पुल उद्घाटन गर्न नपाएपछि हेलिकोप्टर चढेका मन्त्री जन्त गए


१३ बैशाख, काठमाण्डौ – गाउँमा बनाइएको सानो झोलुङ्गे पुल उद्घाटन गर्ने बिषयमा पूर्व मन्त्री र बहालवाला मन्त्रीवीच रस्साकस्सी परेपछि हेलिकोप्टर चढेर पुगेका मन्त्री आकाशबाटै फर्किनुपरेको छ ।रौतहट क्षेत्र न २ अन्र्तगत राजपुर फरहदवा गाविसमा रहेको भगुवा खोलमा झोलुङ्गे पुल उद्घाटन गर्न गत बैशाख ४ गते स्थानीय बिकाशमन्त्री टोपबहादुर रायमाझी र पोलिटब्युरो सदस्य एवं पूर्वमन्त्री प्रभु साह काठमाण्डौंबाट हेलिकोप्टर चढेर त्यहाँ पुगेका थिए । तर आफ्नो निर्वाचन क्षेत्रमा माओवादी नेताहरु आएर पुल उद्घाटन गर्न लागेको थाहा पाएपछि कांग्रेस सभासद एवं पूर्व श्रममन्त्री मोहम्मद अफताव आलमले कार्यकर्ता भेला पारेर पुल नजिकै अनसन कसे ।

मन्त्रीलाई लिएर हेलिकोप्टर ल्याण्ड गर्ने प्रयास गरेपनि आलमका कार्यकर्ताको अबरोधले हेलिकोप्टर धेरैबेर आकाशमै अडियो । आलमले कुनैपनि हालतमा हेलिकोप्टर ल्याण्ड गर्न नदिने भन्दै फर्किन चेतावनी दिएपछि मन्त्री रायमाझी र साह चढेको हेलिकोप्टर आकाशबाटै फर्किन बाध्य भयो । हेलिकोप्टर फर्किएपछि पूर्वमन्त्री आलमले आफैं पुलेका उद्घाटन गरे ।

पुल उद्घाटन गर्न नपाइ जमिनभन्दा केही सय मिटरमाथिबाट फर्किन बाध्य भएका माओवादी नेताहरु त्यहाँबाट बारा पुगेर कार्यकर्ताको बिहेमा जन्ती गए ।

स्थानीय एक माओवादी नेताका अनुसार साह र रायमाझी राज्यसमिति सदस्य किरणको साहको बिहेमा सहभागी भएर केही घण्टापछि राजधानी फर्किएका थिए ।

Source: Onlinekhabar

 

About these ads

One response to “पुल उद्घाटन गर्न नपाएपछि हेलिकोप्टर चढेका मन्त्री जन्त गए

  1. thuka neta ho timi haru ko gendh.ake

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )