स्टार खेलाडीको जोडी संकटमा

 लन्डन/ फुटबलर एस्ले कोल तथा गल्फर टाइगर उडको दाम्पत्य जीवन संकटमा परेको छ　दुवै खेलाडीका श्रीमती ‘डिभोर्स’को अन्तिम तयारीमा पुगेपछि उनीहरूको दाम्पत्य जीवन संकटमा परेको हो　।कोलकी श्रीमती चार्ली तथा उडकी श्रीमती एलिन नोड्रेग्रेनले आ-आफना श्रीमान्सित आत्मसम्मान तथा व्यक्तित्व रक्षाको कारण देखाउँदै सम्बन्धविच्छेद गर्न लागेको विभिन्न एजेन्सीले जनाएका छन्　।
केही महिनाअघि उडको दाम्पत्य जीवन अन्त्य हुने एजेन्सीले उल्लेख गर्दा सो समाचारले निकै स्थान पाएको थियो　। यौनकुलत सुधार्न यौनपुनस्र्थापना केन्द्र गएर उडले आफ्नो  दाम्पत्य जीवनमा केही सुधार ल्याएका थिए　। ६ महिनापछि मास्टर सिरिजमा भाग लिँदै उनले त्यसको उदाहरणसमेत दिएका थिए　। 
मास्टर सिरिजपछि श्रीमती एलिन डिभोर्स नदिने पक्षमा रहेकोमा उड विश्वस्त थिए　। तर, धेरैपटक धोका भएपछि एलिनले डिभोर्सको अन्तिम तयारी गरेकी हुन्　। एलिनका प्रवक्ता केभिन पजेरले दुवैबीचको वैवाहिक जीवन केही दिनका लागि भएको दाबी गरेका छन्　।
‘केही साताका लागि मात्र उनीहरू सँगै बस्नेछन्,’ केभिनले भने, ‘एलिन अन्तिम निर्णयमा पुगिसकेकी छिन्　।’ केभिनका अनुसार यौनपुनस्र्थापना केन्द्रमा उपचार गरेपछि उडको बानी-व्यवहारमा सुधार आउने एलिनले विश्वास लिएकी थिइन्　।
दिन प्रतिदिन चिसिँदै गएको सम्बन्धका कारण एलिन उडको खेल हेर्न मास्टर सिरिजमा समेत गइनन्　। ‘उडको बानीमा सुधार नआएकाले नै एलिन मास्टर सिरिजमा नगएकी हुन्,’ प्रवक्ता केभिनले भने　।
यता इंग्ल्यान्ड राष्ट्रिय टोलीका स्टार कोलकी श्रीमती चार्ली पनि घृणित जीवनबाट मुक्त हुन अलग बस्ने निर्णयमा पुगेकी छिन्　। कोलको पनि तीनवर्षे वैवाहिक जीवन पारपाचुके हुने भएपछि अन्तर्राष्ट्रिय मिडियामा यसको चर्चा हुन थालेको छ　।
एक्स फ्याक्टरकी स्टार चार्लीले केही साताभित्रै वैवाहिक जीवन अन्त्य गर्ने एजेन्सीले उल्लेख गरेको छ　। यसका लागि चार्लीले आफ्ना वकिलसँग समय पनि मिलाइसकेकी छिन्　। पछिल्लो महिना चेल्सीका खेलाडी कोलले एक महिलालाई मोबाइलबाट उत्तेजक एसएमएस पठाएका थिए　। सो एसएमएस काफी भयो श्रीमान्सँग छुट्टनिका लागि चार्लीलाई　।
चार्ली श्रीमान्बाट डिभोर्स चाहन्छिन्,’ वकिलले भने, ‘वैवाहिक जीवनबाट छुटकारा पाउनका लागि चार्लीले कोलसँग कुराकानी गरेकी छिन्　।’ यता कोल भने आफ्नी श्रीमतीलाई छाड्न तयार छैनन्　।