Daily Archives: 03/05/2010

प्रत्येक नेपाली नागरिकले दक्षिण एसियामा सबैभन्दा कम विद्युत् खपत गर्ने गरेका छन् । तर, विद्युत् खपतको तुलनामा नेपालीहरूले तिर्ने विद्युत् महसुल भने सबैभन्दा महँगो छ । इन्टरनेसनल इनर्जी एसोसिएसन (आईइए) को की वल्र्ड इनर्जी २००९ र इनर्जी सिस्टम मेनेजमेन्ट एसिस्टेन्स प्रोगाम (ईएसएमएपी) को तथ्यांकले नेपालीहरू न्यून विद्युत् उपभोगका लागि महगो महसुल तिर्ने ग्राहक देखाएको हो ।
तथ्यांकअनुसार नेपालीको प्रतिव्यक्ति विद्युत् उपभोगको परिमाण वार्षिक ८१ किलोवाट मात्रै रहेको छ । सन् २००४ मा यो परिमाण ६९ किलोवाट थियो ।  दक्षिण एसियाली मुलुकमा सबैभन्दा धेरै विद्युत् ऊर्जाको प्रयोग भारतीय नागरिकहरूले गर्ने गरेका छन् । १ भारतीय नागरिकले प्रतिवर्ष ५ सय ४३ किलोवाट विद्युत् ऊर्जा खपत गर्छ ।  यद्यपि भारतको कुल ऊर्जा उत्पादनमा तापिय ऊर्जाको हिस्सा बढी छ । छिमेकी देश चीनको प्रतिव्यक्ति विद्युत् खपत गर्ने परिमाण २ हजार ३ सय ४६ किलोवाट छ । १ नेपालीले खपत गर्ने ऊर्जाको तुलनामा यो २८ र भारतीय नागरिकको तुलनामा ४ गुणा बढी हो । सन् २००४ मा चीनमा यो परिमाण १ हजार ५ सय ८५ किलोवाट थियो । Continue reading →

इलाम, जिल्ला विकास समितिको आर्थिक वर्ष ०६६/६७ को बजेट रकममा कर्मचारीहरूले लाखौँ रुपैयाँ भ्रष्टाचार गरेको खुलासा भएको छ । विकास योजना, प्रशासनिक खर्च र कन्टेन्जेन्सी रकममा कर्मचारीको मिलेमतोमा करिब एक करोड १५ लाख रुपैयाँभन्दा माथि भ्रष्टाचार भएको जिविस स्रोतले बताएको छ । जिल्ला विकास समितिमा भ्रष्टाचार भएको सूचना पाएपछि स्थानीय राजनीतिक दलहरूले त्यसका लागि छानबिन समितिसमेत गठन गरेका छन् । भ्रष्टाचार भएको पाइए पनि के-कति रकम भ्रष्टाचार भएको भन्ने यकिन नभएको छानबिन समितिका संयोजक डिल्ली चेम्जोङले बताए । Continue reading →

आदरणीय दिदीबहिनी तथा दाजुभाइहरू,

१. विभिन्न बाधा, विरोध र चुनौतीहरू पार गर्दै मैले संयुक्त सरकारको नेतृत्व गरेको एक वर्ष पुग्न लागेको छ । संविधानसभाको निर्वाचनपछि राष्ट्रिय हित,शान्ति र संविधान निर्माणको मुख्य अभिभारालाई केन्द्रबिन्दुमा राखेर नेकपा एमालेले जोखिम मोलेरै भए पनि नेकपा माओवादीलाई प्रधानमन्त्री प्रस्तावित गरी सरकारमा सम्मिलित भएको थियो　।तर,एकीकृत नेकपा माओवादीको आफ्नै गलत चिन्तन र व्यवहारका कारण सहयोगी दलहरूले समर्थन फिर्ता लिएपछि तत्कालीन प्रधानमन्त्रीको राजीनामाबाट उत्पन्न रिक्तता, अन्योल र अनिश्चयको अवस्थामा संविधानसभाका २२ राजनीतिक दल र बहुमत सभासद्हरूको समर्थनमा मैले प्रधानमन्त्रीको जिम्मेवारी सम्हालेको हुँ　। Continue reading →

यो सभा एउटा असाधारण सभाका रूपमा गरिरहेका छाँ । किनकि, यो चौरमा यति ठूलो जनसभा नेपालको इतिहासमा कहिल्यै भएको थिएन । यति अनुशासित, व्यवस्थित र शान्तिपूर्ण भयो । यस अर्थमा यो असाधारण सभा भयो । जाली फटाहाहरूले हिंसात्मक हुन्छ भनेर प्रचारबाजी गरेका थिए । तर, यो अनुशासित, शान्तिपूर्ण र व्यवस्थित भएको छ । यसले दलाल र प्रतिक्रियावादीका लागि चुनौती खडा गरेको छ । नेताले बोलेरभन्दा यहाँको उपस्थितिले व्यक्त गरेको छ । Continue reading →