नेपाल पत्रकार महासंघ, कुवेत सम्पर्क शाखा गठन

जय आले, कुवेत

२००९ अक्टुवर ११ र १२ (२०६६ असोज २५ र २६ गते) काठमाण्डौमा सम्पन्न प्रवासी नेपाली पत्रकारहरुको प्रथम विश्व सम्मेलनले विश्वभरी छरपष्टित रहि बिभिन्न अनलाइन पत्रिका, छापा पत्रिका, एफएम तथा टेलिभिजनहरुमा आवद्द प्रवासी नेपाली पत्रकारहरुको समस्या, हकहित र मागप्रति ऐक्यबद्धता जनाउँर्दै, प्रवासमा रहेका नेपाली पत्रकार तथा संचार माध्यमलाई प्रवासमै संगठित गरी, नेपाल पत्रकार महासंघको मातहतमा रही कार्य गर्नको निम्ती क्षेत्रीय समिति बराबरको अधिकार प्रत्यायोजन गर्न र सोही स्तरको प्रवासी समिति निर्माण गर्न नेपाल पत्रकार महासंघलाई सुझाव एवं मागसहित पेश गरेको प्रवासी नेपाली पत्रकारहरुको जारी काठमाण्डौ घोषणापत्र २०६६ लाई ध्यानमा राख्दै; २३ अप्रिल २०१०, शुक्रवारको दिन कुवेत नगरीमा पनि “नेपाल पत्रकार महासंघ, कुवेत सम्पर्क शाखा” (Federation of Nepali Journalist, Kuwait Chapter) गठन गरिएको छ ।

कुवेतको सुकुल अल-कबीर पार्कमा प्रवासी पत्रकार मञ्च कुवेत, नेपालकुवेत डट कम, कुवेतनेपाल डट कम र अन्य नेपाली जन-समुदायबीच सम्पन्न उक्त सम्मेलनमा प्रवासी पत्रकार मञ्च कुवेतका उपाध्यक्ष सुजन के. सि. ज्यूको अध्यक्षता रहेको थियो । सम्मेलनले प्रवासी पत्रकार मञ्च कुवेतलाई पुनर्गठन गर्दै “नेपाल पत्रकार महासंघ, कुवेत सम्पर्क शाखा” (Federation of Nepali Journalist, Kuwait Chapter) गठन गर्दै निम्न बमोजिम १५ सदस्यिय कार्यकारीणी समितिलाई सर्वसम्मतिमा निर्वाचित गरेको छ ।

जसमा :

अध्यक्ष : आर. बि. बुढाथोकी
उपाध्यक्ष : सुजन के. सि. र जय आले
महासचिव : राजन रिमाल
सचिव : नवराज पन्थी
कोषाध्यक्ष : केदारनाथ खरेल
सल्लाहाकार : तोयानाथ दाहाल
सदस्यहरुमा : हरिकृष्ण न्यौपाने, चन्द्र कुमार तामाङ्ग, आनन्द आचार्य, शिवराम पौडेल, बिक्रम थापा, मनोज काफ्ले, लोमस बास्तोला र बिष्णु पन्थी (महिला पत्रकार) रहेका छन ।