Daily Archives: 05/03/2010

काली गण्डकी बचत समुह कुवेतको संशोधित सूचना

कुवेत नगरीमा पेशारत समस्त खेलप्रेमी दाजुभाई तथा दिदीबहिनीहरु;

काली गण्डकी बचत समुह कुवेतको आयोजनामा १२ मार्च शुक्रवारको दिन हुन गई रहेको खुल्ला भलिवल प्रतियोगितामा सहभागिताको लागि सम्पूर्ण ईच्छुक नेपाली भलिवल टिमहरुलाई आव्हान गर्दै; टिम दर्ता, गोलाप्रथा र टाई सिटको लागि ११ मार्च २०१० बिहिवारको दिन, साँझको ७ बजे भनिएको पुर्व घोषित सूचनामा केही कारणवश समय फेरबदल गरिएको जानकारी गराईन्छ । साथै टिम दर्ता र गोला प्रथा प्रतियोगिता कै दिन १२ मार्च २०१० बिहानको ठिक ७ देखी ८ बजे सम्म मङ्गाफ भलिबल मैदानमै गराईने समेत जानकारी गराईन्छ । प्रतियोगिता हुने स्थान, समय, मिति र संपर्क निम्न लिखित छन । Continue reading

एसियन फूटबल लिग कुवेत सिजन वान टुर्नामेण्टमा नेपालले श्रीलंकालाई हरायो

जय आले, कुवेत

Expats Football Federation Kuwait को आयोजनामा, कुवेतको शोएख फूटबल मैदानमा ०५ मार्च २०१० को दिन खेलिएको एसियन फूटबल लिग कुवेत “सिजन वान फूटबल टुर्नामेण्टमा” नेपालले श्रीलंकालाई २ को बिरुद्द ५ गोलले हराएको छ । करिब ३०० को हाराहारिमा नेपाली टिम सपोर्टरहरु सहित खेल मैदानमा उत्रिएका नेपाली खेलाडिहरुले निकै रोचक खेल प्रदर्शन गरे । अफ्रिकन टुर्नामेण्टमा हमेशा सोही श्रीलंकाली टिमसँग पराजित हुँदै आएका नेपाली टिमले यस टुर्नामेण्टमा भनें श्रीलंकालाई नराम्रोसँग पछारेको छ, अझै भन्नै पर्दा आजसम्मको सम्पूर्ण हारको जवाफ नेपालले श्रीलंकालाई राम्रोसँग दिएको छ । Continue reading

काण्ड अर्धनग्न तस्बिरको

गएको साता मोडल बेबी थापा एक दैनिक अखबार पल्टाउँदा छक्क परिछन् । मनीषा कोइरालालाई निम्त्याएर उद्घाटन गरिएको चलचित्र “गर्ल्स” ‘को  कार्यक्रममा मनीषाको पछाडि रहेको नायिका जेनिषा केसीको अर्धनग्न तस्बिरमा आफ्नो ज्यान देखेपछि उनी छक्क पर्नु स्वाभाविक थियो । निर्देशक प्रिन्स यादवले केही समयअघि उनलाई उक्त चलचित्रमा नायिका बनाउने भनेर साइबरसंसार डटकमबाट खिचिएको उक्त तस्बिर लिएको उनको दावी थियो । Continue reading

जापानले नेपाललाई ८२ करोड दिने

 फागुन २१- जापान सरकारले सामुदायिक पहुँच सुधार परियोजना कार्यान्वयन गर्न नेपाललाई ८१ करोड ७७ लाख ४० हजार रुपैयाँ अनुदान सहायता उपलब्ध गराउने भएको छ।
सहयोगस्वरुप प्राप्त हुने उक्त रकम बनेपा–सिन्धुली–बर्दिवास सडकलाई जोड्ने १३ वटा सहायक मार्गमा हरेकयाममा सवारीसाधन सञ्चालन गर्न सकिने ३५ वटा पुल निर्माणमा खर्च गरिने अर्थ मन्त्रालयले जनाएको छ।

अनुदान सहायतासम्बन्धी सम्झौतामा नेपालका लागि जापानी राजदूत तात्सुओ मिजोनो र अर्थ सचिव रामेश्वरप्रसाद खनालले शुक्रबार अर्थ मन्त्रालयमा आयोजित एक कार्यक्रममा हस्ताक्षर गरे।

आगामी दुई वर्षमा समाप्त गर्ने लक्ष्यका साथ स्थानीय विकास मन्त्रालयले उक्त परियोजना कार्यान्वयन गर्नेछ।

प्रवासी पत्रकार संजालको “प्रेस विज्ञप्ती”

मिति : ४ मार्च २०१०, पटक-पटक संचारकर्मीहरुलाई ज्यान मार्ने धम्की र उनीहरुको हत्याप्रति हाम्रो गम्भीर ध्यानाकर्षित भएको छ । स्पेस टाइम नेटवर्कका संचालक जमीम शाहको हत्यापछि भर्खरै फेरि संचार उद्यमी अरुण सिंघानीयालाई गोली हानी हत्या गरेको छ र त्यसको भोलिपल्ट नै सोही संचार समूहको पत्रिकाका सम्पादक वृज कुमार यादवलाई एक साताभित्र ज्यान मार्ने धम्की आएको छ ।

यसरी क्रमिक रुपमा संचारकर्मी र संचार क्षेत्रका उद्यमीहरुको हत्या गर्ने तथा उनीहरुलाई धम्क्याउने प्रवृत्तिलाई सरकारले रोक्न सकेको छैन । बारम्बार यस्ता घटना भइरहेको भएता पनि सरकार यसप्रति गम्भीर नदेखिएको स्थिति छ । सरकारले यसरी अपराधीलाई पक्राउ गर्न नसकेर दण्डहीनतालाई बढावा दिएकोले यस्ता आपराधिक कार्यहरुमा संलग्न व्यक्ति र गिरोहको मनोबल बढ्दै गइरहेको छ । Continue reading

नेपाली राजदूत र कुवेतका प्रधानमन्त्री बीच भेटवार्ता

जय आले, कुवेत

कुवेतका प्रधानमन्त्री शैख नासर अल-मोहमद अल-अहमद अल-जाबर अल-सवाहले नेपालका राजदूत महामहिम मधुवन प्रसाद पौडेल ज्यूसँग ०४ मार्च २०१० को दिन कुवेतको सैफ प्यालेसमा भेटवार्ता गर्नु भएको छ ।

नेपाली दूतावास कुवेतबाट जारी बिज्ञप्ती अनुसार, सो अवसरमा वहाँले नेपालको राजनैतीक स्थितिको बारेमा जानकारी लिंदै संबिधान लेखन प्रगतिको बारेमा बिशेष जानकारी लिनु भएको थियो । राजदूत पौडेलले यस सम्बन्धमा दिनु भएको जानकारी पश्चात शैख नासर अल-सबाहले नेपालको राजनैतीक र आर्थिक स्थितिको लागि शुभकामना व्यक्त गर्नु भयो । Continue reading

आगलागीमा एकको मृत्यु, दुई गम्भीर

 खोटाङ, फागुन २१– खोटाङको लफ्याङ–५ स्थित श्यामवर्ण राईका छोराको जलेर मृत्यु भएको छ। अन्य दुई गम्भीर घाइते भएका छन्। बिहीबार अपराह्न मतानमा राखिएको परालमा आगो लाग्दा ४ वर्षीय पञ्चवीर राईको जलेर मृत्यु भएको हो। मृतक नचिनिने अवस्थामा छन्।  घरमा कोही नभएको अवस्थामा उनीहरुले नै खेलाएको आगोबाट पराल सल्किएको अनुमान गरिएको छ। मतान आगोलागीबाट राईका अन्य छोरा ६ वर्षीय बलबहादुर राई र आठ वर्षीय माझकिरात राई जलेका छन्। उनीहरुको अवस्था गम्भीर रहेको प्रहरीले जनाएको छ। घाइते दुवैलाई उपचारका लागि खानीडाँडा विमानस्थलबाट शुक्रबार काठमाडौं लगिएको छ। घरमा छोरा छाडेर बाबु श्यामवर्ण राई काठ काट्न जङ्गल गएका थिए भने आमा कुमारी राई ग्रामीण पहुँच कार्यक्रमद्वारा सञ्चालित सडक खन्न गएकी थिइन्।

नेपाल फिफा वरियतामा फड्को मार्दै

 काठमाडौँ, फागुन २१ (नागरिक)- विश्व फुटबलको सर्वोच्च निकाय फिफाको वरियताक्रममा नेपालको सुधार क्रमले निरन्तरता पाएको छ।
पछिल्लो पटक वरियताको १५२ औँ स्थानमा रहेको नेपाल यसपालि एक स्थान माथि उक्लेको छ। डिसेम्बर २००९ मा १७४ औँ स्थानबाट २२ स्थान फड्को मार्दै १५२औं स्थानमा उक्लेको नेपाल गत महिना निकालिएको वरियताक्रममा सोही स्थानमा कायम थियो। बुधबार फिफाले सार्वजनिक गरेको पछिल्लो वरियतामा पुनः एक स्थानको सुधार गरेपछि अब नेपाल दक्षिण एसियाली प्रतिद्वन्द्वीमा भारत र माल्दिभ्सभन्दा मात्र पछाडि छ। फिफाका २०६ सदस्य राष्ट्रको वरियतामा दक्षिण एसियाली राष्ट्रबीच भारत सबैभन्दा अगाडि १३२औं स्थानमा छ। भारत दुई स्थान झरेको हो। माल्दिभ्स भने १४० औँ स्थानमा कायम छ। अघिल्लो महिना नेपालभन्दा एक स्थान माथिको श्रीलंका तीन स्थान तल झर्दा १५४औं स्थानमा सीमित छ। पाकिस्तान १५६औं स्थानमा कायम छ भने आठ स्थान झरेर बंगलादेश १५८औं स्थानमा पुगेको छ। अफगानिस्तान १९४औं स्थानमा रहँदा भुटान पछाडि १९७औं स्थानमा यथावत् छ। Continue reading

लडाकू पुनः प्रमाणीकरण हुनुपर्छः रक्षामन्त्री / ‘अन्मिन बदमास’

 रक्षामन्त्री विद्यादेवी भण्डारीले राष्ट्रसंघीय मिसन अन्मिनले योग्य ठहर्याएका माओवादी लडाकूको संख्या, मापदण्ड र हतियारबारे शंका गर्ने खाले प्रमाणहरू आइरहेकाले लडाकूको पुनः प्रमाणीकरण जरुरी भएको बताउनुभएको छ। उहाँले निष्पक्ष अनुगमन गर्न आएको अन्मिन माओवादी पक्षमा उभिएको आरोपसमेत लगाउनुभएको छ। भक्तपुरको झौखेलमा बिहीबार सञ्चारकर्मीहरूसँग कुरा गर्दै रक्षामन्त्री भण्डारीले सरकारको मान्यता अन्मिन आफ्नो पक्षमा उभियोस् भन्ने होइन दुवैतर्फ निष्पक्ष भएर काम गरोस् भन्ने हो तर पूरै माओवादीतिर ढल्किएको छ, भन्नुभयो। नेपाल समाचारपत्रले राखेको जिज्ञासाको उत्तर दिँदै मन्त्री भण्डारीले अन्मिनले पहिले प्रमाणीकरण गरेको प्रक्रिया ठीक छैन भन्ने ज्वलन्त उदाहरण अयोग्यको संख्या र बहिर्गमन भएको संख्याबाट स्पष्ट हुन्छ भन्नुभयो। उहाँका अनुसार अयोग्य ठहर्याइएका ४ हजारमध्ये २ हजार ६ सयको मात्र बहिर्गमन भएको बाँकी १ हजार ४ सयबारे खोजी जरुरी रहेको उल्लेख गर्नुभयो। Continue reading

एमाले बैठकमा अचानक सुरक्षाप्रवेश / ‘प्रधानमन्त्रीले सत्ता नछाडे गृहमन्त्रीलाई फिर्ता बोलाऊ’ / यस्तो सरकारलाई कसरी हाम्रो सरकार भन्ने ?

 प्रमुख सत्तारूढ दल नेकपा (एमाले) का नेताहरुले सरकार शान्तिसुरक्षा कायम गर्न अक्षम भएको भन्दै गृहमन्त्री भीम रावललाई तत्काल फिर्ता बोलाउन माग गरेका छन्। एकहप्ताको स्थगनपछि पुनः बिहीबार प्रारम्भ भएको एमाले केन्द्रीय कमिटीको बैठकमा शान्तिसुरक्षाको एजेन्डा बैठक प्रारम्भ भएपछि थपिएको थियो। बैठकको पहिलो एजेन्डा संविधानको अन्तरवस्तु अर्थात् राज्यको पुनः संरचना र शासकीय स्वरुपबारे एमालेको धारणा बनाउने रहेको थियो। तर केन्द्रीय सदस्य ठाकुर गैरेले शान्तिसुरक्षाको स्थिति गम्भीर बन्दै गएको, हामै्र नेताको नेतृत्वमा सरकार छ, गृहमन्त्री पनि हाम्रै भएकाले यो विषयलाई विशेष एजेन्डाका रुपमा छलफल गर्नुपर्छ भनी प्रस्ताव राख्नुभयो। Continue reading