काठमाडौं, कुष्ठरोगीले राष्ट्र तथा अन्तर्राष्ट्रिय रूपमा काम गरेर देखाउन सक्छन् भन्ने उद्देश्यले एउटा गैरसरकारी संस्थाले माउन्ट एभरेस्ट कुष्ठरोगी सशक्तीकरण आरोहण २०११ आयोजना गर्ने भएको छ। कुष्ठरोगीहरू उपचार गरेपछि समाजका अरू व्यक्तिजस्तै स्वस्थ्य हुन सक्छन् र उदाहरणीय काम पनि गर्न सक्छन् भन्ने सन्देश दिनु यो कार्यक्रमको मूल उद्देश्य रहेको जनाइएको छ। कुष्ठरोग प्रभावित व्यक्तिहरूलाई लक्षित गरेर पाँच वर्षअगाडि स्थापना गरिएको पुनः स्थापना सशक्तीकरण नेपाल (रिड नेपाल)ले यो नौलो र सन्देशमूलक कार्य गर्न लागेको रिडका अध्यक्ष राजकुमार शाहले बताउनुभयो।रिड नेपालले २०१० अगस्टसम्ममा १५ जना कुष्ठ रोग प्रभावित व्यक्तिहरूको छनोट गरी तालिम दिने र सगरमाथा चढाउने लक्ष्य लिएको पनि अध्यक्ष शाहले बताउनुभयो।
