Daily Archives: 13/04/2010

This slideshow requires JavaScript.

ज्ञानेन्द्र गुरुङ्ग, साउदी अरेबिया

 
स्वागत छ नयाँ वर्ष २०६७ तिम्रो कुशल आगमनलाई
समस्त नेपालीजनको ताजा आयम बनि आउने नौलो बिहानीलाई,
प्रभातमा मुस्कान गोधुलिमा सितलताका अनि…
सन्ध्यामा चयनको शुकुला उपहार लिई आउनेलाई
परदेशिको साधुवाद छ तिम्रो कुशल आगमनलाई,

खैर… मेरो जन्मभूमिमा तिम्रो आगमन हुँदा
म टाढा रहि परदेशी भएपनी,
लाली गुराँसहरु फुलेर स्वागतद्वार तिम्रो
सजिई राखेको हुनु पर्दछ
संदेश मैले छाडेको थिएं बनमाला र सुनखरीलाई पनि
शायद फक्रेर लहरी रहेको हुनु पर्दछ !!  Continue reading →

काठमाडौं,पुनस्र्थापना हुन चाहने लडाकुका लागि तयार पार्न खोजिएको प्याकेज कार्यक्रममा विवाद भएको छ । लडाकुलाई दिइने आर्थिक प्याकेजमा सेना समायोजन प्राविधिक समितिमा विवाद भएको हो तीन वर्षदेखि शिविरमा बस्दै आएका लडाकुमध्ये समायोजन हुन नचाहनेलाई पुनस्र्थापनाका लागि आर्थिक प्याकेज दिन दलहरूबीच सहमति बनेको छ । तर सरकारका पक्षबाट प्रस्तुत प्याकेज प्रस्तावमा माओवादीले असहमति राखेको छ ।
माओवादीका तर्फबाट प्राविधिक समितिमा रहेका जनसेना डेपुटी कमान्डर चन्द्रप्रसाद खनाल बलदेवले प्याकेजबारे छलफल भइरहे पनि सहमतिमा पुग्न नसकेको बताए । राजनीतिक रूपमा विशेष समितिमा छलफल होस् त्यसपछि अरू काम गर्न सकिन्छ भन्ने हाम्रो मान्यता हो उनले नयाँ पत्रिकासँग भने उहाँहरू -कांग्रेस र एमाले) ले पुनस्र्थापनाको कुरा ल्याउनुभएको छ हामीले प्याकेजमा गरौँ भनेका छौँ । Continue reading →

दीपेन्द्र लामा-
काठमाडौंमा हलिउडको फिल्म ‘अवतार’ दोस्रोपटक रिलिज भएको छ। तेस्रो आयाम थपेर आएकोले यसलाई दोहोर्‍याउन दर्शकहरू उत्साही बनेका हुन्। जीवनलाई लम्बाइ र चौडाइमात्र होइन गहिराइ वा उचाइमा पनि बुझ्न खोज्ने मान्छेको तिर्खालाई यसले उजागर गरेको छ।
फिल्ममा साउन्डको प्रवेशलाई पहिलो प्राविधिक क्रान्ति मानिन्छ भने दोस्रो क्रान्तिको रूपमा रंगीन फिल्मको सुरुवात भयो र अहिले थ्रीडीलाई तेस्रो क्रान्तिको संज्ञा दिन थालिएको छ। थ्रीडी फिल्मको इतिहास ५० वर्ष भन्दा पुरानो भए पनि जेम्स क्यामरनको ‘अवतार’ले थ्रीडीलाई पहिलोपटक क्रान्तिको रूपमा स्थापित गरिदिएको छ। फिल्मको थिम, कथा र यसैका लागि आविष्कार गरिएको छुट्टै क्यामेराको यो क्रान्तिमा अहम् भूमिका छ। Continue reading →

 काठमाडौँ, चैत ३१ , नेपाली नयाँ वर्षको उपलक्ष्यमा अमेरिकी राष्ट्रपति बाराक ओबामा र विदेशमन्त्री हिलारी क्लिन्टनले नेपाली जनतालाई शुभकामना व्यक्त गरेका छन्। क्लिन्टनद्वारा जारी विज्ञप्तिमा नयाँ वर्षमा नेपालको नयाँ संविधान घोषणा हुने आशा पनि व्यक्त गरिएको छ। अंग्रेजीमा जारी वक्तव्यको अन्त्यमा रोमनमा लेखिएको छ- नयाँ वर्षको शुभकामना ! Continue reading →