मिस नेपाललाई ‘चेरी’ कार

यसवर्षकी मिस नेपालले ‘चेरी’ कार पाउने भएकी छन् । नेपालमा चेरी गाडीको आयातकर्ता बामा मोटर्सले नयाँ मिस नेपाललाई चेरी क्युक्यु–३ कार दिने भएको हो । मिस नेपाल प्रतियोगिताको आयोजक द हिडन ट्रेजर, मुख्य प्रायोजक डाबर नेपाल र बामा मोटर्सबीच मंगलबार यससम्बन्धी सम्झौता भएको छ । हिडेन ट्रेजरका अनुसार मिस नेपाल फस्र्ट रनर–अपलाई महिन्द्राको स्कुटर प्रदान गरिने भएको छ । सन् १९९४ देखि आयोजना हुँदै आएको मिस नेपाल प्रतियोगिता यसपालि पहिलोपटक ‘डाबर स्पेसल मिस नेपाल’को रुपमा आयोजना हुदैछ ।
प्रतियोगितामा पहिलोपटक उपहारको रुपमा आकर्षक कार र स्कुटर राखिएको हो । प्रतियोगितालाई यसवर्ष सेफ्टी स्यानिटरी प्याडले सहप्रायोजन गरेको छ । सहभागीहरूको विशेष अनुरोधमा प्रतियोगिताको आवेदन फारम बुझाउने अन्तिम मिति असार ३२ गतेसम्म बढाइएको छ । प्रारम्भिक चरणमा छानिएका प्रतियोगीहरूको तालिममा यसवर्ष पनि विशेष ध्यान पु¥याइने भएको छ ।
छानिएका प्रतियोगीहरूका लागि विशेष तालिमको व्यवस्था गरिएको छ । उनीहरुलाई सम्बन्धित क्षेत्रका विशेषज्ञहरूले तालिम दिनेछन् । यसबाट प्रतियोगीहरूको व्यक्तित्व, आत्मविश्वास र सकारात्मक सोचाइ विकास गर्न सहयोग पुग्ने आशा आयोजकले लिएका छन् । यसबाहेक अन्तिम ‘सर्ट लिस्ट’ मा परेका प्रतियोगीहरूका लागि क्लोज क्याम्प पनि सञ्चालन गरिने भएको छ ।
प्रतियोगिताको अन्तिम दिन समाजका प्रतिष्ठित व्यक्तिहरू समावेश गरिएको छनोट समितिले विजेताको घोषणा गर्नेछ ।