जय आले, कुवेत
गत ०५ जून २००९ का दिन, क्लवको वार्षिक साधारण सभा एवं निर्वाचन समितिबाट निर्वाचित माउण्ट एभरेष्ट स्पोर्टिङ्ग क्लव, काठमाण्डौ-कुवेतका पदाधिकारीहरुले १९ जून २००९, शुक्रवारको दिन, कुवेतको शाही तन्दुरी रेष्टुरेन्ट जिलिव अल-सुवैखमा नियुक्ति पत्रसहित सपथ लिएका छन । क्लवका अध्यक्ष श्री बाल कुमार गुरुङ्गको अध्यक्षतामा सम्पन्न सो कार्यक्रम, नव-निर्वाचित सचिव श्री ईन्द्र प्रसाद भूषालले संचालन गर्नु भएको थियो । कार्यक्रममा क्लवका पदाधिकारीहरु सहित वरिष्ट सल्लाहाकारहरुको समेत उपस्थिती रहेको थियो ।
क्लवका नव-निर्वाचित अध्यक्ष श्री किरण पौड्यालले सम्पूर्ण नयाँ कार्यसमितिका पदाधिकारीहरुलाई सपथ ग्रहण गराउनु भएको थियो भनें किरण पौड्याललाई निवर्तमान अध्यक्ष बाल कुमार गुरुङ्ले सपथ ग्रहण गराउनु भयो । यो कार्यसमितिको कार्यावधी ०१ जुलाई २००९ देखी ३० जून २०११ सम्म वहाल रहनेछ । नयाँ कार्यसमितिका पदाधिकारीहरु निम्न वमोजिम रहेका छन ।
वरिष्ट सल्लाहाकारहरु :-
१. श्री राजेद्र तामाङ्ग (काठमाण्डौ)
२. श्री मित्र सिंजालि (काठमाण्डौ)
३. श्री बाल कुमार गुरुङ्ग (धरान)
पदाधिकारीहरु :-
१. अध्यक्ष – किरण पौड्याल (काठमाण्डौ)
२. उपाध्यक्ष – धर्मराज गिरी (झापा)
३. सचिव – ईन्द्र प्रसाद भूषाल (पर्वत)
४. सह-सचिव – राजन रिमाल (तनहुँ)
५. कोषाध्यक्ष – जय आले (पर्वत)
६. सह-कोषाध्यक्ष – शिवराम पौडेल (तनहुँ)
७. सदस्य/संगठन विस्तार विशेषज्ञ – जगत मगर (मोरङ्)
८. सदस्य/बिकास अनुसन्धान विशेषज्ञ – चन्द्र तामाङ् (खोटाङ्)
९. सदस्य/खेलकुद विशेषज्ञ – मान बहादुर मगर (बाग्लुङ्)
१०. सदस्य/क्लव प्रवक्ता – सुजन के. सि. (बुटवल)
११. सदस्य – मान बहादुर गुरुङ् (चितवन)
१२. सदस्य – राम बस्नेत (मोरङ्)
१३. सदस्य – बम बहादुर बिष्ट (काठमाण्डौ)
१४. सदस्य – डम्बर जंग मल्ल (लम्जुङ्)
१५. सदस्य – शिव कुमार सुब्बा (झापा)
१६. सदस्य – जित बहादुर खड्का (खोटाङ्ग)
१७. सदस्य – सुरेश कुमार गुरुङ् (संखुवासभा)
१८. सदस्य – ईन्द्र प्रसाद पोखरेल (चितवन)
१९. सदस्य – अमर बहादुर गुरुङ् (पोखरा)
२०. सदस्य – बिक्रम थापा (काठमाण्डौ)
२१. सदस्य – आनन्द श्रेष्ठ (काठमाण्डौ)
२२. सदस्य – केदार नाथ खरेल (बारा)
२३. सदस्य – सविन राउत (उदयपुर)
२४. सदस्य – ललिता थापा मगर (मकवानपुर)
कार्यक्रममा क्लवका अध्यक्ष श्री बाल कुमार गुरुङ्गले, नव-निर्वाचित अध्यक्ष श्री किरण पौड्याललाई क्लव हस्तान्तरण गर्दै मिति १९ जून २००९ बाट आफ्नो सम्पूर्ण कार्यकालको अन्त्य भएको घोषणा गर्नुभयो । श्री बाल कुमार गुरुङ्गले नयाँ कार्यसमितिले क्लवलाई एक नयाँ र वैज्ञानीक ढङ्गबाट अगाडि बढाई कुवेतवासी नेपालीहरुको हितमा काम गर्ने र आफुले क्लवलाई हमेशा सहयोग पुर्याउने बताउनु भयो ।
निवर्तमान अध्यक्ष बालकुमार गुरुङ्, नव-निर्वाचित अध्यक्ष किरण पौड्याललाई क्लव हस्तान्तरण गर्दै,
यसैगरी उपाध्यक्षमा पुन. निर्वाचित श्री धर्म राज गिरीले क्लवसँग भएको एक सिमित अधिकार, कार्यक्षेत्र र कुवेतको कानुनका साथै सदस्यहरुको आ-आफ्नै ड्युटिको व्यस्तताले पनि कुवेतमा दिनहुँ तिव्र गतिमा फैलिंदै गएको कुवेतवासी नेपालीहरुको समस्यालाई उल्लेखनिय रुपमा सहयोग गर्न असक्षम रहेपनी सक्दो र क्षमताले भ्याएसम्म नेपालीहरुको हितमा काम गर्नेछ र गर्दै आएको बिगतका ईतिहास साँक्षी रहेको कुरा बताउनु भयो र निकट भविष्यमा पनि पीडित कुवेतवासी नेपालीहरुको निम्ती सदा एउटा बैशाखीको भूमिकामा क्लव प्रस्तुत हुने बताउनु भयो । साथै खेलकुद र मनोरन्जनको क्षेत्रमा भनें क्लवले सोंचेभन्दा बढी सफलताहरु हाँसिल गर्दै आएको र बहिरबाट पनि यसको प्रशंसा भईरही आएको पनि मन्तव्यको क्रममा वहाँले बताउनुभयो ।
सपथ ग्रहण कार्यक्रममा क्लवका वरिष्ट सल्लाहाकारद्वय श्री राजेन्द्र तामाङ् र श्री मित्र सिंजालिले पनि क्लवले राम्रो काम गर्दै आएकोमा प्रशंसा गर्दै नयाँ कार्यसमितिलाई बधाई तथा सफल कार्यकालको शुभकामना दिंदै क्लवलाई हर किसिमको सहयोग पुर्याउने प्रतिबद्दता जनाउनु भएको थियो ।
जलपानको व्यवस्था समेत रहेको कार्यक्रमलाई अध्यक्षता गर्नु भएका निवर्तमान अध्यक्ष बाल कुमार गुरुङले औपचारिक समापन भएको घोषणा गर्नु भएको थियो ।
