अत्यान्तै जरुरी सूचना !!

मिती : २० मे, २००९

बिषय: दूतावास स्थापनाको लागि व्यक्ती विवरण संकलन गर्ने बारे ।
 
कुवेत नगरिमा पेशारत सम्पूर्ण आदरणिय दाजुभाई, दिदीबहिनीहरु ;
 
यस माउण्ट एभरेष्ट स्पोर्टिङ्ग क्लव काठमाण्डौ, कुवेतको सकृयतामा कुवेत नगरिमा नेपाली दूतावास स्थापनाको लागि नेपाल सरकारको ध्यानाकर्षण गराउन, क्लवले कुवेतवासी नेपालीहरुलाई आफ्नो विविध कार्यक्रमहरु मार्फत सूचित गराउँदै आएको र जसको निम्ती एक हस्ताक्षर संकलन अभियान चलाई परराष्ट्र मन्त्रालय पठाउन क्लवले अहम भूमिका खेल्दै आएको सर्वविदितै छ । साथै यो अभियान अन्तिम चरणमा पुगिसकेको पनि यसै सूचना मार्फत जानकारी गराउँदछौं । तर आज संकलन गरिएको हस्ताक्षर र ज्ञापन पत्रको साथमा कुवेतवासी नेपालीहरुको पूर्ण व्यक्ती विवरण पनि नेपाल सरकारलाई बुझाउनु पर्ने सूझाव र सल्लाह हाम्रो सामु बिभिन्न संघ-संस्था, वुद्दिजिवी वर्ग र नेपाल सरकारको सम्वन्धित निकायहरुबाट पनि भई-रही आएकोले हामीले विषेश परिस्थितिमा यो सूचना जारी गरेका हौं ।
 
दाजुभाई- दिदिबहिनीहरु, यो परिवेशमा हामीलाई तपाईंहरुको साथ र सहयोगिको हात चाहिएको छ । आउनुहोस् यो पवित्र काम सबै मिली सफल पारौं । तपाईंहरुको सहयोग सरल र सुलभ तवरले प्राप्त र उपभोग गर्न सकौं भन्ने उद्देश्यले हामीले यो सूचनाको साथमा एउटा माईक्रोसफ्ट वर्डको डाटा पनि अट्याच् गरी राखेका छौं, जुन डाटामा तपाईंहरुले आफ्नो पूर्ण विवरण (पुरा नाम, अस्थायी- स्थायी ठेगाना, कुवेत आएको मिती, टेलिफोन नम्वर, राहदानी नम्वर, जारी गरिएको स्थान- मिती र वहाल रहने अवधी साथै भएमा ईमेल ठेगाना) समेत राखी हामीलाई यथाशिघ्र ईमेल मार्फत पठाउन या क्लवको कुनै पनि सदस्यहरुलाई भेटेर दिनुहुनको लागि यस क्लव हार्दिक अनुरोध गर्दछ ।

वर्ड डाटा खोल्नको लागि तलको फाईलमा क्लिक गर्नुहोस् ।

Details of Nepali Expatriate

धन्यवाद ।
 
माउण्ट एभरेष्ट स्पोर्टिङ्ग क्लव काठमाण्डौ, कुवेत