Daily Archives: 25/03/2010

दमन राई
खोटाङ- बिना जानकारी जिल्ला हुलाक कार्यलय खोटाङले डाकबाहक बुद्धीप्रसाद तिमीलसीनालाई अवकास दिएको छ । दिप्सुङ अतिरिक्त हुलाक कार्यलयदेखि बाक्सलासम्म डाक ओसार्दै आउनु भएका डाक बाहक बुद्धी तिम्सनालाई बिना जानकारी हुलाक कार्यलयका निमित्त प्रमुख गुणराज पाण्डेले अवकाश दिनु भएको हो । गाबिस सचिव कृष्ण आचार्यले दिएको बसाईसराईको सिफारिसको आधारमा डाक बाहक तिम्सनालाई अवकाश दिएको हुलाक कार्यलयका निमित्त प्रमुख पाण्डेले बताउनु भयो । हुलाक कार्यलयका निमित्त प्रमुख पाण्डेले डाक बाहक तिमीलसीनालाई अवकास दिएर दिप्सुङका सरला तिमीलसीनालाई नियुक्ती दिनु भएको छ । Continue reading →

बेद खरेल अमेरिका

नेपाली जनसम्पर्क समिति,अमेरिकाएकताको दोश्रो महाधिवेशन तयारी समिति ,न्यूयोर्क, अमेरिका 
 गत मार्च २० तारिख २०१० शनिवारका दिन नेपालको प्रजातान्त्रिक आन्दोलनका योद्धा एवम् नेपाली राजनीतिकका  शिखर पुरुष , नेपाली काङ्ग्रेसका सभापति  एवम् पूर्वप्रधानमन्त्री गिरिजा प्रसाद कोइरालाको देहावसानको समाचारले सम्पुर्ण  नेपाली एवम् बिदेशी समुदायलाई स्तव्ध र अत्यन्त मर्माहत तुल्याएको छ ।यस दुखद घडीमा स्वकोइराला प्रति हार्दिक श्रद्धाञ्जली अर्पण गर्न र राष्ट्रका लागि उहाँले पुरयाउनु भएको योगदानको उच्च सम्मान गर्न नेपाली जनसम्पर्क समिति अमेरिकाले आउँदो मार्च २८ तारिख आइतबारका दिन बृहत शोकसभा गर्ने भएको छ ।

Continue reading →

Bal Bdr. Thapa

काठमाडौं,  पूर्व राजा ज्ञानेन्द्र शाहले राजसंस्था समाप्तीको कुरा ‘काल्पनिक’ मात्र भएको टिप्पणी गरेका छन् । ‘यो ‘हाइपोथेटिकल’ कुरा हो, राजसंस्था होस् वा राष्ट्रिय सवालमा जनताको विचार नै महत्वपूर्ण हुन्छ बुधबार एभिन्यूज टेलिभिजनसँग कुरा गर्दै उनले भने ‘जनता जनार्दन नै हुन्छन् । एभिन्यूज टेलिभिजनसँगको अन्तर्वार्तामा उनले राजसंस्था बिदाइ गर्ने निर्णयमा पुर्नविचार गर्नुपर्ने बताए । ‘जनताले यही चाहन्छन्, यही (राजसंस्था हटाउनु) ठीक छ, यही बाटो नै हिड्नुपर्छ भन्ने हो भने ठिकै छ ‘उहाँहरु (जनता) लाई कहिँ न कहिँ चित्त बुझेको छैन भने जसले शासन गरेका छन्, जनताको कुरालाई नै मान्यता दिनुपर्छ ।’ पूर्व राजाले राजसंस्था ब्युँताउन पर्दा पछाडी आफूले कुनै पनि भूमिका नखेलेको दाबी गरे । ‘यसो भए धेरै अगाडी, धेरै कुरा गरिसक्ने थिएँ, त्यो न चाहना छ न नियतनै उनले प्रष्ट्याए, ‘देशमा शान्ति होस् भनेर नै छाडेको हो, जनताले यो बुझिरहेका छन् मैले जति बुझेको छु, त्यो मैले राखेको छु । Continue reading →

स्याङ्जा, नेपाल विद्यार्थी संघका कार्यकर्ताले स्याङ्जाका जिल्ला शिक्षा अधिकारी दुर्गाप्रसाद श्रेष्ठलाई मंगलबार कार्यकक्षभित्रै पसेर कालोमोसो दलेका छन्　। कांग्रेस सभापति गिरिजाप्रसाद कोइरालाको निधन भएको भोलिपल्ट आइतबार कक्षा ८ को जिल्लास्तरीय परीक्षा सञ्चालन गरेको भन्दै नेविसंघले उनलाई कालोमोसो दलेको हो　।सदरमुकामस्थित प्रगतिनगरमा रहेको शिक्षा कार्यालयमा अपराह्नमा पुगेका विद्यार्थीले ‘किन परीक्षा सञ्चालन गरेको ? भन्दै एक्कासी कालोमोसो दलिदिएका थिए　। Continue reading →

साढे १५ हजार प्रहरी परिचालन

काठमाडौं, यस वर्षको एसएलसी परीक्षामा विद्यार्थीलाई मोबाइल र साइन्टिफिक क्याल्कुलेटर निषेध गरिएको छ । १२ चैतबाट सुरु हुने एसएलसी परीक्षामा विद्यार्थीलाई मोबाइल र साइन्टिफिक क्याल्कुलेटर लैजान नदिन परीक्षा नियन्त्रण कार्यालयले केन्द्राध्यक्षहरूलाई निर्देशन दिएको छ । परीक्षालाई मर्यादित बनाउन यस्तो गरिएको परीक्षा नियन्त्रक चित्रप्रसाद देवकोटाले बताए । ‘यस वर्षको एसएलसीमा विद्यार्थीलाई मोबाइल, साइन्टिफिक क्याल्कुलेटर लैजान मनाही गरेका छौँ,’ परीक्षा नियन्त्रक देवकोटाले भने, ‘यस्ता सामग्रीको निगरानी गर्न केन्द्राध्यक्षहरूलाई भनिसकेका छौँ । साइन्टिफिक क्याल्कुलेटरबाट सजिलै उत्तर निकाल्न सकिने र मोबाइलबाट प्रश्नको उत्तर सोध्ने र बिस्तारै बोल्नेलगायत गतिविधि हुने भएकाले निषेध गरिएको नियन्त्रकको भनाइ छ । ‘परीक्षा दिन हलमा पुगेका विद्यार्थी ठूलै आपत्ति परे पनि तीन घन्टा बाहिर निस्कँदैनन् । त्यसैले मोबाइलनिषेध गरेका हौँ,’ उनले भने, ‘प्रवेशपत्र लिन आउँदा मोबाइल र साइन्टिफिक क्याल्कुलेटर नलेऊ भनेर सम्झाउन भनेका छौँ । यस वर्ष परीक्षामा अलि कडाइ गरिएको छ ।’ यस वर्ष केन्द्रहरूमा परीक्षा सहयोग समितिसमेत बनाएको छ । Continue reading →

 प्रचण्ड फेरि आए भने भन्देऊ माधव— लुब्ध श्वानका मुखमा परेको मासुको चोक्टो माग्न तिमीलाई लाज लाग्दैन ?

 माधवकुमार नेपाल,सरकारमा तिम्रो चरित्र र चर्तिकला हेर्दा तिमी सम्माननीय, माननीय, श्रीमान्, हजुर र तपाईं भनिनलायक रहेनौ । ‘थाहा’ अभियन्ता रूपचन्द्र विष्ट बाँचिरहेका भए तिनले तिमीलाई ‘तँ भाते’ भन्थे । तर, त्यत्रो नैतिक शक्ति, साहस र शौर्य मसँग छैन । त्यसैले, तिमीलाई तिम्रो वास्तविक हैसियतभन्दा एक तह माथि राखेर ‘तिमी’ को भाकामा म तिमीलाई सम्बोधन गर्दै छु । माधव, तिमी प्रधानमन्त्रीको कुर्सीमा किर्नोभै टाँस्सिरहेकै छौ । तिम्रो नेतृत्वको मन्त्रिपरिषद् जुवाको खाल, भङ्ज्याहाको झुन्ड वा डकैतीको हिसाब नमिलेका डाँकाहरूको बगालतुल्य भएको छ । बैठकमा तिम्रा मन्त्रीहरू तिम्रै साक्षी-रोहबरमा हात हालाहाल गर्न तम्सिन्छन्, अशिष्ट वचनको वर्षा गर्छन् । तिमी मृतवत् मुद्रामा सुन्छौ र ट्वाँ परेर हेर्छौ । तिम्रो कुनै मन्त्री सिडिओलाई कुट्छ, कुनै मन्त्री कर्मचारीको भान्सेलाई लछार्छ, कुनै मन्त्री अनमिनलाई तथानाम भन्छ, कुनै मन्त्री तिम्रो आज्ञालाई लोप्पा ख्वाउँछ । यथार्थमा कुनै पनि मन्त्री तिमीलाई माखोबराबर गन्दैन । तर, तिमी लाचार छौ, आपना मन्त्रीलाई अदपकाइदामा राख्न सक्दैनौ । निकुञ्जमा लोक्ता बटुल्न गएका दलित नारीहरू सैनिक जवानका हातबाट पक्राउ पर्छन्, Continue reading →