Monthly Archives: March 2010

(काठमाडौं), लामो समयदेखिको उद्योग-व्यवसायीको मागलाई सम्बोधन गर्दै सरकारले मंगलबार औद्योगिक सुरक्षाबलको गठन गर्ने निर्णयगरेको छ।व्यवसायीहरूले सुरक्षाको प्रत्याभूति नदिए औद्योगिक प्रतिष्ठानमा ताला लगाएर प्रधानमन्त्रीलाई तालाचाबी बुझाउने चेतावनी दिएका थिए।सरकारले औद्योगिक सुरक्षा बलको गठन गर्ने नीतिगत निर्णयगरे पनि यसका लागि आवश्यक ऐन र नियमावली भने बन्न बाँकी रहेको छ। यससम्बन्धी थप प्रक्रियागत व्यवस्था मन्त्रिपरिषद्को राजनीतिक समितिले गर्ने कानुनमन्त्री प्रेमबहादुर सिहंले नेपाल समाचारपत्रलाई बताउनुभयो। सुरक्षाबलमा प्रारम्भमा सशस्त्र प्रहरी बलबाट करिब २ हजार ५ सय सुरक्षाकर्मी पठाइने भएको छ भने आवश्यकताअनुसार थप गर्दै लैजाने नीति सरकारले लिएको छ। औद्योगिक सुरक्षाबल गठनका लागि नै नेपाल सरकारले करिब ५ हजार नयाँ सुरक्षाकर्मी भर्ना गर्न सशस्त्र प्रहरीलाई दरबन्दी स्वीकृत गरिसकेको छ। Continue reading →

सुदर्शन सापकोटा,

काठमाडौं,  बैंकहरुले एक आपस (अन्तर बैंक) बाट सापटी पाउन छाडेका छन्। तरलता संकट गहिरिँदै गएपछि बढीमा सात दिनसम्म अन्तर बैंक सुविधा लिदै आएका बैंकले बैंकिङ प्रणालीभित्र पैसा कम भएपछि सापटी पाउन छाडेका हुन्। मंगलबार अधिकांश बैंकले सापटी माग गरे पनि कसैले उपलब्ध गराउन सकेनन्। ‘मंगलबार सापटी दिन कुनै बैंक तयार भएनन् लक्ष्मी बैंकका प्रमुख कार्यका अधिकृत सुमन जोशीले नागरिकसँग भने।गत साता ६.५ प्रतिशतमा झरेको अन्तर बैंक व्याजदर अहिले १०.५ प्रतिशतमा पुगेको छ। राष्ट्र बैंकले नियमित रुपमा सरका ऋणपत्रको धितो (रिपो) मार्फत पैसा उपलब्ध गराउँदै आए पनि ४ अर्ब रुपैयाँ मात्र दिएको छ। गत साता अवधि पुगेको ९ अर्ब रिपोमध्ये ४ अर्ब रुपैयाँ मात्र राष्ट्र बैंकले नवीकरण (रोलओभर) गरेको थियो। Continue reading →

भारतले लुम्बिनी उतै रहेको प्रमाणित गर्‍यो भने नेपाल शिरविनाको मुर्कट्टो हुनेछ
बुद्ध भारतमा जन्मिएको दाबी र नेपालले नक्कलमात्रै गर्न खोजे पनि असफल भएको आरोपसहित नेपालको जस्तै ‘भग्नावशेष’ बनाउन करोडौँका प्रोजेक्ट तयार गरी रातदिन ट्रयाक्टर र मजदुर खटाएर गौतमबुद्धको मावली देवदह, जन्मस्थल लुम्बिनी र दरबार तिलौराकोट प्याकेजमै भारतमा बनाइँदै छ (हेर्नुहोस्, नयाँ पत्रिका, ४ चैत २०६६) । भारतीय चलचित्र ‘चाँदनी चोक टु चाइना’ मा बुद्धको जन्म भारतमा भएको भनिएको छ । नेपालको सेन्सरबोर्डले उक्त वाक्य काटेर चलचित्र प्रदर्शनको अनुमति दिएको थियो, तर विद्यार्थी र सञ्चारमाध्यमले विरोध गरेपछि सरकार निषेध गर्न बाध्य भयो । हालै सरकारले पशुपतिका भारतीय भट्ट हटाएर नेपाली पुजारी राखेपछि भारतीय राजदूत, सिनेकलाकार गोविन्दा र समाजवादी दलका नेताले दबाबमूलक अभिव्यक्ति राख्दै नेपालको सार्वभौमसत्तामा हस्तक्षेप गरे पनि यहाँको अदालतले भारतीय भट्टलाई नै पुनर्नियुक्त गर्‍यो । यसरी भारतीय हस्तक्षेप हुँदा पशुपतिबारे कोही नबोल्नु तर एउटा सानो सिनेमाको घटनामा सारा देशले नै पीडाबोध गरी लुम्बिनीको समर्थनमा बोल्नुले राष्ट्रियताका सम्बन्धमा लुम्बिनीको ठूलो महत्त्व छ र देशवासीका आँखामा लुम्बिनी महान् छ भन्ने देखाउँछ । Continue reading →

काठमाडौं, नेपालमा शान्ति र विकासमा बेलायती सहयोगको प्रभाव अध्ययन गर्न बेलायतका प्रधानमन्त्री गोर्डन ब्राउनका विशेष दूत ज्याक म्याककनेल तीनदिने भ्रमणका लागि आज नेपाल आउँदै छन्।नेपालको शान्ति र विकासका लागि बेलायती सहयोगबारे प्रत्यक्ष जानकारी लिन म्याककनेल आउन लागेको बेलायती दूतावासद्वारा मंगलबार जारी विज्ञप्तिमा उल्लेख छ। Continue reading →

विश्वको सबैभन्दा ठूलो आर्थिक र सांस्कृतिक मेला, सांघाई एक्स्पोमा चीनले आमन्त्रण गरेका आठ नेताको सूचीमा माओवादी अध्यक्ष प्रचण्ड
बेइजिङ ओलम्पिकको भव्य आयोजनाबाट विश्वलाई चकित पारेको चीन विश्व एक्स्पोको अन्तिम तयारीमा छ । सात वर्षको तयारीपछि १ मेमा सांघाई एक्स्पो आयोजना हुँदै छ ।
आयोजक चीनले एक्स्पोका बारेमा विश्वका एक सय सेलेबि्रटीसँग उनीहरूको सन्देश मागेको छ । विश्वका उत्कृष्ट सेलिबि्रटीको सन्देश भन्दै चिनियाँ रेडियो, टेलिभिजन र पत्रपत्रिकाले प्रकाशन तथा प्रसारण गरिरहेका छन् ।
एक सय सेलिबि्रटीका सूचीमा आठ नेता छानिएका थिए, आठ नेताको सूचीमा नेपालका पूर्वप्रधानमन्त्री तथा माओवादी अध्यक्ष प्रचण्ड छानिएका थिए ।प्रचण्डसँगै आयोजक चीनले सिंगापुर सरकारका अभिभावक लि क्वान यु, जर्मनीका पूर्वचान्सलर गेहार्ड सोर्डर, जापानका पूर्वप्रधानमन्त्री यासुओ फुकुदा, अमेरिकाका पूर्वविदेशमन्त्री हेनरी किसिन्जर, न्युजिल्यान्डका पूर्वप्रधानमन्त्री हेलेन क्लार्क र हंगेरीका पूर्वप्रधानमन्त्री पिटर मेगिसीलाई पनि चीनले उत्कृष्ट नेता मानेर सन्देश मागेको थियो । यी सबै नेताले सांघाई एक्स्पोलाई सम्बोधन गर्नेछन् । Continue reading →

लन्डन, फर्नान्डो टोरेजले दुई गोल गरेपछि लिभरपुलले आइतबार राति सन्डरल्यान्डलाई ३-० ले हराएर आगमी सत्रको च्याम्पियन्स लिगमा चयन हुने सम्भावनालाई कायम राखेको छ ।स्पेनका अन्तर्राष्ट्रिय स्ट्रइकरले खेलको तेस्रो मिनेटमा र ६० औँ मिनेटमा गोल गरेका थिए । लिभरपुलका लागि दोस्रो गोल ग्लेन जोन्सनको नाममा रहृयो । टिमले राम्रो खेलेकाले मैले गोल गर्न सकेँ, आशा गरौँ सर्वश्रेष्ठ गोल अझै आउन बाकी छ, अझै छ खेल खेल्नु छ, हामी यसरी नै बाँकी खेलमा खेल्ने कोसिस गछौर्- टोरेजको प्रतिक्रिया छ ।यस नतिजासँगै लिभरपुल पि्रमियर लिगका पाँचौँ स्थानमा उक्लेको छ । चौथो स्थानमा रहेको टोटेनहामभन्दा लिभरपुल चार अङ्कले पछाडि छ । यसैगरी लिभरपुलले एक खेल बढी खेलिसकेको छ । अङ्क तालिकाको रेलिगेसन क्षेत्रमा रहेको बर्नली घरेलु मैदानमा ब्ल्याकबर्नसँग १-० ले हारेको छ । खेलको २० औँ मिनेटमा डेभिड डुनले पेनाल्टीमा गरेको गोल नै निणायक बनेको थियो । ३३ वर्षपछि गत वर्ष पि्रमियर लिगमा उक्लेको बर्नली यस सत्रमा नै रेलिगेसनमा पर्ने सम्भावना देखिएको छ । Continue reading →

काठमाडौ, चैत्र १७ – विभिन्न राजनीतिक दल सम्बद्ध दश युवा संगठनले संघीय लोकतान्त्रिक गणतन्त्रलाई असफल पार्न अभिब्यक्ति दिने पूर्व राजा ज्ञानेन्द्र शाहलगायतलाई दिइएको सबै सरकारी सुविधा फिर्ता लिन र गिरफ्तार गरी कारवाही गर्न माग गरेको छ ।

दश युवा संगठनको मंगलबार बसेको संयुक्त बैठकले हालै शाह र पूर्व प्रधानमन्त्री कृष्णप्रसदा भट्टराईले दिएको अभिब्यक्तिलाई संघीय लोकतान्त्रिक गणतन्त्र र संविधान निर्माण प्रकृयालाई असफल पार्ने उद्देश्यले आएको निष्कर्ष निकालेको छ ।

शाहले हालै जनकपुरमा राजतन्त्र समाप्त भइसकेको भन्ने कुरा भ्रम मात्र रहेको उल्लेख गरेका थिएभने भट्टराई आइतवार बिज्ञप्ति जारी गरी संविधान नबन्ने पक्का भएको उल्लेख गर्दै ०४७ सालको संविधानलाई पुर्नजीवित गर्न आह्वान गरेका थिए । साथै संघीयता, गणतन्त्र र धर्म निरपेक्षतालाई आयतित पोशकको संज्ञासमेत दिएका थिए । Continue reading →

प्रदीप मेन्याङ्बो

धरान, चैत्र १७ – क्षेत्रीय शिक्षा निर्देशकले निरीक्षण गरिसकेको एसएलसी परीक्षा केन्द्रबाट इलाका प्रसासन कार्यालयका प्रमुखले परीक्षार्थीहरुबाट तीन बोरा चीट, गेसपेपर र गाइड बरामद गरेको छ । मंगलबार विज्ञान विषयको एसएलसी परीक्षाको अनुगमन गर्न एक्लै निस्किएका धरानस्थित इलाका प्रशासन कार्यालयका प्रमुख राममणी पोखरेलले ल्यावरोटरी मावि परीक्षा केन्द्रबाट तीनबोरा चिट बरामद गरेको हो । Continue reading →

आदरणीय कुवेतवासी नेपाली दाजुभाई तथा दिदीबहिनीहरु;

३१ मार्च २०१० देखी ९ अप्रिल २०१० सम्म कुवेतमा एसियन क्रिकेट काउन्सिल एलाइट ट्रफी कुवेत २०१०, १० एसियन राष्ट्रहरुबीच संचालन हुन गईरहेको र जसको समुह A बाट भोलि ३१ मार्च २०१० को दिन, बिहानको ९.०० बजे देखी कुवेतको बिरुद्द सिंगापुर- कुवेतको केईसि ग्राउण्ड (Doha)मा, अफगानिस्तानको बिरुद्द बहराइन- कुवेतको हुबारा ग्राउण्ड (Ahmadi)मा र हङकङको बिरुद्द नेपाल- कुवेतको युनिटी ग्राउण्ड (Ahmadi)मा खेल्ने जानकारी गराउन चाहन्छौं । 

साथै उक्त अवसरमा समस्त कुवेतवासी नेपाली दाजुभाई तथा दिदीबहिनीहरुलाई कुवेतको युनिटी क्रिकेट ग्राउण्डमा उपस्थित भई हाम्रा राष्ट्रिय खेलाडिहरुको हौसला बुलन्द गराई हङकङको बिरुद्द बिजयी हाँसिल गर्न सक्ने माहौल सृजना गरी दिनु हुन माउण्ट एभरेष्ट स्पोर्टिङ्ग क्लव कार्यसमिति हार्दिक अनुरोध गर्दछ ।

थप तथा विस्तृत जानकारीको लागि तलको फिक्सचर्स हेर्नु हुन समेत अनुरोध गरिन्छ । Continue reading →

काठमाडौ, चैत्र १६ –  पछिल्लो एक साता दीपक विष्ट तनावमा रहे, रुन पनि बाध्य भए । तर ‘अन्त्यमा सत्यको सधैं विजय हुन्छ,’ भनिए झै यतिखेर उनमा खुसी छाएको छ । एक साता गलत कारणले चर्चामा रहेपछि तेक्वान्दो स्टार दीपकको विवाद प्रकरणले सोमबार निकास पायो । उनका लागि सोमबार पूरा दिन उतारचढावपूर्ण रह्यो । उनलाई कारबाही गरेको दाबी गर्ने राष्ट्रिय खेलकुद परिषद् पछाडि हट्नुपर्‍यो । एक वर्ष प्रतिबन्ध सजाय घोषणा गरेको राखेपले आपmनो भनाइलाई मिडियाले गलत बुझेको बतायो । Continue reading →

  (काठमाडौं), निर्धारित समयमा संविधान नबन्ने बढ्दो आशंका, माओवादीद्वारा वर्तमान सरकारले राजीनामा दिनुपर्ने माग र केही साना दलले संविधानसभाको म्याद थप गर्नुपर्ने प्रस्ताव राखेको सर्न्दर्भमा कसरी अगाडि बढ्ने भन्ने सर्न्दर्भमा प्रधानमन्त्री माधवकुमार नेपालले छलफल एवम् परामर्शलाई तीव्र पार्नुभएको छ। प्रधानमन्त्री नेपालले यदि आफू सरकारबाट हड्दा निर्धारित समयमै संविधान बन्छ र राष्ट्र बन्छ भने छोड्न तयार रहेको स्पष्ट पार्नुभएको छ। प्रधानमन्त्रीको सो भनाइपछि साना दलका नेताहरूले माधवकुमार नेपाल सरकारबाट हट्दैमा र माओवादीको नेतृत्वमा सरकार बन्दैमा संविधान निर्माणलगायतका विषय जादुको छडीमा पूरा हुन्छन् भन्ने असम्भव कुरा हो, त्यसैले विधि र प्रक्रियाद्वारा सरकार बन्ने र हट्ने कुरा हो कसैका लागि छोड्दिनुपर्छ भन्ने छैन भनी आश्वस्त तुल्याएका छन्। Continue reading →

नयाँ दिल्ली,  भारतकी टेनिस स्टार सानिया मिर्जाले पाकिस्तानी क्रिकेटर शोयब मलिकसँग विवाह गर्ने भएकी छिन्। सानियाका पिता इमरान मिर्जाले यो समाचारको पुष्टि गरेका छन्। सानिया परिवारले दुवैको विवाहको पार्टी यसै एक महिना भित्र हुने बताएका छन्।
विवाहपछि सानिया र सोयब दुबईमा बस्ने छन्। शोयब दुबईमा बस्दै आएका छन्।सानियाका परिवारले जारी गरेको विज्ञप्तिमा सानियाले विवाहपछि पनि खेललाई निरन्तरता दिने बताएकी छिन्। गम्भीर चोट निको भएपछि सानियाले पहिलो पटक विम्वल्डन खेल्ने छिन्। Continue reading →

काठमाडौं, सरकारले सन् २०११ का लागि पर्यटन वर्षको घोषणा गरेसँगै १२ वर्षअघि सन् १९९८ मा मनाएको नेपाल भ्रमण वर्षको तुलनामा अन्तर्राष्ट्रिय उडान गर्ने एयरलाइन्स, हवाईर् सिट र हवाईर् कारोबार दोब्बर हुने भएको छ ।अन्तर्राष्ट्रिय उडान गर्ने एयरलाइन्सको संख्या थपिने क्रम जारी रहेकाले यो संख्या दोब्बरभन्दा बढी हुन लागेको हो । ५ लाख पर्यटक भित्र्याउने उद्देश्यले १२ वर्षअघि सन् १९९८ मा यस्तै प्रकृतिको नेपाल भ्रमण वर्ष मनाउँदा यो संख्या १४ थियो । Continue reading →