विश्वदीप तिगेला, ब्रुनाई
गत १ जुलाई २०१० का दिन सेरिया ब्रुनाईमा एक विशाल नेपाली सांस्कृतिक कार्यक्रम सम्पन्न भएको छ । नेपालबाट आएका कलाकारहरु मौषमी गुरुङ, शिला आले, पुरुषोत्तम नेउपाने, सम्झना बुढाथोकि, मदन थापा लगायतका कलाकारहरुले उत्कृष्ट प्रदर्शन गरेका थिए झण्डै १५ सय दर्शक रहेको उक्त कार्यक्रममा दर्शकहरुले भरपुर मनोरंजन लिएका थिए ।
वेलायती सेनामा कार्यरत सैनिक र परिवारको ठूलो जमात रहेको ब्रुनाईमा दोस्रो गोर्खा राइफल्सको स्थापना दिवशको १६ औ बर्षगाठ मनाउनेक्रममा नेपालका कलाकारहरुलाई झिकाइएको थियो । अन्यन्तै ब्यवस्थित भब्य र सभ्य कार्यक्रममा दर्शकहरुलाई नियन्त्रणमा राख्न आयोजकलाई निक्कै हम्मेहम्मे परेको थियो ।
