक्षा’bout चासो राख्नुका साथै प्रधानमन्त्री प्रचण्डलगायतका उच्च अधिकारीहरुसंग भेटवार्ता गरेका थिए ।

खेलकुद समाचार


मुर्म्बईमा आतंककारी आक्रमणका कारण भारत र इङ्ल्याण्डबीचका एक दिवसीय क्रिकेट प्रतियोगिता रद्द गरिएपछि इङ्ल्याण्डको टोली आज स्वदेश फर्किने भएको छ ।भारतीय क्रिकेट बोर्डका प्रवक्ता देवेन्द्र प्रभुदेर्साईले इङ्ल्याण्डको अनुरोधमा बाँकी रहेका दुइ एक दिवसीय प्रतियोगिता रद्द गरिएको जानकारी दिएका छन् ।

इङ्ल्याण्ड र भारतबीच भइरहेको सात एक दिवसीय खेल अर्न्तर्गत अन्तिम दुइ एक दिवसीय खेल रद्द गरिएको हो ।

गुवाहटी र दिल्लीमा दर्ुइ एक दिवसीय खेल तय गरिएका थिए ।

त्यसै गरी दर्ुइ टोलीबीच आगामी डिसेम्बर ११ मा तय गरिएको दुइ टेष्टको शृङ्खला पनि अनिश्चितकालका लागि स्थगित भएको छ ।

शृङ्खलाको समय पछि मात्रै तय गरिने भएको छ ।

यसै गरी आगामी डिसेम्बर ३ तारिखमा हुने च्याम्पियन्स लिग २०-२० क्रिकेट प्रतियोगिता पनि रद्द गरिएको छ ।