माओवादी अध्यक्ष पुष्पकमल दाहालको नेतृत्वमा एमाले र मधेसी जनाधिकार फोरम सामेल सरकार गठन गर्ने सहमति बिहीबार भएको हो । माओवादीलाई रक्षा, एमालेलाई गृह र फोरमलाई परराष्ट्र मन्त्रालयको मात्र टुंगो लागेको छ । बांकीको भागबन्डाबारे आज टूंगो लगाइने भएको छ ।
साना दललाई पनि सहभागी गराउने पहल भइरहेकाले बांडफांड बांकी रहेको हो । ती दलबीच माले, जनमोर्चा, सद्भावना र नेकपा (संयुक्त) लाई एक-एक मन्त्रालय दिने सहमति भएको छ ।
माओवादीभित्र पनि कुन मन्त्रालय कसले लिने भन्ने पूरै टुंगो लागिसकेको छैन । रक्ष्ामा रामबहादुर थापा वा कृष्णबहादुर महरा र अर्थ बाबुराम भट्टराईले सम्हाल्नेबारे छलफल भएको एक केन्द्रीय नेताले बताएकाछन् । मन्त्री बन्नेमा पम्फा भुसाल र जयपुरी घर्ती मगरको नाम पक्का भए पनि मन्त्रालयको टुंगो लागिसकेको छैन ।
एमालेबाट अमृत बोहरा, वामदेव गौतम वा विष्णु पौडेलले सरकारको नेतृत्व गर्ने सम्भावना छ । संसदीय दलका सचेतक रामचन्द्र झा र केन्द्रीय सदस्य भीम रावल मन्त्री हुने लगभग निश्चित छ । फोरमको नेतृत्व अध्यक्ष उपेन्द्र यादवले गर्ने भएका छन् । ***
___________________________
___________________________
___________________________
___________________________
___________________________
___________________________
___________________________
_________________________
__________________________
__________________________
__________________________
_________________________
_________________________
____________________________
