Monthly Archives: April 2010

              
काठमाडौं ,  मुलुकका बिभिन्न भागबाट मे दिवस र त्यसपछिको आन्दोलनको लागि भनेर माओवादी कार्यकर्ताहरु ओइरिन थालेपछि राजधानीबासीमा त्रास बढेको छ । व्यवसायीले शुक्रबार दिउँसोदेखि नै व्यापार व्यवसाय बन्द गरेका छन् । माओवादी कार्यकर्ताहरु सडकमा नारा लगाएर शनिबारदेखिको सुरु हुने आन्दोलनको तयारी गरिरहेका छन् भने स्थानीयहरु आफ्नो व्यापार व्यवसाय बन्द गरेर घर भित्र बस्न थालेका छन् । बिहानैदेखि जवरजस्ती चन्दा मागेको भनेर बन्द हुन थालेको न्यूरोड, बागबजार, असन, इन्द्रचोकलगायतका स्थान दिउँसोदेखि बिस्तारै मानिसहरुको आवगमनमासमेत कमी हुन थालेको छ । ‘अहिलेसम्म त चन्दा माग्न आएका छैनन् त्यसैले पसल खोली रहेको छु’ महाबौद्धमा पसल खोलेर व्यापार गरिरहेका एक पसले भन्छन्, ‘माग्न आयो भने अरु साथीभाइसँग सरसल्लाह गरेर बन्द गर्ने की खोल्ने निर्णय गरौंला ।’ तर, उनले शनिबारदेखि भने पसल नखोल्ने योजना बनााएको सुनाए । ‘कहाँ जानु घरमै बस्ने’ उनले भन्छन् । Continue reading →

भुटान (थिम्पु), प्रधानमन्त्री माधवकुमार नेपालले वर्तमान सरकारलाई पूर्ण सहयोग र समर्थन रहने प्रतिबद्धता भारतीय पक्षबाट व्यक्त गरिएको बताउनुभएको छ ।दक्षिण एसियाली क्षेत्रीय सहयोग सङ्गठन (सार्क) को १६औँ शिखर सम्मेलनमा भाग लिन यहाँ आउनुभएका प्रधानमन्त्री नेपालले भारतीय प्रधानमन्त्री डा. मनमोहन सिंहसँग बिहीबार बिहानको भेटपछि पत्रकारहरूलाई सो कुरा बताउनुभएको हो । उहाँले नेपालमा पनि केही राजनीतिक पार्टीबाहेक सबै पार्टीको समर्थनप्राप्त आˆनो नेतृत्वमा गठित वर्तमान सरकारलाई भारत र अन्तर्राष्ट्रियजगत्को समेत सहयोग र समर्थन जारी रहने भारतीय प्रधानमन्त्री डा. सिंहले विश्वास दिलाउनुभएको स्पष्ट गर्नुभयो । भेटमा आफू प्रधानमन्त्री हुँदा भारत भ्रमणका समयमा भएका सहमति र सम्झौताको कार्यान्वयन प्रक्रिया कुन चरणमा पुगेको छ भन्ने विषयमा समीक्षा भएको बताउँदै प्रधानमन्त्री नेपालले भन्नुभयो, “सौहार्दपूर्ण वातावरणमा भएको छलफलबाट दुई मुलुकको सम्बन्ध अझ सुमधुर बनाउन मद्दत पुगेको विश्वास मैले लिएको छु ।” Continue reading →

                   
काठमाडौं, राष्ट्रसंघीय राजनीतिक मिसन अनमिनले नेपालको शान्ति प्रक्रिया गम्भीर र खतरापूर्ण अवस्थामा रहेको भन्दै चिन्ता व्यक्त गरेको छ ।अनमिनले शुक्रबार विज्ञप्ती जारी गर्दै कठीन परिस्थितिमा पुगेको शान्ति प्रक्रियालाई सहमतिमा टुंग्याउन दलहरुलाई अपिल गरेको छ । अनमिन प्रमुख करिन लनग्रेनले पत्रकार सम्मेलन गरी सहमति निर्माण गर्न आग्रहसमेत गरिन् ।माओवादीले ‘मे-१’ को अवसरमा गर्न लागेको प्रदर्शन र र्‍याली गम्भीर र खतरापूर्ण छ लनग्रेनले भनेकी छन्, यसबाट अनपेक्षित परिणाम आउनुका साथै भोलि के हुन्छ भन्ने पनि अनिश्चित छ ।अनमिनले शनिबार हुने माओवादी प्रदर्शनपछि दलहरुलाई सहमति बनाउन आग्रह गरेको छ । ‘यसबीचमा अनमिनले माओवादी र सरकारलाई भेटिसकेको छ लनग्रेनले भनिन् माओवादीले आफ्नो प्रदर्शन शान्तिपूर्ण हुने र सरकारले अनावश्यक बल प्रयोग नगर्ने प्रतिवद्धता जनाएका छन् ।’

काठमाडौं,  संवैधानिक परिषद्ले विभिन्न संवैधानिक अंगहरूमा पदाधिकारी नियुक्तिका लागि गरेको सिफारिस हाल कार्यान्वयन नगर्न बिहीबार सर्वोच्च अदालतले सम्बन्धित निकायहरूलाई आदेश दिएको छ। न्यायाधीशहरू बलराम केसी, रामकुमारप्रसाद साह र मोहनप्रकाश सिटौलाको विशेष इजलासले संवैधानिक परिषद्को बैठकका लागि त्यसका सदस्यहरूलाई डाक्ने प्रक्रियामा कानुनी त्रुटि भएको जनाउँदै त्यस्तो सिफारिस हाल कार्यान्वयन नगर्न सम्बन्धित निकायहरूलाई अन्तरिम आदेश दिएको हो। संवैधानिक परिषद्का सदस्यसमेत रहेका एकीकृत नेकपा (माओवादी) का अध्यक्ष पुष्पकमल दाहाल ‘प्रचण्ड’ ले आफूलाई थाहा नै नदिई परिषद्को बैठक बर्साई संवैधानिक अंगहरूमा पदाधिकारी नियुक्तिका लागि सिफारिस गरेकाले त्यसलाई बदर गर्न माग गर्दै यही वैशाख १२ गते सर्वोच्च अदालतमा रिट निवेदन दायर गर्नुभएको थियो। Continue reading →

(थिम्पु, भुटान), दक्षिण एसियाली क्षेत्रीय सहयोग संगठन (सार्क) को सोह्रौं शिखर सम्मेलन दक्षिण एसियाली स्वतन्त्र व्यापारअर्न्तर्गतको सेवा व्यापारसम्बन्धी सम्झौता (ट्रेड इन र्सर्भिसेज)र जलवायु परिर्वतनसम्बन्धी सम्झौता (कन्भेन्सन अन कोअपरेसन अन इन्भाइरोनमेन्ट) मा हस्ताक्षरका साथ ३७ बुँदे थिम्पु घोषणापत्र जारी गर्दै बिहीबार सम्पन्न भएको छ। शिखर सम्मेलनले दुई नयाँ सम्झौतामा हस्ताक्षर तथा अघिल्ला सम्झौताहरूको कार्यान्वयनको प्रतिबद्धता व्यक्त गर्दै जलवायु परिर्वतनसम्बन्धी वक्तव्य र सार्क स्थापना रजत जयन्ती घोषणापत्र जारी गरेको छ। Continue reading →

 कृषिराज्यमन्त्री करिमा बेगमको कुटाइ खाएका पर्सा जिल्लाका तत्कालीन सिडिओ दुर्गाप्रसाद भण्डारीको एक दिनको डायरी “करिमाले ‘तिमीले मलाई हेपेर पुरानो गाडी पठाएको ? मन्त्रीलाई हेप्ने तिमी को ?’ भन्दै झम्टिइन् । मैले केही बोल्न नपाउँदै उनले मेरो कठालोमा समातेर चार/पाँच झापड हानिहालिन् । मेरो चस्मा फुट्यो । आँखामा सामान्य चोट पनि लाग्यो ।” २०६६ कात्तिक २४ संस्कृतिमन्त्री मिनेन्द्र रिजाल र भौतिक योजना तथा निर्माण राज्यमन्त्री करिमा बेगम पर्सा जिल्ला आउँदै थिए । एकैदिन दुईजना मन्त्री जिल्ला आइपुग्दा सुरक्षा व्यवस्थालगायत अन्य व्यवस्थापनमा ध्यान दिनुपर्ने थियो । त्यसैले अरू दिनभन्दा अलि बढी कामको बोझ थियो । मन्त्रीहरू जिल्ला आउने भएपछि सधैँ यस्तै हुन्छ । राज्यमन्त्री करिमा बेगम आउने जानकारी अघिल्लो दिनै उनका निजी सचिवले दिएका थिए । Continue reading →

चन्द्र तामाङ्ग, कुवेत  

जीवनै पिच्छे अलग चाहना, अलग अनुभूती, अलग गन्तव्यहरु तर जीवन धर्म र सत्य एउटा मात्र सत्य मृत्यु हामी आफ्नो प्रश्वास निस्तेज जब गर्ने जमर्को गर्दछौं । कति भयंकर कायररुपी तिरस्कारहरु हण्डर खान्छ आत्म बलले फेरी पनि त्यो निराशवादी चिन्तन र जीवन उदेश्य र लक्ष्य प्राप्तीबाट अनगन्ती समिक्षा गरी एउटा स्वाशप्रस्शास निस्तेज पर्ने बाध्य छ । त्यो मान्छे के आखिरी अन्तिम पत्र अन्तिम भोज र उसको अन्तिम लक्ष्य नै मृत्यु आत्मको अन्त त्यस्तो होइन अन्तिम कुसंस्कार, अन्तिम धोका र धोकेवाज अमर काहानी कोरीएका पत्रहरु निस्तेज पर्ने रेड लेबल ब्याल्कलेबल र ग्रिन लेबलहरुले मेरो रक्तारेशिका धोएर नयाँ प्रज्वल बोकी म सामून्ने स्तब्ध भएका विभिन्न खाले आगमनको अनुशरण गर्ने उज्यालो मिरमिरेलाई शुभारम्भ र निम्तो दिएर आगमनलाई स्वागत गर्छु । Continue reading →

लक्ष्मी चौधरी, टेलिभिजन कार्यक्रम सहजकर्ता रात परेपछि (नेपाल वान)

नेपाल वान टेलिभिजनमा राति १०:३० बजे प्रत्यक्ष प्रसारण हुने यौनसम्बन्धी कार्यक्रम रात परेपछि चलाएर घर फर्किँदै गर्दा मन भारी भएको हुन्छ । सधैँ मध्यरातमा घर पुग्छु । कार्यक्रममा सोधिएका यौनसम्बन्धी अनेकौँ जिज्ञासा सुनेर म सधैँ एउटै निष्कर्षमा पुग्छु- अधिकांश नेपाली कुनै न कुनै यौनसमस्याले पीडित छन् । दर्शकका यौनसम्बन्धी समस्या मेरो माध्यमबाट समाधान हुँदा एकप्रकारको सन्तुष्टि मिल्छ । यौनसमस्या मान्छेको प्रमुख समस्या हो । सबैसँग खुलस्त भन्न नमिल्ने अप्ठयारो समस्या । Continue reading →

भुटान, जलवायु परिवर्तन, आतंकवाद र गरिबीलाई दक्षिण एसियाली देशका प्रमुख समस्या भएको ठहर गर्दै दक्षिण एसियाली क्षेत्रीय सहयोग संगठन (सार्क) का सदस्य राष्ट्रका सरकार प्रमुखहरूले यी समस्या समाधान गर्न सामूहिक कार्य गर्ने प्रतिबद्धता व्यक्त गरेका छन्।‘हरित र खुसी दक्षिण एसिया’ नाराका साथ बुधबारबाट शुरू भएको सार्कको उद्घाटन सत्रमा बोल्दै सार्क सदस्य राष्ट्रका सरकार प्रमुखहरूले सार्कको उद्देश्यलाई सफल बनाउन सहकार्यको प्रतिबद्धता व्यक्त गरेका हुन्। Continue reading →

विराटनगर,  एकीकृत माओवादीले आन्दोलनका लागि १५ हजार रुपैयाँ अनिवार्य चन्दा मागेपछि मोरङका ४० गाउँ विकास समितिका सचिवले गाउँ छाडेका छन्। रकम नदिँदा धम्क्याउने क्रम तीव्र भएपछि गाउँ छाड्नु परेको सचिवहरूको गुनासो छ। मे दिवस र आमहड्तालका लागि माओवादीले यहाँका ६५ वटै गाविसका सचिवसँग रकम तोकेरै चन्दा मागेका छन्। गाउँ छाडेर विराटनगर बसिरहेका ४० गाविस सचिवले सुरक्षा व्यवस्था मिलाइदिन स्थानीय विकास अधिकारीलाई आग्रह गरेका छन्। ‘चन्दा आतंकले गाउँ बसिनसक्नु भयो, त्यही भएर विराटनगर आएका हौंएक गाविस सचिवले भने।माओवादीको चन्दा उर्दीपछि महादेवा, बरडंगा, झुरकिया, रंगेली, सोराभाग, दादरबेरिया, कदमाहा, पोखरिया, नोचा, सिसबनी जहदा, थलहा, मोतीपुरलगायत गाविसका सचिव गाउँ छाडेर विराटनगर आएका छन्। Continue reading →

चितवन, बैशाख १९ देखि राजधनीमा हुने आन्दोलनका लागि चितवनबाट ५५ हजार मानिस लैजाने तयारी एकीकृत माओवादीले गरेको छ। प्रत्येक घरधुरी, विद्यालय, संघसस्था, व्यापारी सबैबाट माओवादीले प्रतिनिधि लैजाने भएको हो। ‘संघ संस्था र व्यवसायीलाई पाँचदेखि दश जनासम्म मान्छे दिन भनेका छौं,’ एकीकृत माओवादीका जिल्ला ईन्चार्ज अनिल शर्माले भने, ‘प्रत्येक घर धुरीलाई पनि कम्तीमा एकजना दिन भनेका छौ।’ उनले जान्नौ र दिन्नौ भन्नेलाई कर नगरेको समेत दावी गरे। कार्यकर्ताहरु चितवनबाट राजधानी जानेक्रम भने जारी रहेको माओवादीले जनाएको छ। अहिलेसम्म एकहजार बढी माओवादी कार्यकर्ता राजधानी छिरेको बताइएको छ। अन्यलाई भने आन्दोलनको अघिल्लो दिनसम्ममा राजधानी उतार्ने योजना रहेको माआवादीले जनाएको छ। Continue reading →

इटहरी,  नेपाली काँग्रेस सुनसरी जिल्ला कमिटीका कोषाध्यक्ष बासु कोइरालाको दुर्घटनामा बुधबार राति मृत्यु भएको छ। नेपाल विद्यार्थी संघका पूर्व महामन्त्री समेत रहेका कोइरालाको मोटरसाइकल दुर्घटनामा मृत्यु भएको हो। सुनसरीको भोक्राहामा सडक छेउमा रोकिराखेको ना २ ख ७८७७ नम्बरको ट्रकमा को ३ प २७८६ नम्बरको मोटरसाइकले ठोक्किँदा मृत्यु भएको हो। पूर्व क्षेत्रीय ट्राफिक प्रहरी कार्यालय इटहरीका अनुसार तिव्र गतिमा मोटरसाइकल हाकेको इनरुवा-७ का कोइरालाको घटनास्थलमै मृत्यु भएको हो।
उनको विहीबार अपरान्ह अन्तिम दाहसंस्कार गरिनेछ। उनको पार्थिव शरीरमा श्रद्धाञ्जली काँग्रेस नेता कृष्णप्रसाद सिटौलाले दिने कार्यक्रम छ।