कुवेतको पहिलो नेपाली अनलाईन पत्रिका

रामजी बगाले,

काठमाडौं- स्वास्थ्य, शिक्षा, सूचना रोजगार र सुरक्षालाई आफ्नो मुल मन्त्री ठानी सामाजिक कार्यमार्फत् देशलाई आर्थिक परिवर्तनको दिशामा मोड्न प्रयासरत एस्युरेन्स युनिटी लाइफ इन्टरनेशनल लि. ले सन् २०१० भित्रमा युनिटी एयरवेज नेपालमा ल्याउने घोषणा गरेको छ । करिव दुई महिना मलेसिया, सिंगापुर र थाईल्याण्डको भ्रमण सकेर आज स्वदेश फर्किनुभएका युनिटी ग्रुपका प्रबन्ध निर्देशक विष्णु क्षेत्रीले एयरपोर्टमा गरिएको पत्रकार सम्मेलनमा उक्त घोषणा गरेका हुन् ।

क्षेत्रीले आफ्नो अहिलेको भ्रमण एकदम सफल भएको बताउँदै इन्टरनेशनल एयरवेजको लागि एयर एशियासँग युनिटी ग्रुपको सम्झौता भएको बताउँदै आफ्नो टुर एण्ड ट्राभल्स योजना अन्तरगत सन् २०११ सम्ममा वर्षेनी १ लाख पर्यटक भित्रने बताए । क्षेत्रीले एयरपोर्टमा पत्रकारहरुको प्रश्नको उत्तर दिँदै हाइड्रोको लागि सरकारले उचित वातावरण मिलाए ७ हजार मेघावाटसम्मको हाइड्रो निकाल्ने विषयमा विदेशी पार्टीहरुसँग छलफल भएको जनाउँदै अहिले राजधानीमा मेट्रो ट्रेनको आवश्यकता भएको र सरकारले वातावरण मिलाए आफूहरुले त्यसमा पनि लगानी गर्ने दावी गरे । उनले आफूले एयर एम्बुलेन्सलगायत विभिन्न ठूला प्रोजेक्टको विषयमा विदेशी पार्टीहरुसँग छलफल गरेको बताउँदै राज्यले आफ्नो ठाउँबाट सहयोग गरे युनिटी ग्रुपले धेरै कार्य गर्ने बताए । क्षेत्रीले देश विकासको लागि ह्युमेन रिसोस्र र वाटर रिसोस्र मात्रै भएको जनाउँदै विश्वमै अब यि दुई चिज जसले प्रयोग गर्न सक्छ त्यही देश मात्र विकसित मुलुक हुने दावी गर्दै युनिटीले यि दुवै चिज प्रयोग गर्ने बताए ।